Etibar Pirverdiyev

Etibar Sinabəddin oğlu Pirverdiyev (23 iyun 1964, Yuxarı Ləgər, Qusar, Azərbaycan) — "Azərenerji" Açıq Səhmdar Cəmiyyətinin keçmiş prezidenti, mühəndis-elektrik.

Etibar Pirverdiyev
"Azərenerji" Açıq Səhmdar Cəmiyyətinin prezidenti
27 noyabr 2001 – 4 sentyabr 2018
Sonrakı	Balababa Rzayev
Şəxsi məlumatlar
Doğum tarixi	23 iyun 1964
Doğum yeri	Yuxarı Ləgər, Qusar, Azərbaycan SSR, SSRİ
Vətəndaşlığı	SSRİ→ Azərbaycan
Fəaliyyəti	dövlət xadimi
Dini	İslam

Həyatı

Etibar Pirverdiyev 23 iyun 1964-cü ildə Qusar rayonunun Yuxarı Ləgər kəndində anadan olmuşdur.

1983-1987-ci illərdə V.D.Kalmıkov adına Taqanroq Radiotexnika İnstitutunda təhsil almışdır.

İxtisasca mühəndisdir.

1988-1991-ci illərdə Azərbaycan Kosmik Araşdırmalar İnstitutunda, Bakı Qazan-Mexaniki Zavodunda müxtəlif vəzifələrdə çalışmışdır.

2000-2001-ci illərdə Azərbaycan Respublikası Dövlət Əmlakı Nazirliyinin Özəlləşdirilmiş səhmdar cəmiyyətlərində dövlət payının tənzimlənməsi şöbəsinin rəisi, «Bakıelektrikşəbəkə» Açıq Tipli Səhmdar Cəmiyyətinin sədri vəzifələrində işləmişdir.

Azərbaycan Respublikası Prezidentinin 27 noyabr 2001-ci il tarixli, 830 nömrəli Sərəncamı ilə "Azərenerji" ASC-nin prezidenti təyin edilmişdir.

4 sentyabr 2018-ci ildə "Azərenerji" ASC prezidenti vəzifəsindən azad edilmişdir.

Ailəlidir, 3 övladı var.

Xarici keçidlər

• Bakıda Elektrik Şəbəkəsinin Tarixi: Azərbaycan Elektrik Şəbəkəsi haqqında ümumi məlumat: Pirverdiyev Etibar Sinabəddin oğlu Arxivləşdirilib 2015-04-23 at the Wayback Machine