Fuqoppe mağarası
Fuqoppe mağarası (フゴッペ洞窟, Fuqoppe-dokustu?) – Yaponiyanın Hokkaydo prefekturasının Yoiçi qəsəbəsində yerləşən mağara. Burada kəşf edilmiş Fuqoppe petroqliflərinə görə tanınır. Temiya mağarası ilə birlikdə Yaponiyada petroqliflər kəşf edilmiş iki tarixi yerdən biridir.
| Fuqoppe mağarası | |
|---|---|
 | |
| Ümumi məlumatlar | |
| Kəşf tarixi | 1950 |
| Dövrü | Zoku-Comon dövrü[d] |
| Yerləşməsi | |
| 43°11′42″ şm. e. 140°50′17″ ş. u.HGYO | |
| Ölkə | |
| town.yoichi.hokkaido.jp/… | |
|
|
|
 Vikianbarda əlaqəli mediafayllar | |
Tarixi
redaktəMağara 1950-ci ildə 15 yaşlı bir oğlan tərəfindən təsadüfən kəşf edilmişdir. Oğlanın Sapporoda yerləşən bir liseyin yerli tarix klubunun üzvü olan böyük qardaşı bunu öyrəndikdən sonra müəllimlərini və dostlarını mağaraya gətirmişdir. Onlar mağarada bir çox qədim dulusçuluq məmulatı kəşf etmişdirlər. Arxeoloqlar 1951–1953-cü illərdə mağarada araşdırma işləri aparmış[1] və mağara divarlarında petroqliflər aşkar etmişdirlər.[2]
Mağara 1953-cü ildə Yaponiyanın Tarixi Yeri statusu almışdır.[1] 1972-ci ildən etibarən Fuqoppe mağarası böyük bir kapsula-tikilinin içərisində mühafizə olunur və muzey kimi fəaliyyət göstərir.[2]
Petroqliflər
redaktəMağarada 800-dən çox petroqlif kəşf edilmişdir. Qayıq, balıq, dəniz, məməli, qanadlı və buynuzlu şəxs təsvirlərindən ibarət olan[3] Fuqoppe petroqlifləri V–VII əsrlərdə Hokkaydo adasında mövcud olmuş Epi-Comon mədəniyyətinə aid edilir. Bu petroqliflərin Yaponiyada itmiş qədim yazı sisteminin – Cinday mocinin bir hissəsi olduğu iddia edilsə də, bir çox arxeoloqa görə əslində bu petroqliflər sadəcə olaraq şamanizm mərasimlərinin təsvirlərindən ibarətdir. Bəziləri bu petroqlifləri Rusiya Uzaq Şərqində aşkarlanmış petroqliflərlə müqayisə edir və qədim Oxot mədəniyyətinə aid edirlər.[2]
İstinadlar
redaktə- ↑ 1 2 "フゴッペ洞窟（読み）フゴッペどうくつ". Kotobank (yaponca). 2021-03-03 tarixində arxivləşdirilib. İstifadə tarixi: 18 avqust 2023. (Nipponica Ensiklopediyasından)
- ↑ 1 2 3 "Fugoppe Cave Petroglyphs". Atlas Obscura (ingilis). 17 avqust 2023 tarixində arxivləşdirilib. İstifadə tarixi: 17 avqust 2023.
- ↑ "フゴッペ洞窟". Yoiçi qəsəbəsinin saytı (yaponca). 10 iyun 2023 tarixində arxivləşdirilib. İstifadə tarixi: 17 avqust 2023.