Eyruz Məmmədov

Eyruz Məmmədov (13 yanvar 1953, Bakı) — azərbaycanlı jurnalist.

Eyruz Məmmədov
Eyruz Surxay oğlu Məmmədov
Doğum tarixi	13 yanvar 1953(1953-01-13) (71 yaş)
Doğum yeri	Bakı, Bakı vilayəti, Azərbaycan SSR, SSRİ
Milliyyəti	azərbaycanlı
Dini	müsəlman
Təhsili	Bakı Dövlət Universiteti
Fəaliyyəti	jurnalist
eyruzunsesi.az

Həyatı

1953-cü ildə Bakı şəhərində anadan olmuşdur. 1958-ci ildən Sumqayıt şəhərində yaşayır.

Sumqayıt şəhəri 12 nömrəli tam orta məktəbi bitirmişdir.

Azərbaycan Dövlət Universitetini bitirib; ixtisasca jurnalist-filoloqdur.

"Sumqayıtın əks-sədası" qəzetinin baş redaktorudur.

1988-ci ildə baş vermiş Sumqayıt hadisələrindən sonra ömrünün qalan hissəsini ekspert qismində bu olayların araşdırılmasına həsr etmişdir.

"Sumqayıtın əks-sədası" tammetrajlı, "Sumqayıtın əks-sədası-2" sənədli filmlərinin, "28-dən 29-na keçən gecə", "Sumqayıtım mənim", "2-ci paralel", "Bir, iki, üç… və yaxud Dağ çiçəyi", "Anata", "Gecə… İncə gecə", "Mister Riç" və s. kitablarının müəllifidir.

Mükafatları

• Həsən bəy Zərdabi adına mükafat;
• "Qızıl qələm" mükafatı;
• "Araz" ali ədəbi mükafatı.

Əsərləri

Erməni təxribatı (Sumqayıt, fevral, 1988-ci il). Faktlar və mülahizələr.

Sumqayıt Gənclər, İdman və Turizm Baş idarəsinin sifariçi ilə 2005-ci ildə Azərbaycan, rus və ingilis dillərində çap olunmuşdur.

• Müəllif: Eyruz Məmmədov.
• Rəyçi: tarix elmləri doktoru, professor Həqiqət Aslanov
• Redaktor: Hacı Ağəddin Mansurzadə
• Tiraj: 2000
• Format: 84x108 1/32
• Həcmi: 3,75 ç.v.