Fəxrəddin Atayev

Fəxrəddin Qəhrəman oğlu Atayev (31 yanvar 1972, Bakı) — azərbaycanlı dirijor, Azərbaycan Respublikası Əməkdar İncəsənət Xadimi (2016). Azərbaycan Dövlət Akademik Musiqili Teatrın simfonik orkestrinin baş dirijoru.

Fəxrəddin Atayev
Fəxrəddin Qəhrəman oğlu Atayev
Ümumi məlumatlar
Doğum tarixi	31 yanvar 1972(1972-01-31) (52 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Musiqiçi məlumatları
Fəaliyyəti	dirijor
Fəaliyyət illəri	1988-ci ildən
Mükafatları

Həyatı

Fəxrəddin Atayev 1972-ci ildə Bakı şəhərində anadan olmuşdur. F.Atayev əmək fəaliyyətinə 1988-ci ildə Azərbaycan Karlar Cəmiyyətinin mədəniyyət evində musiqiçi vəzifəsində başlamışdır. 1990-1992-ci illərdə həqiqi hərbi xidmətə çağırılmış və hərbi orkestrin baş musiqiçisi vəzifəsində xidməti başa vurmuşdur.

F.Atayev 1993-1999-cu illərdə Bakı Musiqi Akademiyasını magistr dərəcəsi ilə, dirijor ixtisası üzrə bitirmişdir. Onun ixtisas müəllimləri Yusif Axundzadə *[1] və Yalçın Adıgözəlov *[2] olmuşdur. 1993-cü ildən 1998-ci ilədək Azərbaycan Dövlət Nəfəs Alətləri orkestrində, valtorna alətləri qrupunun konsertmyestri vəzifəsində çalışmış və 1988-2014-cü illərdə həmin orkestrin dirijoru vəzifəsində fəaliyyət göstərmişdir.

Musiqi yaradıcılığı

Azərbaycan Dövlət Nəfəs Alətləri orkestri məsuliyyətli dövlət tədbirlərində yüksək səviyyədə çıxışlar etmişdir. Bunlardan, 2001-ci ildə dünya şöhrətli musiqiçi Mistislav Rastropoviçin atası Liyapold Rastropoviçin ev muzeyinin açılış mərasimini, 2002-ci ildə “Üzeyir Musiqi günü” zamanı Dövlət Kapellasını müşayiət edən orkestr Üzeyir Hacıbəyovun “Qalx ayağa millət”, ”Koroğlu” operasının uverturasını və M.Maqomayevin “RV-8”marşını ifa etmişdir. Səslənən əsərlərin ikisini F.Atayev qısa müddət ərzində orkestr üçün orkestrləşdirmişdir. Dövlət Nəfəs Alətləri orkestri *F.Atayevin rəhbərliyi ilə 2000-ci ildən başlayaraq Gəncə şəhər günlərində, 2005-ci ildən başlayaraq hər il H.Əliyev adına Yeni Təhsil Kompleksində tədris ilinin açılış və bağlanış mərasimlərində, hər ilin 9 may tarixində Nərimanov rayonunda yerləşən Qardaşlıq məzarlığındakı anım mərasimində, teatr mövsümlərinin açılışlarında, Novruz bayramıyla əlaqədar keçirilən kütləvi tədbirlərdə, Diplomatiya Akademiyasının magistr buraxılışlarında, Beynəlxalq Kitab sərgisinin açılış mərasimində və habelə İçəri şəhərdə keçirilən və İctimai televiziya tərəfindən yayımlanan “Üzüm” bayramında müvəffəqiyyətlə çıxışlar etmişdi. Qeyd etmək lazımdır ki, orkestrin repertuarında olan əsərlərin bir hissəsi F.Atayev tərəfindən orkestrləşdirilmişdir.

1999-2004-cü illərdə M.Maqomayev adına Azərbaycan Dövlət Filarmoniyasının Dövlət Rəqs ansamblının dirijoru vəzifəsində çalışmışdır. Bu dövr ərzində çox saylı dövlət tədbirlərində və eləcə də Dövlət Rəqs ansamblının 30 illik yubileyinə həsr edilmiş konsertin iştirakçısı olmuşdur.

1999-cu ildə Azərbaycan Dövlət Opera və Balet teatrında ilk debütü Z.Hacıbəyovun “Aşıq Qərib” [3] operası ilə olmuşdur. 2000-2004-cü illərdə Azərbaycan Dövlət Opera və Balet teatrının simfonik orkestrinin dirijoru vəzifəsində çalışmışdır.

• F.Atayevin 2004-cü ildən Azərbaycan Milli Konservatoriyasının dirijorluq kafedrasında “orkestr sinfinə” rəhbərlik edir. Konservatoriyanın baş müəllimidir. O, dirijorluq və simfonik orkestrinin alətləri fənlərinə dair metodiki işlərin və dərs vəsaitlərinin müəllifidir Musiqişünaslıq və folklorşünaslığa dair elmi məqalələr vaxtaşırı olaraq “Hərbi bilik”, “Tədqiqlər” “Qobustan”, “Dədə Qorqud” və başqa jurnallarında dərc edilir. Beynəlxalq konfransların iştirakçısıdır. *[4] *[5] Arxivləşdirilib 2015-02-04 at the Wayback Machine
• F.Atayev ilk dəfə olaraq “Milli Nəfəs Alətləri” orkestrinin yaradılması təklifini irəli sürmüş, üç ay ərzində Milli Konservatoriya nəzdində, tərkibi 21 nəfərdən ibarət milli nəfəs alətlərinin ifaçılarından ibarət orkestr yaratmış və konsert proqramını təqdim etmişdir. 2015-ci ildə Milli Konservatoriyasının tələbə orkestrinin kiçik heyəti ilə Üzeyir Hacıbəyli-130 yubiley tədbirləri çərçivəsində Azərbaycan Respublikasının Prezidenti yanında Gənclər Fondunun dəstəyi ilə fləşmob təşkil etmişdir. [6] Bakı Metropolitenində  2016-cı ildə Milli Konservatoriyasının nəzdində “Tələbə milli kamera xoru”nu yaratmış və 2016.05.24 tarixində konsert proqramı ilə çıxış etmişdir.
• 2008-ci ildən Azərbaycan Dövlət Televiziya və Radiosunun qapalı səhmdar cəmiyyətinin “Niyazi” adına simfonik orkestrinin dirijoru vəzifəsində çalışır. Bu dövr ərzində bir çox Azərbaycan və xarici ölkələrin bəstəkarlarının simfonik və xor əsərlərinin lentə alınmasında bir dirijor kimi iştirak etmişdir.
• F.Atayev 2009-cu ildən M.Maqomayev adına Azərbaycan Dövlət Filarmoniyasının F.Əmirov adına Dövlət Mahnı və Rəqs ansamblının xor kollektivində xormeyster vəzifəsində çalışır. Bu dövr ərzində kollektivin repertuarını tam yeniləyərək onlarla xalq və bəstəkar mahnılarını xor üçün işləmişdir. 2010-cu ildə F.Atayev “Novruz” adlı konsert tamaşanın senarisini yazmış və Dövlət Flarnomiyasının F.Əmirov adına Mahnı və Rəqs ansamblının kollektivi ilə hazırlamışdır. 30 sentyabr 2018-ci ildə ilk dəfə olaraq Azərbaycan Dövlət Akademik Filarmoniyasının Əməkdar kollektiv Fikrət Əmirov adına Azərbaycan Dövlət Mahnı və Rəqs ansamblının xoru ilə Qara Qarayev adına Akademik Dövlət Kamera Orkestirinin birgə konsertini həyata keçirmiş və konsert proqramındakı nömrələri xor və orkestr üçün işləmişdir. *https://www.youtube.com/watch?v=DwgFHgSuvzQ
• İşlədiyi dövr ərzində Ü.Hacıbəylinin “Arşın mal alan” , “O olmasın bu olsun”, "Ər və arvad", R.Hacıyevın “Qonşular”[7], S.Ələsgərovun “Kələkbazlar”, “Hərənin öz ulduzu”, O. Kazıminin “Qızıl toy”[8],[9], E.Sabit oğlunun “Bankir adaxlı” *[10], “Qırmızı papaq” R.Mirişlinin “Qısqanc ürəklər”. O.Rəcəbovun “Əlin cibində olsun”, İ.Kalmanın “İddialı Qaraçı” və s. tamaşalarına dirijorluq etmişdir.
• 2016.03.10 –tarixində Xalq yazıçısı Elçinin “Baladadaşın toy hamamı” əsəri əsasında hazırlanan musiqili komediyasının (bəstəkar Firudin Allahverdi, quruluşçu rejissor Xalq artisti Cənnət Səlimova . [11] quruluşçu dirijoru olmuşdur. Bundan əlavə Azərbaycan Dövlət Musiqili teatrının sifarişi ilə “ 1001 gecə “ nağılı əsasında hazırlanan “999-cu gecə” tamaşasını (quruluşçu rejissor İradə Gözəlova, quruluşçu dirijor F.Atayev 2016.06.25.[12],[13] üçün F.Əmirovun musiqisi və mahnılarını ( “Səni araram”, “ Reyhan”, “Toy mahnısı”,”Gecə keçdi”, “Neyləmişəm” və s.) simfonik orkestr üçün işləmişdir. Hər iki tamaşa Azərbaycan Dövlət Musiqili Teatrı 106-cı mövsümünün "Mövsümün ən yaxşı tamaşası” seçilib.[14] Arxivləşdirilib 2016-10-03 at the Wayback Machine, 02.05.2017 "Mənim günahım" Q.Qarayev və İ.Əfəndiyev", 25.05.2016 "999-cu gecə" F.Əmirov, 10.03.2018 "Nuri-didə Ceyhun" Ə.Əmirli ,  31.05.2018 "Qodonun intizarında" F.Qarayev və S.Bekket, 12.10.2018 "Bir dəfə Bağdadda" E.Sabitoğ və B.Kalmanovskiy, 15.05.2019 "Qırmızı papaq" E.Sabitoğlu və E.Şvarç, 14.10.2019 "Paris Notr-dama ithaf" Koçante və V.Hüqo, 05.10.03.2020 "Beş manatlıq gəlin" S.Rüstəmov.və M.S.Ordubadi, 08.11.2021 "Bir nəfəs qədər" F.Əmirov və S.Qulamov, 29.04.2022 "Psix" M.Servantes, 06.05.2022 "Bəxtiyar" T.Quliyev və B.Laskin, N.Raykov, 21.06.2022 "Lara Martin`s Jazz Club" A.N.Ostrovskiy, 18.12.2022 "Sehirli nəğmə" H.Diana və P.Korotiç, 04.02..2023 "Nəğmə inan" P.Bülbüloğlu və M.Şerbaçenko.

Mükafatları

• O, həmçinin bəstəkar kimi bir sıra müsabiqələrin iştirakçısı olmuşdur. 1996-ci ildə Azərbaycan Radio və Televiziya qapalı səhmdar cəmiyyətinin” təşkil etdiyi ən yaxşı “Vətənpərvərlik marşı”na görə müsabiqəsinin III mükafatçısı, 2004-cü ildə ANS şirkətlər qrupu və Milli Qəhrəman Çingiz Mustafayev fondunun təşkil etdiyi “Qızıl marş” müsabiqəsinin diplomantı adlarına layiq görülmüşdür.
• F.Atayev simfonik orkestr, xor və solistlər üçün “Olimpiyada” *[15] uvertüra balladasını 2007-ci ildə yazmışdır. Əsər kütləvi xoreoqrafik, idman tamaşaları zamanı ifa edilmək üçün nəzərdə tutulmuşdur. Azərbaycan Respublikası Milli Olimpiya Komitəsinə təqdim edilmiş və müsbət rəy almışdır. Komitənin prezidenti tərəfindən 26.12.2007 tarixində imzalanmış, xüsusi sertifikatla təltif edilmişdir.
• F.Atayev 2009-cu ildən Azərbaycan Dövlət Musiqili teatrında simfonik orkestrin dirijoru vəzifəsində fəaliyyət göstərir.
• Musiqili Komediya Teatrının təqdim etdiyi Qoqolun “Evlənmə” tamaşasının 2011-2012-ci ilin yekunlarına görə Mədəniyyət və Turizm Nazirliyinin təsis etdiyi “Zirvə” mükafatına layiq görülmüşdür. Tamaşanın dirijoru: F.Atayev olmuşdur.
• 22 sentyabr 2016-cı ildə Azərbaycan milli musiqi mədəniyyətinin inkişafında xidmətlərinə görə Əməkdar incəsənət xadimi fəxri adına layiq görülmüşdür.
• 22.09.2016-cı ildə Azərbaycan Prezidenti İlham Əliyevin Fikrət Əmirov adına Azərbaycan Dövlət Mahnı və Rəqs Ansamblının üzvlərinə fəxri adların verilməsi haqqında sərəncamına əsasən Azərbaycan milli musiqi mədəniyyətinin inkişafında xidmətlərinə görə Fikrət Əmirov adına Azərbaycan Dövlət Mahnı və Rəqs Ansamblının xormeysteri Atayev Fəxrəddin Qəhrəman oğluna Azərbaycan Respublikasının Əməkdar incəsənət xadimi fəxri adı verilmişdir.[16]
• [17]

Dirijorluq

• 2001-ci ilin yanvar ayında Opera və Balet teatrının truppası ilə Türkiyənin İstanbul şəhərində Ü.Hacıbəyovun “Leyli və Məcnun” *[18], Z.Hacıbəyovun “Aşıq Qərib” *https://www.youtube.com/watch?v=Ev021_KTIX8 operalarının nümayişi zamanı tamaşalara dirijorluq etmişdir. 2002-ci ildə Şəfiqə Axundovanın "Gəlin qayası" *[19] *[20] operasını bərpa etmişdir.

Xarici keçidlər

• Olimpiya qalibleri (Mus: Faxraddin Atayev Soz: Abdulla Qurbani Solo: Ramil Qasimov) AZTV