Həbibə Qasımova
Həbibə Süleyman qızı Qasımova (d. 24 avqust 1922, Bakı, Azərbaycan SSR - ö. 19 noyabr 2014,Bakı, Azərbaycan) — biologiya elmləri doktoru (1963), professor (1965), Azərbaycan SSR-nin Əməkdar elm xadimi[1] (1980), Torpaq mikrobiologiyası sahəsində ilk azərbaycanlı qadın alim[2]
| Həbibə Qasımova | |
|---|---|
| Həbibə Süleyman qızı Qasımova | |
| Doğum tarixi | |
| Doğum yeri |
Bakı.svg){kind=small} Azərbaycan SSR SSRİ |
| Vəfat tarixi | (92 yaşında) |
| Vəfat yeri |
Bakı Azərbaycan |
| Vətəndaşlığı |
SSRİ Azərbaycan |
| Milliyyəti | Azərbaycanlı |
| Elmi dərəcəsi | Biologiya elmləri doktoru (1963) |
| Elmi adı | professor (1965) |
| Alma-mater | Azərbaycan Dövlət Universiteti |
| Təhsili | Bakı Dövlət Universiteti |
| Mükafatları |
 |
Həyatı
redaktəHəbibə Qasımova 24 avqust 1922-ci ildə Bakı şəhərində anadan olub[3]. 1939-cu ildə orta məktəbi bitirmişdir[4]. 1944-cü ildə Azərbaycan Dövlət Universitetini "Fərqlənmə" diplomu[4] ilə bitirmişdir[3]. Universitetdə oxuduğu müddətdə fakültənin komsomol katibi, partiya bürosu katibi və universitetin komsomol komitəsi katibinə qədər yüksəlmişdir[4].
1945-1948-ci illərdə Azərbaycan Dövlət Universitetinin aspiranturasında təhsil almış, 1949-cu ildə "Azərbaycanın penisillin əmələgətirən göbələkləri" mövzusunda namizədlik dissertasiyası müdafiə etmiş, biologiya elmləri namizədi alimlik dərəcəsi almışdır[4].
Həbibə Qasımova 1963-cü ildə[3] "Qazıntı üzvi maddələrin torpağın mikroflorasına təsiri" mövzusunda dissertasiya müdafiə edib biologiya elmləri doktoru alimlik dərəcəsi almışdır[4].
1965-ci ildə professor elmi dərəcəsi almış, 1980-ci ildə Azərbaycan SSR Əməkdar elm xadimi adına layiq görülmüşdür[3].
1965-ci ildən 1967-ci ilə qədər Azərbaycan Dövlət Universitetinin biologiya fakültəsinin dekanı olmuşdur[4].
1967-ci ildən Azərbaycan Dövlət Universitetinin ibtidai bitkilərin sistematikası və mikrobiologiya kafedrasının müdiri olmuşdur[3].
150-dən artıq elmi əsərin, 5 tədris kitabının, 2 ixtiranın müəllifidir. İllinoys ştatı (ABŞ) Elmlər Akademiyasının həqiqi üzvü idi[3].
Həbibə Qasımova 18 noyabr 2014-cü ildə Bakı şəhərində vəfat edib[5].
Mükafatları
redaktəİstinadlar
redaktə- ↑ "Bakı Dövlət Universiteti – Biologiya fakültəsi: Fakültənin görkəmli məzunları və elm xadimləri". Bakı Dövlət Universiteti – Mətbuat və İnformasiya şöbəsi (az.). press.bsu.edu.az. 2016-11-07 tarixində orijinalından arxivləşdirilib. İstifadə tarixi: 2014-09-18.
- ↑ Esmira. "Sürüklənən bəşəriyyət qadınla yüksələcək: Qadın və cəmiyyət, Məşhur qadınlarımız". Ana və Uşaq (az.). anaveusaq.az. 23-03-2014, 10:00. 2016-03-04 tarixində arxivləşdirilib. İstifadə tarixi: 2014-09-18.
- ↑ 1 2 3 4 5 6 7 "QASIMOVA Həbibə Süleyman qızı". Azərbaycan Gender İnformasiya Mərkəzi (az.). gender-az.org. 2016-03-04 tarixində arxivləşdirilib. İstifadə tarixi: 2014-09-18.
- ↑ 1 2 3 4 5 6 7 8 9 Əli Hüseynov, Məcnun Babayev. "Məşhur biologiya alimləri", Bakı, "Maarif", 2002. səh.165-167.
- ↑ "Azərbaycan elminə ağır itki üz verdi" (az.). aznews.az. 20.11.2014 - 10:30. 2023-07-21 tarixində arxivləşdirilib. İstifadə tarixi: 2014-11-20.