Həmid Heydəri

Həmid Məhərrəməli oğlu Heydəri (26 mart 1991; Şahrud, İran) — Azərbaycanı, əvvəl isə İranı təmsil edən yüngül atlet. 2020-ci ildə baş tutan XVI Yay Paralimpiya Oyunlarının qalibi olub.

Həmid Heydəri
Həmid Heydəri 2016-cı il Yay Paralimpiya Oyunlarında
Şəxsi məlumatlar
Tam adı	Həmid Məhərrəməli oğlu Heydəri
Vətəndaşlığı	İran → Azərbaycan
Doğum tarixi	26 mart 1991
Doğum yeri	Şahrud, İran
İdman növü	Yüngül atletika
Məşqçisi	Oleq Panyutin
Medallar Paralimpiya Oyunları Gümüş 2016 Rio-de-Janeyro Nizə atma, F57 Qızıl 2020 Tokio Nizə atma, F57 Dövlət təltifləri

Həyatı

Həmdi Heydəri 1991-ci il martın 26-da Şahrud şəhərində anadan olub. Milliyyətcə azərbaycanlıdır.

Karyerası

Həmdi Heydəri İranı 2016-cı ildə Rio-de-Janeyro şəhərində (Braziliya) baş tutan XIV Yay Paralimpiya Oyunlarında təmsil elədi və gümüş medalın sahibi oldu.

2017-ci ilin iyul ayında o, Birləşmiş Krallıqda baş tutan Dünya Çempionatının bürünc medalına sahib oldu.

Həmdi Heydəri 2020-ci ildə Azərbaycan vətəndaşlığını qəbul elədi.

2021-ci ilin iyun ayında Həmdi Heydəri Polşada baş tutan Avropa Çempionatında 42.48 metr nəticə ilə turnirin gümüş medalına sahib oldu.

2021-ci ilin avqust ayında isə Həmdi Heydəri Yaponiyada baş tutan XVI Yay Paralimpiya Oyunlarında mübarizə apardı. Nizə atma turnirində Həmdi Heydəri 50.42 metr nəticə ilə qızıl medala sahib oldu.

Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Həmdi Məhərrəməli oğlu Heydəri "Şöhrət" ordeni ilə təltif edildi.