Fəxrəddin Təhməzov

Fəxrəddin Təhməzov
Fəxrəddin Təhməzov
	Fəxrəddin Ayət oğlu Təhməzov
Azərbaycan Respublikasının 2-ci Milli Təhlükəsizlik Naziri
	17 may 1992 – iyun 1993
Əvvəlki	İlhüseyn Hüseynov
Sonrakı	Nəriman İmranov
Şəxsi məlumatlar
Doğum tarixi	10 yanvar 1951 (73 yaş)
Doğum yeri	Salyan rayonu, Qaraçala, Azərbaycan SSR, SSRİ
Fəaliyyəti	dövlət qulluqçusu
Rütbəsi	General-mayor

Fəxrəddin Təhməzov (10 yanvar 1951, Salyan, Salyan rayonu) — Azərbaycan Respublikasının Milli Təhlükəsizlik naziri (1992-1993).

Həyatı

Fəxrəddin Ayət oğlu Təhməzov 1951-ci il yanvar ayının 10-da Salyan rayonunun Qaraçala qəsəbəsində müəllim ailəsində anadan olmuşdur.

1968-ci ildə Əli-Bayramlı şəhərində (İndiki Şirvan şəhəri) orta məktəbi, 1973-cü ildə Mirzə Fətəli Axundov adına Azərbaycan Pedaqoji Rus Dili və Ədəbiyyat İnstitutunu bitirdikdən sonra bir müddət Əli-Bayramlı şəhərində orta məktəbdə müəllim işləmişdir.

Həqiqi hərbi xidmətə çağırılan F.Təhməzov 1975-ci ildə xidmətini başa vuraraq pedaqoji fəaliyyətini davam etdirmişdir.

1975-1977-ci illərdə SSRİ DTK-nın F.E.Dzerjinski adına Ali Məktəbində təhsil almış, məktəbi bitirdikdən sonra 1977-ci ilin avqust ayından 1990-cı ilin iyun ayına qədər Azərbaycan Respublikasının DTK-nın mərkəzi aparatında kiçik əməliyyat müvəkkili, əməliyyat müvəkkili, baş əməliyyat müvəkkili, bölmə rəisinin müavini, bölmə rəisi vəzifələrində fəaliyyət göstərmişdir.

1990-cı ilin iyun ayından 1991-ci ilin dekabr ayına qədər MTN (1991-ci ilin noyabrına qədər DTK) Gəncə şəhər və dəmir yol stansiyası şöbəsinin rəis müavini, 1992-ci ilin yanvar ayından Azərbaycan Respublikasının MTN Bakı şəhər üzrə İdarəsində şöbə rəisi vəzifələrində çalışmışdır.

F.Təhməzov 1992-ci ilin may ayının 16-da milli təhlükəsizlik naziri vəzifəsinə təyin olunmuş və həmin ayın 23-də general-mayor rütbəsi almışdır.

F.Təhməzov 1993-cü ilin iyununda tutduğu vəzifədən azad edilmişdir. Həmin ildə baş vermiş Gəncə qiyamının yatırılmasında iştirakına görə qısa müddətli həbs cəzası almışdır.^[1]^[2]

Mənbə

Təhməzov Fəxrəddin Ayət oğlu: 1992 may -1993 iyun Arxivləşdirilib 2014-10-31 at the Wayback Machine

İstinadlar

↑ "Güc strukturlarının həbs olunmuş rəhbərləri - Azadlıq Radiosu". 2016-03-05 tarixində arxivləşdirilib. İstifadə tarixi: 2011-08-14.
↑ Türmədən keçən nazirlər - Bizim Yol qəzeti^{[ölü keçid]}

[1] "Güc strukturlarının həbs olunmuş rəhbərləri - Azadlıq Radiosu". 2016-03-05 tarixində arxivləşdirilib. İstifadə tarixi: 2011-08-14.

[2] Türmədən keçən nazirlər - Bizim Yol qəzeti^{[ölü keçid]}

[1]

[2]