Gödək qoyunu[1] — Azərbaycanda, Quba-Xaçmaz iqtisadi rayonunda miqdarca birinci yeri tutan qoyun cinsi. Cins xalq seleksiyası yolu ilə yaradılmışdır və qədim cins hesab olunur.

Gödək qoyunu
Elmi təsnifat
XƏTA: latin parametri doldurulmayıb.
Beynəlxalq elmi adı
XƏTA HAQQINDA MƏLUMAT
Bu parametr doldurulmayıb: latin

Cinssin nümayəndələri xırda olması, qısa ayaqları, möhkəm gövdəsi ilə çeçilir. Konstitusiyası quru və möhkəmdir. Ağır şəraitə davamlı, çevik və uzaq yol getməyə qadir, yerli şəraitə uyğunlaşmış qoyunlardır. Qoyunların 80 % ağ, başı və ayaqları qonur və qara rəngli olur[2]. Ətlik-yunluq istiqamətli cinsdir. Dişilərdə diri çəki 30-40 kq, qoçlarda isə 45-50 kq-dır. Ət çıxarı orta hesabla 45,0-48,0 % təşkil edir. İlllik süd verimliyi 45 litr, südünün yağlığı isə 6,4- 7,2 % olur.

Gödək qoyun cinsi orta, qismən ortadan aşağı irilikdə olub quru, lakin bədənin quruluğu möhkəm, nazik sümüklü, quyruq aynası öz boyu və formasına görə fərqlənir. Qabaq ətrafları biləklərdə yaxınlaşır, dırnaqlarında isə çəplik verir və arxa ətraflarda isə çapma oynaqlarında qismən yaxınlaşır. Ön ətraflar arxa ətraflara nisbətən qısa olur. Bu qoyunlar temperamentli olması ilə seçilirlər. Gödək qoyun cinsinin cidov hündürlüyü orta hesabla 52-62 sm, qoçlarınki isə 57-69 sm-dir.

Digər qabayunlu qoyun cinsləri kimi Gödək qoyun cinsinin də yunu qaba və qarışıqdır. Onun tərkibi tiftikdən, keçid tüklərindən və qaba-qılan tüklərindən ibarətdir. Gödək qoyunlarının yunu müxtəlif rənglərdə olmasına baxmayaraq ağ qoyunlar 30 %, ağ-sarımtıl 20 %, qararənglilər 8 %, boz rənglilər 15 %, başqa rənglilər 2 % təşkil edir.

Bu cinsə daxil olan heyvanlar ildə iki dəfə qırxılır (aprel və avqust). Yun qırxımı yüksək olmaması ilə seçilir. Doğar qoyunlarda bu rəqəm 1,5 -2 kq-a çatır. Saf yun çıxarı 68 %-ə qədər olur.

Gödək cinsli qoyunların yununda tiftik 43,08 %, keçid tüklər 31,27 %, qılan 16,55 %, ölü tük 9,2 % olur. Yununun uzunluğu 6-11 sm olur. Yunları saçaqlı, nazik və uzun olması ilə seçilir.

İstinadlar redaktə

  1. "Qoyunçuluq, Gödək qoyun cinsi". 2022-06-19 tarixində arxivləşdirilib. İstifadə tarixi: 2021-05-08.
  2. "Gödək qoyunu". 2021-05-13 tarixində arxivləşdirilib. İstifadə tarixi: 2021-05-08.

Həmçinin bax redaktə