Fuad Allahverdiyev
Allahverdiyev Fuad Razim oğlu (8 iyun 1975, Bakı) — azərbaycanlı iş adamı, magistral internet provayderi olan "AzerTelecom" MMC-nin Direktorlar Şurasının sədri[1], "B&B TV Communications" şirkətinin baş direktoru. Azərbaycanın İT sektorunda bir sıra qabaqcıl şirkətlərin rəhbəri.
| Fuad Allahverdiyev | |
|---|---|
 | |
| Doğum tarixi | |
| Doğum yeri | Bakı, Azərbaycan SSR |
Həyatı
redaktəFuad Allahverdiyev 8 iyun 1975-ci ildə Bakı şəhərində anadan olub. Bakı Dövlət Universitetinin Tətbiqi Riyaziyyat fakültəsini İqtisadi Kibernetika ixtisası üzrə, eləcə də M. V. Lomonosov adına Moskva Dövlət Universitetini Executive MBA proqramı üzrə bitirmişdir.
Karyera
redaktəFuad Allahverdiyev 1998-ci ildə "Smart Systems Technology" MMC-nin təsisçilərindən biri olub və Azərbaycanda telekommunikasiya və yüksək texnologiyalar sahəsində bir neçə startapın (SMART-BANK, SMART-FINANCE, AileTV, AileNet, A-Billing, MyQUEUE, Mobile Financial Systems (MFS), Azerbaijan Content Centre (ACC) və s.) müəllifi və təsisçisidir.[2] O, ölkənin yüksək texnologiya və telekommunikasiya sahəsində fəaliyyət göstərən bir sıra şirkətlərin rəhbər vəzifələrində çalışıb.
Müxtəlif vaxtlarda Rusiya Kredit Bankı, United Credit Bank, Amrahbank, Atlantbank, NikoilBank kimi banklarda rəhbər vəzifələrdə çalışıb.
2004-cü ildə o, yerli televiziya və internet şəbəkələrinin yaradılması ilə məşğul olan "SKY" MMC-nin həmtəsisçisi olub. Sonradan bu şirkət "Ailə TV" və "Ailə NET" brendləri altında kabel televiziyası və internet provayder xidmətləri göstərməyə başladı.
Fuad Allahverdiyev "Rəqəmsal İpək Yolu" infrastruktur layihəsini özündə ehtiva edən "Azərbaycan Rəqəmsal Qovşağı" ideyasının təşəbbüskarlarından biridir.
Rəhbərlik etdiyi şirkətlər
redaktəHazırda Fuad Allahverdiyev magistral internet provayderi olan "AzerTelecom" MMC-nin Direktorlar Şurasının sədri, "AzerTelecom International" MMC-nin baş direktoru, "B&B TV Communications" kabel televiziyasının baş direktoru, "Uninet" MMC internet provayderinin Müşahidə Şurasının sədri və Fintek şirkəti "GoldenPay" MMC-nin Müşahidə Şurasının üzvüdür.
Fuad Allahverdiyev 50 ölkədən 5000-dən çox şirkət və təşkilatı birləşdirən və İlham Əliyevin təşəbbüsü və dəstəyi ilə 2002-ci ilin iyununda yaradılan "Caspian Energy Club"-ın İdarə Heyətinin üzvüdür.
Fuad Allahverdiyev 2015-ci ilə qədər "Caspian Telecom" telekommunikasiya şirkətinə rəhbərlik edib və B2B, B2G və B2O sferalarında layihələrin həyata keçirilməsinə şəxsən cavabdeh olub.
2015–2016-cı illərdə ölkənin telekommunikasiya sənayesinin aparıcı şirkətlərindən biri olan "CONNECT" MMC-nin baş direktoru olub. Onun rəhbərlik etdiyi illərdə şirkət "OTT TV" layihəsini həyata keçirib.
2016-cı ilin mart ayından hal-hazıradək kabel televiziyası operatoru "BBTV Communications" şirkətinin baş direktoru.
2016–2019-cu illərdə "Azerfon"da Biznesin inkişafı üzrə baş direktor.
2017-ci ilin may ayından Azərbaycanı beynəlxalq internet şəbəkəsi ilə birləşdirən magistral internet provayderi "AzerTelecom" MMC-də İdarə Heyətinin sədri vəzifəsinə təyin olunub.[3]
2017-ci ildə o, həmçinin telekommunikasiya şirkəti "Uninet" MMC-də Müşahidə Şurasının sədri və fintek şirkəti "GoldenPay" MMC-nin Müşahidə Şurasının üzvü vəzifələrinə təyin edilib.
2018-ci ildə "AzerTelecom"un rəhbər vəzifəli şəxsi qismində "Azərbaycan Rəqəmsal Qovşağı" təşəbbüsünü irəli sürüb. Təşəbbüs Heydər Əliyevin başlatdığı Azərbaycanın regionun enerji və nəqliyyat mərkəzinə çevrilməsi siyasətinin məntiqi davamı kimi nəzərdə tutulub. Təşəbbüs çərçivəsində hazırda Avropa və Asiyanı Azərbaycan üzərindən fiber-optik kommunikasiya xətti ilə birləşdirəcək magistral infrastruktur layihəsi olan "Rəqəmsal İpək Yolu" layihəsinin icrası üzrə işlər davam etdirilir.[4] F. Allahverdiyev 2020-ci ildən magistral internet provayderi "AzerTelecom" MMC-nin Direktorlar Şurasının sədri vəzifəsində çalışır.[5]
Layihələri
redaktə- Smart-Bank – avtomatlaşdırılmış bank sistemi
- Smart-Finance – avtomatlaşdırılmış mühasibat sistemi
- Phone to Phone – Azərbaycanda ilk İP-telefoniya layihəsi
- SMS-Bank – məsafədən bankçılıq texnologiyasının bir növü
- Ailə TV – kabel televiziyası operatoru
- Ailə NET – internet-provayder
- A-Billing – Kabel televiziyası və internet provayder xidmətlərinin ödənişi üçün avtomatlaşdırılmış sistem
- MyQUEUE – avtomatlaşdırılmış növbə sistemi
- AZTG – Azerbaijan Travel Guide
- ADH – Azerbaijan Digital Hub
- DSW – Digital Silk Way
- ACC – Azerbaijan Content Center (Azərbaycan Kontent Mərkəzi)
İstinadlar
redaktə- ↑ "Azərbaycanı beynəlxalq internet şəbəkəsinə bağlayan magistral internet provayderi AzerTelecom şirkətin rəhbərliyi səviyyəsində yeni təyinatları elan edir". 2023-10-08 tarixində arxivləşdirilib. İstifadə tarixi: 2023-10-08.
- ↑ "EcoVision jurnalı, aprel 2018, səh.28" (PDF). 2023-10-08 tarixində arxivləşdirilib (PDF). İstifadə tarixi: 2023-10-08.
- ↑ "Turan.az: Fuad Allahverdiyev appointed AzerTelecom CEO". 2023-10-08 tarixində arxivləşdirilib. İstifadə tarixi: 2023-10-08.
- ↑ "Report.az: Əsas məqsəd Azərbaycanı regionun əsas rəqəmsal mərkəzi etməkdir". 2023-10-08 tarixində arxivləşdirilib. İstifadə tarixi: 2023-10-08.
- ↑ "Azərbaycanı beynəlxalq internet şəbəkəsinə bağlayan magistral internet provayderi AzerTelecom şirkətin rəhbərliyi səviyyəsində yeni təyinatları elan edir". 2023-10-08 tarixində arxivləşdirilib. İstifadə tarixi: 2023-10-08.