Həyat, deyəsən, gözəldir filmi

Film Mədəniyyət Nazirliyinin sifarişi ilə "Azərbaycanfilm" kinostudiyası tərəfindən istehsal olunub.^[1]

Beynəlxalq premyera 4 noyabr 2022-ci ildə "Qorqud Ata" Türk Dünyası Film Festivalında baş tutub və əsərin rejissoru, ssenari müəllifi Vaqif Mustafayev "Türk dünyasının ən yaxşı rejissoru" nominasiyası üzrə mükafatlandırılıb.^[2]

"Həyat, deyəsən, gözəldir" filmi Azərbaycan torpaqlarının 30 illik erməni işğalı dövrü və Azərbaycanın 44 günlük Vətən müharibəsindəki Qələbəsindən bəhs edir. Süjetin mərkəzində Azərbaycan Ordusunun əks-hücumundan sonra vəlvələyə düşən erməni əsgərlərinin arasında olan və əsir düşən iki erməni qardaşdır. Onların sonrakı taleyi tragikomediya janrında təqdim olunub və bu ekran əsərinin leytmotivini təşkil edir.^[3]

İlkin işçi adı "Fəryad II" olan filmin ssenari müəllifi və rejissoru Vaqif Mustafayev, təsvir rejissoru Orxan Abbasov, rəssamı Quram Navrozaşvili, geyim rəssamı Keti Kalandadze, bəstəkarı Tural Məmmədli, prodüseri isə Fariz Əhmədovdur. Əsas rollarda Hikmət Rəhimov, Sevinc Əliyeva, Nino Qomarteli, Dmitri Samxaradze, Giorgi Celiya və Aftandil Maxaradze çəkiliblər.

Filmin çəkilişləri Xocavənd rayonunun Hadrut qəsəbəsində, Xızı rayonunda, Bakı və Abşeron yarımadasında aparılıb.^[4]

İstinadlar

[1] ttps://azertag.az/xeber/heyat_deyesen_gozeldir_filmi_teqdim_olunub-2634524

[2] ttps://report.az/incesenet-xeberleri/cinemaplus-da-vaqif-mustafayevin-heyat-deyesen-gozeldir-filminin-numayisi-baslayir/

[3] ttps://kulis.az/xeber/media/heyat-deyesen-gozeldir-filmi-teqdim-edildi-47549

[4] ttps://medeniyyet.az/page/news/68087/Heyat-deyesen-gozeldir.html

[1]

[2]

[3]

[4]