Vikipediya

Fikrət Süleymanoğlu

Əhmədov Fikrət Süleyman oğlu – naşir, tərcüməçi, 1997-ci ildən AMEA "ELM" Nəşriyyat-Poliqrafiya Mərkəzinin direktor müavini və "Pedaqogika" nəşriyyatının baş redaktoru.

FİKRƏT SÜLEYMANOĞLU
Fikrət Süleyman oğlu Əhmədov
Fikrət Süleymanoğlu.jpg
Doğum tarixi (67 yaş)
Doğum yeri Saraçlı, Bolnisi, Gürcüstan

HəyatıRedaktə

Fikrət Süleymanoğlu 1955-ci il dekabrın 11-də Gürcüstan Respublikası Bolnisi rayonunu Saraçlı kəndində anadan olmuşdur. Orta təhsilini Saraçlı orta məktəbində almışdır (1962-1972).

Azərbaycan Dövlət Universitetinin jurnalistika fakültəsini (1972–1977) və Bakı Ali Partiya Məktəbini (1986-1988) bitirmişdir. Jurnalistlər Birliyinin üzvüdür. "Yazıçı" nəşriyyatında korrektor və redaktor (1978–1981), Azərbaycan Dövlət Mətbuat Komitəsində şöbə müdiri və idarə rəisinin müavini (1981–1986), AMEA-nın "ELM" nəşriyyatında baş redaktor və direktor vəzifələrində (1988–1997) çalışmışdır. 1997-ci ildən AMEA "ELM" Nəşriyyat-Poliqrafiya Mərkəzinin direktor müavini və "Pedaqogika" nəşriyyatının baş redaktorudur.

"Borçalı Saraçlısı" monoqrafiyasının, 20-dən artıq elmi, 150-ə yaxın elmi-publisistik məqalənin müəllifidir. "Kitabi Dədə Qorqud" eposu ilə bağlı tədqiqatları nüfuzlu elmi jurnallarda nəşr olunmuşdur.

Qazax xalq nağıllarını, Şimali Amerika xalqlarının nağıllarını, Litva yazıçısı A.Zurbanın "İnteqral" romanını, bir sıra bədii və elmi əsərləri azərbaycan dilinə tərcümə etmişdir.

Azərbaycanda ilk inteqrativ fənn olan "Həyat bilgisi" fənni proqramının və kurrikulumunun, eləcə də dərsliklərinin (I-IV siniflər) müəlliflərindən biridir. Rus və gürcü dillərinə tərcümə olunmuş həmin dərsliklərdən Azərbaycanın təlim rus və gürcü dillərində aparılan məktəblərində də istifadə olunur.

Nəşr olunmuş kitablarıRedaktə

Dərslik və dərs vəsaitləriRedaktə

  1. Həyat bilgisi: 1-ci sinif. Z.Qaralov, Ə.Osmanlı, F.Süleymanlı, V.Məmmədov; elmi red. Y.Kərimov; rəyçilər A.Mehrabov, Ə.Əlizadə, Ə. Ağayev [və b.].- B.: Osmanlı yayınları, 2006.- 104 s.[1]
  2. Гаралов, З. Познание мира: учебник для 1 классa /Захид Гаралов, А.Османлы, Ф.Сулейманоглы, В.Мамедов; ред. Я.Керимов; пер. с азерб. Г.Сафарова.- Б.: Osmanlı yayınları, 2006.- 104 с.[1]
  3. Həyat bilgisi: 2-cü sinif /Z.Qaralov, Ə.Osmanlı, F.Süleymanoğlu [və b.]; elmi red. Y.Kərimov; rəyçilər Ə.Əlizadə, Ç.Bədəlov, Ə.Hüseynov [və b.].- B.: Pedaqogika, 2005.- 104 s.[1]
  4. Гаралов З. Познание мира [Текст]: учебник для 2 класса /Захид Гаралов, А.Османлы, Ф.Сулейманоглы, В.Мамедов; ред. Я.Керимов; пер. с азерб. Н.Бедалова.- Б.: Osmanlı yayınları, 2006.- 104 с.[1]
  5. Həyat bilgisi: 3-cü sinif üçün dərslik/Z.Qaralov, Ə.Hüseynov, Ə.Osmanlı [və b.]; elmi red. Y.Kərimov; rəyçilər A.Mehrabov, Ə.Əlizadə, V.Xəlilov [və b.].- B.: Osmanlı yayınları, 2006.- 128 s.[1]
  6. Гаралов, З. Познание мира [Текст]: учебник для 1 классa /Захид Гаралов, А.Османлы, Ф.Сулейманоглы, В.Мамедов; ред. Я.Керимов; пер. с азерб. Г.Сафарова.- Б.: Osmanlı yayınları, 2006.- 104 с.[1]
  7. Həyat bilgisi: 4-cü sinif üçün dərslik/Z.Qaralov, Ə.Hüseynov, Ə.Osmanlı [və b.]; elmi red. Y.Kərimov; rəyçilər A.Mehrabov, Ə.Əlizadə, V.Xəlilov [və b.].- B.: Osmanlı yayınları, 2006. -128 s.[1]

MənbəRedaktə

Azərbaycanda kim kimdir? (Sorğu-məlumat kitabı). "Azərbaycan Ensiklopediyası" NPB,1999,s.217

  1. ↑ 1 2 3 4 5 6 7 "Arxivlənmiş surət" (PDF). 2022-03-08 tarixində arxivləşdirilib (PDF). İstifadə tarixi: 2020-09-24.
Mənbə — "https://az.wikipedia.org/w/index.php?title=Fikrət_Süleymanoğlu&oldid=6620262"