Forrest Qamp

Forrest Qamp – Robert Zemekisin rejissorluğunu, Erik Rotun ssenaristliyini etdiyi 1994-cü il ABŞ istehsalı romantik, komediya-dram janrında film. Film Vinston Qrumun eyni adlı romanı əsası üzərində çəkilsə də, ssenari romandan böyük ölçüdə fərqlənir. Baş rollarda Tom Henks, Robin Rayt, Geri Sinis, Maykelti Vilyamson və Salli Fild kimi şəxslərin yer aldığı film zəka səviyyəsi 75 olan birinin həyatını ələ alır. Zəka səviyyəsindən ötrü dövlət məktəblərinə girməkdə belə çətinlik çəkən Forrest Qamp zaman keçdikcə məntiqə uyğun gəlməyən nailiyyətlərə imza atır. Hər nə qədər zəka səviyyəsi aşağı olsa da, fiziki olaraq son dərəcə sağlam olan Forrest zaman keçdikcə baş verən hadisələr zəncirində bizi xəyal edə bilməyəcəyimiz bir dünyaya aparır. Film qızıl kürə mükafatına layiq görülmüşdür. Baş aktyor Tom Henks isə bir neçə təşkilat tərəfindən dəfələrlə ən yaxşı aktyor mükafatına layiq görülmüşdür. 2011-ci ildə Konqres kitabxanası Forrest Qamp filmini Birləşmiş Ştatlar Beynəlmiləl Film Kadrlarında qorunmalı olan mədəni, tarixi və etik bir film olaraq seçdi.

Forrest Qamp
Forrest Gump
Filmin posteri
Janr	fleşbək filmi[d], komediya filmi, dram filmi, tarixi dram, romantik komediya, faciəvi komediya, roman ekranlaşdırması[d]
Əsas mövzu	Vyetnam müharibəsi, ABŞ mədəniyyəti, Amerika Birləşmiş Ştatları tarixi, sevgi, Tale
Rejissor	Robert Zemekis
Prodüserlər	Vendi Finerman Stiv Tiş Stiv Starki
Əsərin müəllifi	Vinston Qrum
Ssenari müəllifi	Erik Rot
Baş rollarda	Tom Henks Robin Rayt Geri Sinis Maykelti Vilyamson Salli Fild
Operator	Don Bördcess
Bəstəkar	Alan Silvestri
İstehsalçılar	Vendi Finerman Productions Distribütor: Paramount Pictures
Distribütor	Paramount Pictures, UIP-Dunafilm[d], Netflix
İlk baxış tarixi	23 iyun 1994 (Los Anceles; premyera) 6 iyun 1994 (ABŞ)
Müddət	142 dəq.
Büdcə	55 milyon $
Gəlir	678,2 milyon $
Ölkə	ABŞ
Dil	İngiliscə
Rəng	rəngli
Çəkiliş yeri	Kaliforniya, Santa-Monika, Ambassador Hotel[d], Şimali Karolina, Cənubi Karolina, Arizona, Men ştatı, Yuta
IMDb	ID0109830
Mükafatları
Vikianbarda əlaqəli mediafayllar

Görüntü və səs effektləri

Sözü gedən dövrü mümkün qədər yaxşı canlandırmaq üçün geniş musiqi arxivi toplanmışdır. Film musiqisi bütün dünyada 12 milyondan daha çox satılaraq ən çox satılan albomlardan biri olmuşdur.

Bəzi səhnələr CGİ (Computer generated imager) üsulu istifadə olunmaqla Qampın o anda həyatda olmayan şəxslərlə bir araya gəlib görüşməsi səhnələri çəkilmişdir. Tarixi şəxsiyyətlərin mimika və danışıq tərzlərini yansılamaq üçün xüsusi effektlərdən istifadə olunmuşdur.