Fərid Məmmədov (sahibkar)

Fərid Adil oğlu Məmmədov (25 iyun 1974, Bakı) — sahibkar, Tərəqqi medalı mükafatçısı, "Caspian Event Organisers" şirkətinin baş direktoru, "Iteca Caspian LLC" şirkətinin icraçı direktoru, "Azərbaycan Sərgi Təşkilatçıları Assosiasiyası" İctimai Birliyinin İdarə Heyətinin sədri, eyni zamanda Azərbaycan Avtomobil Federasiyasının vitse prezidentidir.

Fərid Məmmədov
Doğum tarixi	25 iyun 1974(1974-06-25) (49 yaş)
Doğum yeri	Bakı, Azərbaycan SSR, SSRİ
Vətəndaşlığı	Azərbaycan
Həyat yoldaşı	Suzanna Burezgi Monsef qızı
Uşaqları	Ayşa Məmmədli Səlimə Məmmədli
Atası	Adil Sərxan oğlu Məmmədov
Anası	Almaz İsmayıl qızı Məmmədova
Təhsili	Azərbaycan Dövlət İqtisad Universiteti
Mükafatları

Həyatı

Fərid Məmmədov 25 iyun 1974-cü ildə Bakı şəhərində anadan olmuşdur. 1981-ci ildə orta məktəbə getmiş 1991-ci ildə bitirmişdir. 1992-ci ildə Azərbaycan Dövlət İqtisad Universitetinin İqtisadiyyatın Dövlət Tərəfindən Tənzimlənməsi ixtisasına daxil olmuşdur. 1992-ci ilin aprel ayından Material Ehtiyatları Nazirliyində çalışmağa başlamışdır. 1998-ci ildə Azərbaycan Dövlət İqtisad Universitetini bitirmişdir. Fərid Məmmədov 1992–1994-cü illərdə hərbi qulluqdan qayıtmış və təhsilini davam etdirmişdir, eyni zamanda Material Ehtiyatları Nazirliyində 2000-ci ilədək çalışmışdır.

Fərid Məmmədov peşəkar avtomobil idmançısıdır. O yerli və beynəlxalq yarışlarda müxtəlif mükafatlar qazanmışdır.

Ailəsi

Ailəlidir, iki övladı var.

Fəaliyyəti

• 1992–2000-ci illərdə Material Ehtiyatları Nazirliyində iqtisadçı/mühasib kimi işləmişdir.
• 1999–2000 — ITE Group Plc şirkətində məsləhətçi vəzifəsində işləmişdir.
• 2000 — bu günə qədər "Iteca Caspian LLC" icraçı direktor vəzifəsini icra edir.
• 2014 — bu günə qədər "Caspian Event Organisers" şirkətinin baş direktor və sahibkar vəzifəsini icra edir.
• 2023 — bu günə qədər "Azərbaycan Sərgi Təşkilatçıları Assosiasiyası" İctimai Birliyinin İdarə Heyətinin sədri vəzifəsini icra edir.
• 2023-cü il noyabr - bu günə qədər Azərbaycan Avtomobil Federasiyasının vitse prezidenti vəzifəsini icra edir.

2007-ci ildə Beynəlxalq Sərgilər Assosiasiyası (UFİ) tərəfindən tanınan və təşkil olunan Sərgilərin Təşkili və İdarə edilməsi sahəsində təhsil almışdır. Assosiasiyanın əsas məqsədi tədbir və sərgilərin təşkili sahəsində fəaliyyət göstərən qurumları müvafiq məlumat və resurslarla təmin etmək, bu sahənin inkişafını sürətləndirməkdir.

Üzv olduğu təşkilatlar

• 2004-cü ildən "Caspian European Club" klubunun üzvüdür.
• 2005-ci ildən Beynəlxalq Sərgilər (UFİ) Assosiasiyasının üzvüdür.
• 2005-ci ildən Beynəlxalq Xəzər Neft və Qaz Sərgi və Konfransının təşkilat komitəsinin üzvüdür.
• 2010-cu ildən "Baku Nobel Oil Club" biznes klubunun üzvüdür.
• 2014-cü ildən Azərbaycan Avtomobil Federasiyasının (AAF) üzvüdür.

Şirkətlər

"Iteca Caspian" şirkəti

2000-ci ildə yaradılmış "Iteca Caspian LLC" şirkəti, beynəlxalq sərgi təşkilatçılardan biri – "ITE Group PLC" (Böyük Britaniya) şirkətinin tərəfdaşıdır. "ITE Group PLC", dünyanın müxtəlif yerlərində fəaliyyət göstərən sərgilərin və konfransların təşkili ilə məşğul olan şirkətlərin və qurumların birliyidir. Şirkətin qərargahı Londonda yerləşir.

"Iteca Caspian" Azərbaycanda sərgilərin və konfransların aparıcı təşkilatçılığı ilə öz fəaliyyətini doğrultmuşdur. "Iteca Caspian" şirkətinin tədbirləri Azərbaycan dövlət qurumlarının rəsmi dəstəyi ilə keçirilir. Şirkətin portfoliosuna Beynəlxalq Xəzər Neft və Qaz Sərgi və Konfransı və Xəzər Beynəlxalq Energetika və Alternativ Enerji Sərgisi kimi tədbirlər daxildir.

"Caspian Event Organisers" şirkəti

Azərbaycanda keçirilən bir sıra beynəlxalq sərgi və konqreslərin təşkilatçısı, o cümlədən bu kimi tədbirlərin peşəkar operatoru olan "Caspian Event Organisers" (CEO) şirkəti, regionda konfransların, eləcə də sərgilər, konqreslər və digər işgüzar tədbirlərin təşkili və servisi üzrə kompleks xidmətlər göstərir. Şirkətimizin servis xidmətlərinə reklam kampaniyaların, tədbirlərin açılışı üzrə rəsmi mərasimlərin, təntənəli axşam ziyafətlərinin, furşet, ekskursiyalar və idman tədbirlərinin təşkili də daxildir.

“Azərbaycan Sərgi Təşkilatçıları Assosiasiyası” (ASTA)

“Azərbaycan Sərgi Təşkilatçıları Assosiasiyası” (ASTA) Azərbaycanda aparıcı sərgi təşkilatçılarının, sərgi salonları və mərkəzləri, sərgi, yarmarka, konqres və tədbirlər sənayesində fəaliyyət göstərən xidmət şirkətlərini bir araya gətirən ictimai birliyidir.

Birliyin əsas məqsədi sərgi təşkilatçılarının fəaliyyətinin əlaqələndirilməsinə, onların arasında bilik və təcrübə mübadiləsinin təmin edilməsinə komək etməkdən ibarətdir.

ASTA-nın əsas vəziflələri:

• Ölkəmizdə sərgilərin inkişafına zəmin yaratmaq
• Sərgi təşkilatçılarını maarifləndirmək
• Bu sahədə mövcüd olan yeni texnoloqiyaları tədbiq etmək
• Sərgi təşkilatçılığı mədəniyyətinin və səmərəliliyin artırılmasına yardım etmək
• Sərgi təşkilatçılığı sahəsində beynəlxalq təcrübəni öyrənmək və Azərbaycanda tətbiq etmək

Təşkil olunan sərgilərin siyahısı

• "ADEX" – Beynəlxalq Müdafiə sərgisi
• "Caspian Agro" — Azərbaycan Beynəlxalq Kənd Təsərrüfatı Sərgisi
• "BakuBuild" Azərbaycan Beynəlxalq İnşaat sərgisi
• "Bakutel" Telekommunikasiya, İnnovasiya və Yüksək Texnologiyalar
• InterFood Azerbaijan — Azərbaycan Beynəlxalq Qida Sənayesi Sərgisi
• TransLogistica Caspian — Beynəlxalq Nəqliyyat, Tranzit və Logistika Sərgisi
• Road&Traffic — Beynəlxalq Yol İnfrastrukturu və İctimai Nəqliyyat Sərgisi
• Medinex — Azərbaycan Beynəlxalq Tibb İnnovasiyaları Sərgisi
• Bakı Enerji Həftəsi
• Rebuild Karabakh
• "Fərqli Fərdlər" — Xüsusi Qayğıya Ehtiyacı Olan İnsanlar üçün Konqres
• AITF — Azərbaycan Beynəlxalq Turizm və Səyahətlər Sərgisi
• Caspian Oil&Gas — Beynəlxalq Xəzər Neft və Qaz Sərgisi
• Caspian Power — Xəzər Beynəlxalq Energetika və Yaşıl Enerji Sərgisi
• Securex Caspian — Xəzər Beynəlxalq Mühafizə, Təhlükəsizlik və Xilasetmə Vasitələri Sərgisi
• Aquatherm Baku — Beynəlxalq İstilik, Havalandırma, Kondisionerləşdirilmə, Su təchizatı, Santexnika və Üzgüçülük Hovuzu Sərgisi
• Beauty Azerbaijan — Azərbaycan Beynəlxalq Gözəllik İndustriyası Sərgisi

Digər tədbirlər

2021-ci ildə

• IBF – Beynəlxalq Biznes Forumu
• Azərbaycan İnvestisiya və Mədəniyyət Sammiti

2019-cu ildə

• IOI 2019 – 31-ci Beynəlxalq İnformatika Olimpiadası

2018-ci ildə

• "IAPH BAKU" 2018 Dünya Limanları Konfransı çərçivəsində sərgi
• Avropa Şəhərciyi 2018
• 1-ci Bakı Beynəlxalq Qida Təhlükəsizliyi Konfransı

2017-ci ildə

• 41-ci Dünya Skaut Konfransı
• "Sağlam Təhsil – Sağlam Millət"- Görülən İşlər, Nailiyyətlər, Perspektivlər Konfransı

2016-cı ildə

• BMT Sivilizasiya Alyansının 7-ci Qlobal Forumu

2015-ci ildə

• ADB AM — Asiya İnkişaf Bankının (AİB) Rəhbərlər Şurasının 48-ci İllik Toplantısı

2014-cü ildə

• "Art&Jewels of the World Fair Baku" Sərgisi

2012–2014-cü illərdə

• SOCAR OGPC (Oil Gas Processing and Petrochemical Complex) Forum 2012 — ARDNŞ Neft-Qaz Emali və Neft-Kimya Kompleksi Forumu
• BITC 2012 – "Şəhərlərdə Tunel və Yeraltı İnfrastrukturlar" Bakı Beynəlxalq Konqresi
• IGF 2012 — İnternetdən istifadənin idarə olunması üzrə 7-ci Beynəlxalq Forum
• Youth Fair 2012 — Gənclər təşkilatlarının IV Respublika Sərgisi

2013-cü ildə

• İslam Əməkdaşlıq Təşkilatının üzv dövlətlərinin əmək nazirlərinin 2-ci Konfransı
• "Jewels of the World" Fair
• Beynəlxalq Konfrans "Neft sənayesində ətraf mühit məsələlərinə qlobal baxış"

2008-ci ildə

• "Azərbaycan və Türkmənistanın neft və qaz potensialı: energetika, iqtisadiyyat, ekologiya. Əməkdaşlığın strategiyası" Beynəlxalq Konfransı
• MDB ölkələri üzrə bank konfransı

2005-ci ildə

• Ümumdünya Gömrük Sərgisi və Forumu

Sərgilər rəsmi olaraq Azərbaycanın dövlət strukturları tərəfindən dəstəklənir. Azərbaycan Respublikasının Prezidenti İlham Əliyev "Xəzər Neft və Qaz", "bakutel", "AITF", "InterFood Azerbaijan", "Caspian Agro" və "ADEX" sərgilərinə dəstək verir və ziyarət edir.

Mükafatları

• 2012 – Emanuel Nobel memorial medalı (Bakı Nobel İrsi Fondu tərəfindən təltif olunub)
• 2013 – Bakıda keçirilən Azərbaycan Kartinq Çempionatının mükafatçısıdır.
• 2018 – Azərbaycan Respublikasının Prezidenti İlham Əliyev tərəfindən Azərbaycanda sərgilərin təşkilində olan xidmətlərinə görə Tərəqqi medalı ilə təltif olunmuşdur.
• 10 oktyabr 2019-cu ildə — Azərbaycan Respublikasında sərgilərin təşkil edilməsindəki xidmətlərinə, o cümlədən Azərbaycan Nar İstehsalçıları və İxracatçıları Assosiasiyasının fəaliyyətinə göstərdiyi qayğı və diqqətə görə Fərid Məmmədov "Azərbaycan Narı" döş nişanı ilə təltif edilib.
• 2019 – Gəncədə təşkil edilmiş V1 Challenge 2019 yarışmasının qalibidir.
• 2022 — "Azərbaycan Respublikası Müdafiə Sənayesi Nazirliyi 15 illiyi (2005–2020)" Azərbaycan Respublikasının yubiley medalı ilə təltif olunub.

Xarici keçidlər

• Фарид Мамедов: "Успех строительной выставки BakuBuild 2015 объясняется динамичным ростом ненефтяного сектора Азербайджана"  (rus.)
• Фарид Мамедов: "Выставочный бизнес это такая работа, которая должна нравиться"  (rus.)
• Наши клиенты идут за нами на новые рынки — директор компании Iteca Caspian Фарид Мамедов Arxivləşdirilib 2019-09-01 at the Wayback Machine (rus.)
• Our clients follow us towards the new markets — Director of Iteca Caspian Farid Mammadov Arxivləşdirilib 2019-09-04 at the Wayback Machine (ing.)
• Фарид Мамедов: В бизнесе важно быть искренним – ИНТЕРВЬЮ
• Директор Iteca Caspian Фарид Мамедов: "У нас достаточно позитивные ожидания на 2017 год"
• Фарид Мамедов награжден медалью "Терегги"
• CBC — Interview with Farid Mammadov — Youtube
• "Iteca Caspian" şirkətinin icraçı direktoru Fərid Məmmədovun "Lider" kanalında müsahibəsi — Youtube
• Fərid Məmmədov
• Надеемся, что скоро появится возможность провести выставку в городе Шуша — Генеральный директор Caspian Event Organisers