Günay Əfəndiyeva
Günay Elçin qızı Əfəndiyeva — Azərbaycanlı ictimai-siyasi xadim, diplomat. Milli Məclisinin deputatı və Mədəniyyət komitəsinin sədr müavini, Qırğız Respublikasının əməkdar mədəniyyət işçisi. Türk Mədəniyyəti və İrsi Fondunun ilk prezidenti (2015-2023)
| Günay Əfəndiyeva | |
|---|---|
| Günay Elçin qızı Əfəndiyeva | |
Vəzifədədir | |
| 2024-cü ildən | |
| Seçki dairəsi | 2024 — 14 saylı Xəzər - Pirallahı |
Beynəlxalq Türk Mədəniyyəti və İrsi Fondunun prezidenti | |
| 11.09.2015 – 28.11.2023 | |
| Əvvəlki | vəzifə təsis edildi. |
| Sonrakı | Aktotı Raimkulova |
| Şəxsi məlumatlar | |
| Doğum tarixi | |
| Doğum yeri | Bakı Azərbaycan SSR, SSRİ |
| Milliyyəti | azərbaycanlı |
| Vətəndaşlığı |
 Azərbaycan |
| Təhsili | Azərbaycan Tibb Universiteti |
| Atası | Elçin Əfəndiyev |
|
|
|
| Təltifləri |
  |
Həyatı
redaktəGünay Elçin qızı Əfəndiyeva 20 oktyabr 1973-cü ildə Bakı şəhərində görkəmli yazıçılar İlyas Əfəndiyev və Elçin Əfəndiyevin ailəsində anadan olmuşdur.
1991-ci ildə Bülbül adına orta ixtisas musiqi məktəbini qızıl medalla bitirmişdir. 1997-ci ildə Azərbaycan Tibb Universitetini qırmızı diplomla həkimlik ixtisası ilə bitirmişdir. 1997-1998-ci illərdə Bakı şəhəri Respublika Diaqnostika Mərkəzində fuksional diaqnostika üzrə internatura keçmişdir.
Ailəsi
- Azərbaycanın görkəmli yazıçısı Azərbaycan Respublikasının xalq yazıçısı Azərbaycan Respublikası Baş Nazirinin keçmiş müavini Elçin Əfəndiyevin qızıdır
- Azərbaycanın görkəmli yazıçısı Azərbaycan Respublikasının xalq yazıçısı İlyas Əfəndiyevin nəvəsidir.
- Sənətşünas alim, Əməkdar incəsənət xadimi, Əməkdar elm xadimi Timuçin Əfəndiyevin qardaşı qızıdır.
- Tanınmış hüquqşünas,Azərbaycan Respublikası Konstitusiya Məhkəməsinin hakimi Humay Əfəndiyevanın bacısıdır
İş fəaliyyəti
redaktə2004-2008-ci illərdə Azərbaycan Respublikasının İstanbul Baş konsolosluğunda vitse-konsul, konsul vəzifələrində çalışaraq başlamışdır. 2009-2015-ci illərdə Azərbaycan Respublikası Xarici İşlər Nazirliyinin UNESCO üzrə AR Milli Komissiyasının birinci katibi, müşaviri, baş katibi vəzifələrində çalışmışdır. 2015-ci ilin 11 sentyabr tarixində Türk Şurasının (Türk Dövlətləri Təşkilatı) Dövlət Başçılarının Astana zirvə görüşü zamanı qəbul etdikləri qərəra əsasən Türk Mədəniyyəti və İrsi Fondunun ilk prezidenti təyin olunmuş,[1] 2023-cü ilin noyabr ayına qədər bu vəzifədə çalışmışdır.
06 oktyabr 2015-ci ildə Azərbaycan Respublikası Prezidentinin müvafiq sərəncamı ilə ikinci dərəcəli fövqəladə və səlahiyyətli elçi diplomatik rütbəsi verilib.[2]
Siyasi fəaliyyəti
redaktəGünay Əfəndiyeva 2024-cü il növbədənkənar parlament seçkilərində Bitərəf kimi 14 saylı Xəzər - Pirallahı seçki dairəsindən deputatlığa namizəd olmuşdur.[3] Seçkidə qələbə qazanaraq Azərbaycan Respublikasının Milli Məclisinin VII çağırış deputatı seçilib.
23 sentyabr 2024-cu ildə Milli Məclisin Mədəniyyət Komitəsinin (sədr: Polad Bülbüloğlu) sədr müavini, Səhiyyə komitəsinin üzvüdür.
Türk Dövlətləri Parlament Assambleyasının üzvüdür.
Mükafatları
redaktə06.07.2009-cu il tarixində “Azərbaycan Respublikası diplomatik xidmət orqanlarının 90 illiyi (1919-2009)”, 09.07.2019-cu il tarixində “Azərbaycan Respublikası diplomatik xidmət orqanlarının 100 illiyi (1919-2019)” medalları ilə təltif olunmuşdur.
Qırğız Respublikasının Prezidentinin Fəxri Fərmanı (2023), Y.Balasagın adına Qırğız Milli Universitetinin Fəxri Professoru (2022),[4] Nəzir Torekulov adına Qazaxıstanın Ali diplomatik medalı (2023),[5] TÜRKSOY 30-cu il medalı (2023),[6] Qırğız Respublikasının əməkdar mədəniyyət işçisi (2023), Manas medalı (2023), Çingiz Aytmatov medalı (2021)[7], Abay Kunanbayev medalı (2020) və bir çox digər medal və fəxri adlarla təltif olunmuşdur.
2024-cü ilin oktyabrında Macarıstanın ali mükafatlarından biri olan “Xidmətlərə görə Komandor Xaçı” ordeni ilə təltif olunub.[8]
İstinadlar
redaktə- ↑ "Günay Əfəndiyeva Türk Mədəniyyəti və İrsi Fondunun prezidenti təyin edilib". azertag.az. 11.09.2015. 2020-08-19 tarixində arxivləşdirilib. İstifadə tarixi: 3 sentyabr 2024.
- ↑ "G.E.Əfəndiyevaya ikinci dərəcəli fövqəladə və səlahiyyətli elçi diplomatik rütbəsi verilməsi haqqında Azərbaycan Respublikası Prezidentinin Sərəncamı". president.az. 06 oktyabr 2015. 3 sentyabr 2024 tarixində arxivləşdirilib. İstifadə tarixi: 3 sentyabr 2024.
- ↑ "Günay Əfəndiyeva deputatlığa namizəd oldu - AÇIQLAMA". turkustan.az. 25 İyul 2024. 3 sentyabr 2024 tarixində arxivləşdirilib. İstifadə tarixi: 3 sentyabr 2024.
- ↑ "Günay Əfəndiyeva Qırğızıstan Milli Universitetinin fəxri professoru adına layiq görülüb". azertag.az. 28.09.2023. 2020-08-19 tarixində arxivləşdirilib. İstifadə tarixi: 3 sentyabr 2024.
- ↑ "Günay Əfəndiyeva Qazaxıstanın Ali diplomatik medalı ilə təltif olunub". azertag.az. 28.09.2023. 3 sentyabr 2024 tarixində arxivləşdirilib. İstifadə tarixi: 3 sentyabr 2024.
- ↑ "Günay Əfəndiyeva Qazaxıstanda TÜRKSOY-un 30 illiyinə həsr olunmuş tədbirdə iştirak edib". azertag.az. 13.01.2022. 3 sentyabr 2024 tarixində arxivləşdirilib. İstifadə tarixi: 3 sentyabr 2024.
- ↑ "Günay Əfəndiyeva "Çingiz Aytmatov medalı"na layiq görülüb". azertag.az. 13.01.2022. 3 sentyabr 2024 tarixində arxivləşdirilib. İstifadə tarixi: 3 sentyabr 2024.
- ↑ "Günay Əfəndiyeva Macarıstanın ali ordeni ilə təltif olunub". Report İnformasiya Agentliyi (az.). 2024-10-17. İstifadə tarixi: 2024-10-18.