Fatma Yaqub qızı Mahmudova[1] (30 dekabr 1954, Ağdam rayonu) — azərbaycanlı aktrisa. Azərbaycan Respublikasının xalq artisti (2000).

Fatma Mahmudova
Fatma Yaqub qızı Mahmudova
Doğum tarixi 30 dekabr 1954(1954-12-30) (69 yaş)
Doğum yeri
Milliyyəti Azərbaycanlı
Vətəndaşlığı
Həyat yoldaşı
Atası Yaqub Mahmudov
Fəaliyyəti aktrisa
Fəaliyyət illəri 1968-ci ildən
Təhsili
Teatr Ağdam Dövlət Dram Teatrı (1968-1993)
Azərbaycan Dövlət Musiqili Komediya Teatrı (1994-günümüz)
Mükafatları "Azərbaycan Respublikasının xalq artisti" fəxri adı — 2000 "Azərbaycan SSR əməkdar artisti" fəxri adı — 1989

Həyatı redaktə

Fatma Mahmudova 30 dekabr 1954-cü ildə Ağdam rayonunda anadan olub.[2] Azərbaycan Dövlət Mədəniyyət və İncəsənət İnstitutununu bitirib. 1968-ci ildən Ağdam Dövlət Dram Teatrında aktrisa işləyib. Teatrın aparıcı aktrisalarından olan F. Mahmudova bu müddət ərzində bir çox özünəməxsus obrazlar yaratmağa nail olmuşdur. "Dağılan Tifaq"da Sona xanım, "Fərhad və Şirin"də Məryyəm, "Solğun çiçəklər"də Sara, "Qaçaq Nəbi"də Həcər, "Təhminə və Zaur"da Təhminə, "Qismət"də Ana və s. bu kimi obrazlar onu tamaşaçıların sevimlisinə çevirmişdir. Aktrisa 1987-ci ildə "Pirverdinin Xoruzu" filmində Həlimə roluna çəkilmişdir.

1989-cu ildə Azərbaycan SSR Əməkdar Artisti fəxri adına layiq görülmüşdür.

Ağdam rayonunun işğalı ilə bağlı Bakıda köçkün kimi yaşayan F. Mahmudova 1994-cü ildən taleyini Azərbaycan Dövlət Musiqili Komediya Teatrı ilə bağlamalı olmuşdur. Burada teatrın repertuarında olan tamaşaların əksəriyyətində rol alaraq bir sıra maraqlı obrazlar yarada bilmişdir. O, "On min dollarlıq keyf" tamaşasında Bağdagül, "Hərənin öz ulduzu"nda Xurma, "Bankir adaxlı"da ağuçu Gülbikə, "Birgünlük siğə"də Adilə Dudu, "Adamın adamı"nda At Balaxanım, "Məsmə xala dayımdır" əsərində Əsmər, "Şeytanın yubileyi"ndə Məryəm və s. rolların öhdəsindən bacarıqla gəlmişdir.

F. Mahmudova 2000-ci ildə Azərbaycan Respublikasının Xalq Artisti fəxri adına layiq görülb. Prezident təqaüdçüsüdür.[3]

İki qız anasıdır. Kiçik qızı Nigar musiqi ilə məşğuldur.

Mükafatları redaktə

Filmoqrafiya redaktə

  1. Pirverdinin xoruzu (film, 1987)
  2. Güzgü (film, 1990)(II)
  3. Olacağa çarə yoxdur (film, 2003)
  4. Ərazi (film, 2005)
  5. Məşədi İbad-94 (film, 2005)
  6. Milli bomba (film, 2004)
  7. "Moskva-Bakı" qatarı (film, 2005)
  8. Hərənin öz payı+tayı (film, 2006)-Gülxanım
  9. Bəylik dərsi (film, 2007)
  10. Kəndim+nizə qayıdın!? (film, 2007)
  11. Yanmış körpülər (film, 2007)
  12. Acılar bitməz (film, 2009) (tammetrajlı bədii film)-rol: qonşu
  13. Bacanaqlar (film, 2009)
  14. 21 sual (film, 2017) (tammetrajlı bədii film) (rol)

İstinadlar redaktə

  1. "Fatma Mahmudova". 2021-11-15 tarixində arxivləşdirilib. İstifadə tarixi: 2021-02-04.
  2. "Fatma Mahmudova". 2017-10-10 tarixində orijinalından arxivləşdirilib. İstifadə tarixi: 2017-08-04.
  3. "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". 2023-01-12 tarixində arxivləşdirilib. İstifadə tarixi: 2023-01-12.