Günortadan sonra məhəbbət (film, 1957)

"Günortadan sonra məhəbbət" (ing. Love in the Afternoon) — rejissor Billi Uaylderin filmi.

Günortadan sonra məhəbbət
ing. Love in the Afternoon
Janr	komediya melodram
Rejissor	Billi Uaylder
Prodüser	Billi Uaylder
Əsərin müəllifi	Klod Ane
Ssenari müəllifləri	Billi Uaylder İ.A.L. Daymond
Baş rollarda	Qeri Kuper Odri Hepbern Moris Şevalye
Operator	Uilyam Mellor
Bəstəkar	Frans Vaksman
Rəssam	Aleksandr Trauner
İstehsalçı	Allied Artists Pictures Corporation
Distribütor	Netflix
İlk baxış tarixi	30 iyun 1957
Filmin digər adı	Ariana
Filmin növü	bədii film
Müddət	130 dəqiqə
Büdcə	2,1 milyon $
Gəlir	2 milyon $
Ölkə	ABŞ
Dil	ingilis dili
İl	1957
Rəng	ağ-qara
IMDb	ID0050658
Vikianbarda əlaqəli mediafayllar

Məzmun

Cazibədar gənc qız, Ariana Şavess gələcək violonçel ifaçısı kimi konservatoriyada təhsil alır. O, şəxsi xəfiyyə olan atası Klodla birlikdə yaşayır. Klod bir-birinə xəyanət edən ər-arvadları izləməklə özünə çörəkpulu qazanır. Bu dəfə onun köhnə marağının hədəfi Amerika pleyboyu Frenk Flenneqandır.

Müştərilərdən biri arvadı ilə Flenneqanın eşq macərasından xəbər tutur və ona atəş açmaq qərarına gəlir. O, Flenneqanın öz məşuqələrilə görüşdüyü "Ris" otelinə daxil olur. Lakin orada arvadının əvəzinə "milyonçu" Ariananı tapır. Evdə atasının söhbətlərinə qulaq asan Ariana Frenkə qabaqcadan xəbərdarlıq edir və onu ölümdən qurtarır.

Bir ildən sonra tale Frenklə Ariananı Parisdə yenidən qarşılaşdırır. Frenkdə qısqanclıq doğurmaq üçün Ariana üzünə bədbəxt qadın maskası taxır. O, Frenkə tanınmış və varlı kişilərlə olan çoxsaylı sevgi macəralarından danışır. Əslində isə, o, Ariananın aşiq olduğu ilk şəxsdir. Artıq Frenk ümidsizliyə düçar olub. Ariana ona adını belə demədən çıxıb gedir.

Onu son dərəcə maraqlandıran bu qız haqqında həqiqəti öyrənmək üçün Frenk qarşısına çıxan ilk şəxsi xəfiyyədən kömək istəyir. Bu qızın atası Klod Şavess olur...

Film haqqında

• Film Klod Anenin "Rus qızı Ariana" əsəri əsasında çəkilmişdir.

Filmin heyəti

Film üzərində işləyənlər

Əsərin müəllifi : Klod Ane

Ssenari müəllifləri : Billi Uaylder, İ.A.L. Daymond

Rejissor : Billi Uaylder

Operator : Uilyam Mellor

Rəssam : Aleksandr Trauner

Bəstəkar : Frans Vaksman

Prodüser : Billi Uaylder

Rejissor assistenti : Pol Feyder

Montaj : Leonid Azar

Rollarda

Qeri Kuper – Frenk Flenneqan

Odri Hepbern – Arianna Şavess

Moris Şevalye – Klod Şavess

Con Makqiver – cənab X

Van Duad – Mişel

Liza Burden – xanım X

Olqa Valeri

Mənbə

• Audrey Hepburn, Love in the Afternoon al caffè del Bois de Boulogne Arxivləşdirilib 2016-10-04 at the Wayback Machine

Xarici keçidlər

• Love in the Afternoon — Internet Movie Database saytında

• Love in the Afternoon TCM Movie Database saytında
• Love in the Afternoon AllMovie saytında