Güngörməz qalası
Güngörməz qalası — Hacıqabul rayonu, İkinci Udullu kəndi ərazisində yerləşən arxeoloji abidə.
| Güngörməz qalası | |
|---|---|
| Ölkə |
 Azərbaycan |
| Şəhər | Hacıqabul |
| Yerləşir | İkinci Udullu |
| Aidiyyatı | ilk orta əsrlər |
| Kateqoriya | Arxeoloji abidə |
| Əhəmiyyəti | Ölkə əhəmiyyəti |
Ümumi məlumat redaktə
Güngörməz qalası rayon mərkəzindən 45 kilometr aralıda yerləşir. Mənbələrə görə, bu yaşayış yerinin tarixi antik dövrdən XVII əsrə qədər olan böyük bir müddəti əhatə edib. Deyilənlərə görə, qala gün düşmədiyi üçün "Güngörməz" adlandırılıb. Düşmən hücumlarından qorunmaq üçün inşa edilən qala dağın ən hündür zirvəsində tikilib. Divarlarının eni 3 metrdir. Daxilində isə əlavə divarlar mövcuddur. Bu divarların da aşağı hissəsi 2 cərgə nəhəng sal daşlardan ibarətdir. Güman edilir ki, siklopik qalaları xatırladan "Güngörməz" qalasının inşasından əvvəl də bu ərazidə müdafiə qalası mövcud olub. "Güngörməz" qalasının tikintisində də siklopik qala qalıqlarından da istifadə edilib. Tarix-diyarşünaslıq evinin direktoru Sərdaxan Təhməzov bildirib ki, ərazidə qazıntı işləri aparılarkən küp qəbirlər, varlı adamlara məxsus məzarlar, saxsı qablar, daş dövrünə aid müxtəlif əşyalar və s. tapılıb[1]. Qəbirlərdə onların işlətdikləri əşyalar, silahlar aşkar edilib. Həmin əşyalar rayonun tarix-diyarşünaslıq muzeyinə verilib. Arxeoloji abidədə yeni tədqiqat işlərinin aparılmasına ehtiyac var.
İstinadlar redaktə
- ↑ Babayev, Mahir. "Düşmən hücumlarından müdafiə olunmaq üçün inşa edilən "Güngörməz" qalasının tədqiqinə ehtiyac var". azertag.az. 24.06.2016. 2019-04-04 tarixində arxivləşdirilib. İstifadə tarixi: 2020-12-23.