Fuad İsgəndərov (tam adı:Fuad Eldar Oğlu İsgəndərov; d. 6 avqust 1961, Bakı, Azərbaycan SSR) — Azərbaycan Respublikasının Belçika Krallığında fövqəladə və səlahiyyətli səfiri və eyni zamanda Azərbaycan Respublikasının Avropa İttifaqı yanında Nümayəndəliyinin başçısı.[1][2]

Fuad İsgəndərov
Ambassador Fuad Isgandarov.jpg
Səfir Fuad İsgəndərov
Azərbaycan Respublikasının Belçika Krallığında fövqəladə və səlahiyyətli səfiri
25 sentyabr 2012
Şəxsi məlumatlar
Doğum tarixi 6 avqust 1961(1961-08-06) (59 yaş)
Doğum yeri

Erkən həyatı və təhsiliRedaktə

Fuad İsgəndərov orta məktəbi müvəffəqiyyətlə bitirmişdir. Eyni ildə Kiyev Milli Universiteti Beynəlxalq Əlaqələr və Beynəlxalq Hüquq İnstitutuna qəbul edilmişdir. 1983-cü ildə həmin universitetin Beynəlxalq iqtisadi münasibətlər / İngilis dili üzrə tərcümə fakültəsini bitirmişdir. Bundan əlavə, o, müxtəlif təlim kurslarında iştirak etmişdir. 1999-cu ilin noyabr ayında Macarıstanın paytaxtı Budapeşt şəhərində Beynəlxalq Hüquq-Mühafizə Akademiyasının Böhranların idarə edilməsi üzrə ixtisasartırma təlim proqramına qoşulmuşdur.[3]

Daha sonra isə 2001-ci ildə ABŞ-ın Harvard universitetinin C.F. Kennedi İdarəçilik Məktəbinin Qara Dəniz ixtisasartırma proqramının iştirakçısı olmuşdur. 2002-ci ilin iyul ayında ABŞ Dövlət Departamenti, ABŞ Ədliyyə Nazirliyi tərəfindən təşkil edilən qanunvericilik üzrə icra kurslarında iştirak etmişdir. 2006-cı ilin yanvar ayında Corc Marşal adına Avropa Təhlükəsizlik Araşdırmaları Mərkəzinin Milli Hərbi Strategiya üzrə Seminarında iştirak etmişdir.[3]

FəaliyyətləriRedaktə

Elmi fəaliyyətiRedaktə

Fuad İsgəndərov 1983-1986-cı illərdə Azərbaycan Dövlət İqtisad Universitetinin Siyasi iqtisadiyyat kafedrasında aspirant elmi işçi və dosent vəzifəsində çalışmışdır. Bundan əlavə, 1984-1985-ci illərdə Azərbaycan Dillər Universitetinin Tərcümə nəzəriyyəsi kafedrasında müəllim vəzifəsində fəaliyyət göstərib. Uzun müddətdən sonra o, 2000-2003-cü illərdə Bakı Dövlət Universitetinin Beynəlxalq münasibətlər və beynəlxalq hüquq kafedrasında müəllim vəzifəsində çalışmışdır.

Siyasi fəaliyyətiRedaktə

Fuad İsgəndərov 1986-1995-ci illərdə hərbi xidmətdə olmuşdur. 1995-ci ilin aprel ayında Azərbaycan Respublikasının Milli Təhlükəsizlik Nazirliyinin İnformasiya və təhlil idarəsinin rəisi vəzifəsində işə başlamışdır. 2002-2006-cı illərdə Azərbaycan Respublikasının milli təhlükəsizlik nazirinin müavini vəzifəsində çalışmışdır. 2006-cı ildə Azərbaycan Respublikasının Xarici İşlər Nazirliyinin xüsusi tapşırıqlar üzrə səfiri, 2006-2007-ci illərdə isə Azərbaycan Respublikasının YUNESKO üzrə Milli Komissiyasının baş katibi olmuşdur.[3]

Fuad İsgəndərov 2007-ci ildən 2012-ci ilədək Azərbaycan Respublikasının Niderland Krallığında fövqəladə və səlahiyyətli səfiri olmuşdur. Hal-hazırda 2012-ci il sentyabrın 25-dən etibarən Azərbaycan Respublikasının Belçika Krallığı və Lüksemburq Böyük Hersoqluğunda fövqəladə və səlahiyyətli səfiri, Azərbaycan Respublikasının Avropa İttifaqı yanında Nümayəndəliyinin rəhbəridir.[1][2]

AiləsiRedaktə

Evlidir, bir oğlu və bir qızı var. Rus, ingilis və türk dillərində sərbəst danışır.[3]

Həmçinin baxRedaktə

İstinadlarRedaktə

  1. 1 2 "F.E.İsgəndərovun Azərbaycan Respublikasının Belçika Krallığında fövqəladə və səlahiyyətli səfiri və eyni zamanda Azərbaycan Respublikasının Avropa İttifaqı yanında Nümayəndəliyinin başçısı təyin edilməsi haqqında Azərbaycan Respublikası Prezidentinin Sərəncamı". president.az. 25.09.2012. İstifadə tarixi: 21.01.2019.
  2. 1 2 "Fuad İsgəndərov Azərbaycanın Belçikada səfiri və Aİ yanında Nümayəndəliyinin başçısı təyin edilib". news.milli.az. 25.09.2012. İstifadə tarixi: 21.01.2019.
  3. 1 2 3 4 "Səfir Fuad İsgəndərovun tərcümeyi-halı". brussels.mfa.gov.az. İstifadə tarixi: 21.01.2019.

Xarici keçidlərRedaktə