Ermənistan–Hindistan münasibətləri

Hindistan—Ermənistan münasibətləri — Hindistan və Ermənistan arasında iki tərəfli diplomatik münasibətlər.

Hindistan—Ermənistan münasibətləri
Hindistan  Ermənistan
Vikianbarda əlaqəli mediafayllar

Tarix

Orta əsrlər tarixi

Moğol İmperatoru Əkbər şah (1556-1605) XVI əsrdə erməniləri Aqrada yerləşməyə dəvət edir. XIX əsrin ortalarında Hindistanda xeyli sayda erməni yaşayırdı. Erməni tacirlər Moğol İmperiyası dövründə Aqranı ziyarət etmişlər. Əkbər ermənilərə bir neçə imtiyaz, xeyli etiqad azadlığı və hökumətdə işləmək imkanı vermişdi. Əkbərin həyat ypldaşlarından biri olan Məryəm Zamani Bequm erməni idi. İmperator fərmanı ilə erməni tacirlər idxal etdikləri və ixrac etdikləri mallara görə vergi ödəməkdən azad edilmişdi. Moğol İmperiyası ərazilərində xaricilərin girişinin qadağan olunduğu ərazilərdə hərəkət etmələrinə icazə verilirdi. 1562-ci ildə Aqrada bir erməni kilsəsi tikildi. XVI əsrdən başlayaraq ermənilər (əksəriyyəti İrandan olanlar), Hindistanın qərb sahilində yerləşən dövrün ən fəal Hindistan limanı olan Suratda əhəmiyyətli bir ticarət birliyi qurmuşdular. Ayrıca ermənilər Kəlkətənin yaxınlığındakı Cinsurda məskunlaşdılar. 1697-ci ildə orada kilsə inşa etdilər. Bu Benqaliyada ikinci ən qədim kilsədir. Bu kilsə Kəlkətə Erməni Kilsəsi Komitəsinin işi sayəsində hələ də yaxşı qorunub saxlanılmışdır.

Çağdaş tarix

1902-ci ildə qrammofona mahnı yazdıran yazdıran ilk şəxs olan hindistanlı klassik müğənni Qoxar Caan erməni əsilli idi. Hindistan 15 avqust 1947-ci ildə müstəqillik qazandıqdan sonra, ölkədəki erməni icmasının əksəriyyəti Avstraliya, ABŞ və digər ölkələrə köç etdi. Hindistanda qalan erməni icması əsasən Kəlkətədə cəmləşib. Bəzi ermənilər isə Mumbay, Dehli, Aqra və Cennaidə də yaşayır. Bütün bu şəhərlərdə erməni kilsələri və qəbiristanlıqları var. Hindistanlılar və ermənilər arasındakı evliliklər hindermənilərinin meydana çıxmasına səbəb olmuşdur.

Hindistan Prezidenti Sarvepalli Radhakrişnan 1964-cü ilin sentyabrında, 1976-cı ilin iyununda Baş nazir İndira Qandi Ermənistan Sovet Sosialist Respublikasına səfər etmişdir.

Hindistan Ermənistanın müstəqillik elan etməsindən üç ay sonra 26 dekabr 1991-ci ildə tanıyır. Hindistan və Ermənistan arasında diplomatik münasibətlər 31 avqust 1992-ci ildə qurulmuşdur. Hindistan 1 mart 1999-cu ildə İrəvanda səfirliyini açır. 1994-cü ilin aprelində fəxri konsulluğu açan Ermənistan, 1999-cu ilin oktyabrında Yeni Dehlidə səfirliyini açır.

Ermənistan prezidentləri Levon Ter-Petrosyan 1995-ci ildə, Robert Köçəryan isə 2003-cü ildə Hindistana səfər etmişdir.