Hüseyn Sözlü (şair)
Hüseyn Ələkbət oğlu Məmmədov (15 aprel 1946, Noraşen rayonu) — Ömrünün 50 ildən çoxunu dənizə həsr etmiş veteran dənizçi, Azərbaycan Dövlət Dəniz Akademiyasının baş müəllimi, şair, bəstəkar. Azərbaycan Yazıçılar Birliyinin (2000-ci ildən) üzvüdür. Elm və Təhsil Mərkəzinin filologiya üzrə Fəxri Professoru diplomuna layiq görülmüşdür.
| Hüseyn Məmmədov | |
|---|---|
| Hüseyn Ələkbət oğlu Məmmədov | |
| Təxəllüsü | Hüseyn sözlü |
| Doğum tarixi | |
| Doğum yeri | Naxçıvan Muxtar Respublikası,Şərur |
| Vətəndaşlığı |
 Azərbaycan |
| Milliyyəti | Azərbaycanlı |
| Təhsili | Odessa Ali Dənizçilik məktəbi |
| Fəaliyyəti | Dənizçi, şair, bəstəkar, müəllim |
| Üzvlüyü | Azərbaycan Yazıçılar Birliyi |
| Mükafatları | Fəxri Professor diplomu |
Həyatı redaktə
15 aprel 1946-cı ildə Naxçıvan Muxtar Respublikasının, Şərur rayonunun Şəhriyar kəndində kolxozçu ailəsində anadan olub. 3 övladı, 6 nəvəsi vardır.[1]
Təhsili redaktə
Şəhriyar kənd orta məktəbini 1963-cü ildə bitirib. Tar üzrə musiqi təhsili alıb. Bakı Dəniz Yolları məktəbiniə daxil olub və oranı bitirdikdən sonra Xəzər Dəniz Gəmiçiliyi idarəsinin gəmilərində çalışıb. Ali təhsilini Odessada alıb.
Yaradıcılığı redaktə
Zəngin yaradıcılığa malik Hüseyn Sözlünün 11 şeirlər kitabı var. Bundan əlavə, Azərbaycan Dövlət Dəniz Akademiyası üçün "Gəmi köməkçi mexanizmləri, sistemləri və onların istismarı" dərsliyinin müəllifidir. Hüseyn Sözlünün Azərbaycanda və Türkiyədə onlarla musiqi albomu buraxılmış, mahnılarına Azərbaycanda və Türkiyədə kliplər çəkilmişdir. 2000-ci ildən Azərbaycan Yazıçılar Birliyinin üzvüdür. Rəsul Rza mükafatına, beynəlxalq "Qızıl qələm" mükafatına layiq görülüb. Türk dünyası Araşdırmaları Beynəlxalq Elmlər Akademiyasnın "Qızıl ulduz" medalı ilə, Azərbajcan Respublikası Fövqəladə Hallar Nazirliyinin Fəxri fərmanı və Azərbaycan Yazıçılar Birliyinin fəxri diplomu ilə təltif edilib. Hazırda pedoqoji fəaliyyətlə məşğuldur: Azərbaycan Dövlət Dəniz Akademiyasının baş müəllimidir.[2]
Musiqi əsərləri redaktə
Hüseyn Sözlünün 250-dən çox mahnı bəstəsi mövcutdur. Mahnılarını Xalq artisti Sabir Əliyev, Əməktar artistlər Nuriyyə Hüseynova, Zakir Əliyev, eləcə də Elxan Şirinov, "Manaf Ağayev, Şəmistan Əlizamanlı, Səyyad Əlizadə, Qədir Qızılsəs Tuncay Yalın (Türkiyə) və s. ifa edib.[3]
Kitabları redaktə
- "Dənizə bağlıyam mən" (1996)
- "Həyat sevgidir, məncə" (1997)
- "Bu sevda bitən deyil" (1998)
- "Sevgiylə yaşayıram" (1999)
- "Ləpədöyən yerdəyəm" (2000)
- "Könül nəğmələri" (2003)
- "Sevgi dolu baxışlar" (2007)
- "Qəzəllər" (2009)
- "Söz dünyam-Öz dünyam" (2013)
- "Bu qədərini yaza bildim" (2018)
- "Divan" (2022)[4]
İstinadlar redaktə
- ↑ "şair-bəstəçi, veteran dənizçi Hüseyn Sözlüdür". 2023-01-26 tarixində arxivləşdirilib. İstifadə tarixi: 2023-01-26.
- ↑ "Dağların və dalğaların əks-sədası". 2023-01-26 tarixində arxivləşdirilib. İstifadə tarixi: 2023-01-26.
- ↑ "ÜSEYN SÖZLÜNÜN ŞEİR ALƏMİ". 2023-01-26 tarixində arxivləşdirilib. İstifadə tarixi: 2023-01-26.
- ↑ "Dünya bəstəkarları / World composers". 2023-01-26 tarixində arxivləşdirilib. İstifadə tarixi: 2023-01-26.