Forum teatr
Bu məqaləni vikiləşdirmək lazımdır. |
Forum teatr - ortaya qoyulan problemin məhz tamaşaçılar tərəfindən həll olunduğu teatr növü. Problemin seçilməsində isə hər hansı məhdudiyyət yoxdur. Oynanılan oyunda konkret problem ortaya qoyulur və bu problem həlli yolu tapılması üçün tamaşaçıların müzakirəsinə verilir. Beləliklə, tamaşaçı hadisələrin gedişatında aktiv rol oynayaraq nəticəni dəyişdirə bilir. Forum teatrında improvizasiya açar rol oynayır. Forum teatr əsasən iri həcmli olmur. Əsas obrazlar əzilən və əzən tərəflər ilə məhdudlaşır, qalan personajlar köməkçi (neytral) obrazlar hesab olunur.
Forum teatrının əsas məqsədi həll olunması istənilən problem ətrafında tamaşaçılarla müzakirələr aparmaqla cəmiyyəti bu problemlə üzləşdirmək, çıxış yolu tapmaq və çıxış yolunu insanlar arasında yaymaqdır. Forum teatr cəmiyyətdəki müxtəlif problemlərin həll olunmasında böyük təsirə malikdir. Forum teatr hamının hər şeyi deyə bildiyi, fikirlərini azad ifadə etdiyi demokratik mühit yaradır.
Tarixi
redaktə1960-cı illərdə Aqusto Boul və teatr şirkəti müxtəlif ədalətsizliklərə və problemlərə qarşı durmağı təşviq edən oyunlar səhnələşdirərək Braziliyanın ən kasıb bir neçə yerini gəzdi. Bir tamaşadan sonra bir qadın ona hekayəsini danışaraq ondan yardım istədi. Hekayəyə görə qadının əri 1-1.5 il müddətində ona çox az pul verir. Qazanılan pulun böyük hissəsini isə gələcəkdə ev almaq üçün banka qoyduğunu deyərək qəbzləri arvadına verir. Oxuyub - yaza bilməyən qadın isə buna inanır və uzun müddət ərinin ona verdiyi qəbzləri yığır. Bir müddətdən sonra həmin qadın qəbzləri qonşusuna verərək pulları hesablamağı ondan xahiş edir. Məlum olur ki, kişi pulları öz məşuqəsinə xərcləmişdir və qəbzlər məşuqəyə alınan malların qəbzləridir. Özünü aldanmış və alçaldılmış hesab edən qadın Aqusto Bouldan istəyir ki, bu hadisəni səhnələşdirərək xalqı savadlanmağa həvəsləndirsin ki, başqa qadınlar da bu vəziyyətə düşməsin. Bununla belə, Aqusto Boul qadına verə biləcək məsləhət tapmır. O, çıxış yolunu oynanılan oyunu bir müddətlik saxlamaqla problemin həlli yolunu tamaşaçılardan soruşmaqda görür. Beləliklə, forum teatr yaranır.
Dünya ictimaiyyəti forum teatrını Aqusto Boulun "Əzilənlərin teatrı" adlı məqaləsi ilə tanımışdır.