Funksional

Əgər müəyyən $S$ funksiyalar çoxluğundan götürülmüş hər bir $\varphi$ funksiyasına müəyyən bir $F(\varphi )$ ədədi qarşı qoyulursa, onda $S$ çoxluğunda $F$ funksionalı təyin edilmişdir. Başqa sözlə funksional qiymətləri ədədlərdən ibarət olan və funksiyalar çoxluğunda təyin olunmuş funksiyadır. Məsələn, $[0;1]$ parçasında təyin olunmuş kəsilməz funksiyalar sinfində $F(\varphi )=\varphi ^{2}(0)$ qaydası ilə təyin edilmiş funksiya funksionaldır. Xətti funksional adlanan, yəni $F(a_{1}\varphi _{1}+a_{2}\varphi _{2})=a_{1}F(\varphi _{1})+a_{2}F(\varphi _{2})$ şərtini ödəyən funksional riyaziyyatda xüsusi əhəmiyyətə malikdir (burada $a_{1},a_{2}$ ədədlər, $\varphi _{1},\varphi _{2}\in S$). Xətti funksionalın təyin oblastı hökmən xətti fəza olmalıdır.

Ədəbiyyat

1. Məktəblinin riyaziyyatdan izahlı lüğəti
2. Колмогоров,Фомин,_Элементы_теории_функций_и_функ_анализа,1976