Famil Elman oğlu Məmmədli (15 oktyabr 1974; Abasxanlı, Ağsu rayonu, Azərbaycan SSR3 mart 2010; Tovuz rayonu, Azərbaycan) — Azərbaycan Hərbi Hava Qüvvələrinin polkovnik-leytenantı, şəhid.

Famil Məmmədli
Famil Elman oğlu Məmmədli
Şəxsi məlumatlar
Doğum tarixi
Doğum yeri Abasxanlı, Ağsu rayonu, Azərbaycan SSR
Vəfat tarixi (35 yaşında)
Vəfat yeri Tovuz rayonu, Azərbaycan
Dəfn yeri II Fəxri Xiyaban
Vətəndaşlığı Azərbaycan Azərbaycan
Atası Elman Məmmədli
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Hərbi Hava Qüvvələri
Xidmət illəri 1996-2010
Rütbəsi Polkovnik-leytenant

Həyatı və hərbi xidməti redaktə

Famil Məmmədli 15 oktyabr 1974-cü ildə Ağsu rayonunun Abasxanlı kəndində müəllim ailəsində dünyaya göz açmışdır. Orta təhsilini 10-cu sinfə qədər Abasxanlı kənd orta məktəbində almış, sonra Ağsu şəhər internat məktəbində bitirmişdir. 1992-ci ildə orta məktəbi bitirərək Bakı Ali Ümumqoşun Komandirləri Məktəbinə qəbul olmuşdur. Həmin il müsabiqə yolu ilə seçilərək İstanbul şəhərinə Hava Harp Okuluna təhsil almağa göndərilmişdir. 1996-cı ildə məktəbi bitirən Famil Azərbaycan Hərbi Hava Qüvvələrində xidmətə başlamışdır. Kürdəmirdə yerləşən "N" saylı hərbi hissədə xidmət etmişdir. 2008-ci ildə qüsursuz xidmətinə görə polkovnik-leytenant rütbəsinə yüksəlmişdir.

Azərbaycan Hərbi Hava Qüvvələrinin polkovnik-leytenantı Famil Məmmədli 3 mart 2010-cu ildə uçuşda olarkən təyyarəsində nasazlıq baş verir və təyyarənin Tovuz rayonunun Əyyublu kəndinin üzərinə düşmə təhlükəsi yaranır. Bu zaman Famil Məmmədli təyyarəni kənddən bir az kənara çıxarmağı bacarır. Təyyarənin mülki sahədən kənarda qəzası baş verir və Famil Məmmədli şəhid olur.[1]

26 sentyabr 1998-ci ildə ailə həyatı quran Famil Məmmədlinin 3 övladı yadigar qaldı.

Famil Məmmədlinin nəşi İkinci Fəxri Xiyabanda torpağa tapşırılmışdır. Həmin il şəhid olan Milli Qəhrəman Mübariz İbrahimov onun yanında torpağa tapşırılmışdır.

İstinadlar redaktə

  1. Cahangir Təkləli. "Ölməz qəhrəman - Famil Məmmədli" (az.). Anl.az. 28.02.2013. 2019-09-13 tarixində arxivləşdirilib. İstifadə tarixi: 2021-03-21.