Fillip Noys

Fillip Noys (ing. Phillip Noyce) - Avstraliyalı rejissor, ssenarist, aktyor və kino prodüseri.

Fillip Noys
Doğum tarixi	29 aprel 1950
Doğum yeri	Yeni Cənubi Uels, Avstraliya
Vətəndaşlığı	Avstraliya
Həyat yoldaşı	Yan Çepmen[d] (1971–1977)
Fəaliyyəti	rejissor, ssenarist, aktyor və kino prodüseri
Fəaliyyət illəri	1969 - günümüz
Təhsili	Avstraliya film, televiziya və radio məktəbi[d], Sidney Universiteti
Boyu	1,9 m
IMDb	ID0637518
Vikianbarda əlaqəli mediafayllar

Həyatı

Fillip Noys 29 aprel 1950-ci ildə Avstraliyanın Yeni Cənubi Uels əyalətinin Qriffit şəhərində anadan olub. 1975-ci ildə Noys özünün ilk filmini, 50 dəqiqəlik Tanrı bilir niyə, amma bu işləyir sənədli filmini çəkib. Noysun ilk tammetrajlı filmi tanınmış avstraliyalı aktyor Bill Hanterin iştiraki ilə çəkilmiş Backroads filmi olur. Daha sonra Kinofront filmində rol alır.

Film Avstraliya Kinematoqrafiya və Televiziya Akademiyası tərəfindən “Ən yaxşı film”, “Ən yaxşı rejissor” və “Ən orijinal ssenari” kateqoriyaları üzrə mükafatlara namizəd göstərilib.

London kinofestivalının açılışı bu filmlə olub, həmçinin Nyu-York kinofestivalında da iştirak edib. Nikol Kidmanın iştirakı ilə çəkilən Ölü sakitliyi filminin beynəlxalq uğuru Fillip Noysun Hollivuda gedən yollarını açmış olur. Burada o, altı film çəkib. Onlardan ikisi Vətənpərvərlərin oyunları və Harrison Fordun iştirakı ilə çəkilmiş “Birbaşa və aşkar təhlükə” siyasi trillerləridir.

2002-ci ildə rejissor Avstraliyaya qayıdır və burada Dovşanlar üçün qəfəs filmini çəkir, elə həmin il Sakit amerikalı filmi də ekran üzü görür. Fillip Noysun ən çox gəlir gətirən filmi 2010-cu ildə çəkilmiş Solt filmidir. Film 295 milyon dollar gəlir əldə edib.