Paroza evkalipti

Paroza evkalipti (lat. Eucalyptus porosa) — mərsinkimilər fəsiləsinin evkalipt cinsinə aid bitki növü.

Paroza evkalipti
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Malvids Dəstə: Mərsinçiçəklilər Fəsilə: Mərsinkimilər Yarımfəsilə: Myrtoideae Triba: Eucalypteae Cins: Evkalipt ???: Paroza evkalipti
Beynəlxalq elmi adı
Eucalyptus porosa Miq., 1856
Şəkil axtarışı NCBI   795992 EOL   245544

Təbii yayılması

Vətəni Avstraliyadır. Aralıq dənizi sahillərində geniş ərazilərdə becərilir.

Botaniki təsviri

Hündürlüyü 15–18 m-ə çatan, sıx çətirli ağacdır. Gövdəsinin qabığı boz-qonur rənglidir. Təzə yarpaqları açıq yaşıl rəngli, parlaq, yaşlandıqca əyilmiş formalı, tünd və ya açıq yaşıl rəngdə olur. Birevli bitkidir. Avqust-sentyabr aylarında çiçəkləyir. Meyvəsi qutucuqdur.

Ekologiyası

Abşeronun iqlim şəraitinə davamlı olub, işıqsevən bitkidir. Yaşadığı mühitdən, iqlim-torpaq şəraitindən, dəniz səviyyəsindən, yerləşmə hündürlüyündən asılı olaraq bitkinin böyüməsi və inkişaf fazaları bir-birindən fərqlənir.

Azərbaycanda yayılması

Abşeronda Dendrologiya İnstitutunun təcrübə sahələrində 1967-ci ildən introduksiya olunmuşdur. Bir çox bölgələrdə mədəni şəraitdə becərilir.

İstifadəsi

Yarpaqların tərkibində efiryağı vardır. Yaşıllaşdırmada istifadə üçün yararlıdır.

Ədəbiyyat

• Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri. Bakı: Elm, 2014, 380 səh.