Hüseynbala Əliyev

Hüseynbala Əliyev
Hüseynbala Əliyev
	Əliyev Hüseyn Balaəli oğlu
Doğum tarixi	25 noyabr 1918
Doğum yeri	Bakı şəhəri, Pirşağı qəsəbəsi, AXC
Vəfat tarixi	18 iyul 1941 (22 yaşında)
Vəfat yeri	Leninqrad, SSRİ
Vəfat səbəbi	mərmi yaraları
Milliyyəti	azərbaycanlı
Təhsili	Yeysk Ali Hərbi Aviasiya İnstitutu[d];
Mükafatları

Əliyev Hüseyn Balaəli oğlu – "Lenin ordeni" ilə təltif edilib (ölümündən sonra)

Həyatı

Əliyev Hüseyn Balaəli oğlu 25 noyabr 1918-ci ildə Bakı şəhərinin Pirşağı qəsəbəsində doğulmuşdur. Bakı şəhəri, Dəyirman küçəsi, 8 nömrəli evdəki 39 nömrəli ibtidai məktəbdə oxumuşdur. Sonra"Qırmızı dəmirçi" fabrik-zavod məktəbində (FZM) təhsil almışdır. Sonra Bakı təyyarə klubunda uçuşun ilk elementlərinə yiyələnmışdir.

1940-cı ildə Yeysk HDT-çilik məktəbini bitirmişdir.

BVM başlayanda Baltik Donanmasının HHQ-ndə Tallində, sonra isə Leninqradda xidmət etmişdir.

Leytenant Hüseyn Əliyev qırıcı təyyarəçi idi. 49 döyüş uçuşu keçirmişdir.

18 iyul 1941-ci ildə düşmənin 3"Yunkers-88" təyyarəsi ilə döyüşə girmiş ölümcül yaralanmışdır. Kabinədə partlayan düşmən mərmisindən onun bədəni 30-qədər qəlpə yarası almışdır. Buna baxmayaraq təyyarələrdən 2-sini vurmuşdur. Öz təyyarəsini salamat yerə endirmiş, təyyarənin kabinəsində partlayan mərmidən aldığı çoxlu yaralardan həlak olmuşdur.

Ölümündən sonra "Lenin ordeni" ilə təltif edilib.

N.K.Çukovskinin "Baltik səması" romanında, V.Ketlinskayanın "İradə" hekayəsində onun qəhrəmanlığından bəhs edilmiş, Məmməd Rahimin "Leninqrad göylərində" poeması ona həsr olunmuşdur.

"Azərbaycan film" kino studiyası onun haqqında Hünər əbədidir (film, 1967) adlı film çəkmişdir.Pirşağı qəsəbəsində büstü qoyulmuşdur.

Adına küçə var.

Haqqında

N.K.Çukovski, "Baltik səması" romanı.
V.Ketlinskaya, "İradə" hekayəsi.
Məmməd Rahim, "Leninqrad göylərində" poeması.

Filmoqrafiya

Hünər əbədidir (film, 1967)^[1]
Qafqaz qartalının uçuşu^[2]

İstinadlar

↑ Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 170-179.
↑ Yeganə. "Qafqaz qartalının uçuşu" sənədli filminin çəkilişi başa çatıb: [Azərbaycanlı təyyarəçi Hüseynbala Əliyevdən bəhs edən filmin rejuissoru Tahir Əliyevdir] //Mədəniyyət.- 2010.- 16 iyul.- S. 3.

Mənbə

Azərbaycan Respublikası Xatirə Kitabı, 3-cü cild, Bakı, 2003. səh.747.
Dilşad Xaqaniqızı "Pirşağı dünyası" "Borçalı"Bakı-2005

Xarici keçidlər

Azərbaycanlı "qartal"ın son uçuşu (az.)

[1] Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 170-179.

[2] Yeganə. "Qafqaz qartalının uçuşu" sənədli filminin çəkilişi başa çatıb: [Azərbaycanlı təyyarəçi Hüseynbala Əliyevdən bəhs edən filmin rejuissoru Tahir Əliyevdir] //Mədəniyyət.- 2010.- 16 iyul.- S. 3.

[1]

[2]