Vikipediya

H.O.S.T.

H. O. S. T (Hava Od Su Torpaq) – Azərbaycan rep qrupu.

H.O.S.T
Əsas məlumatlar
Üslub Rep, Alternative Rock, Reggae
Fəaliyyət illəri 2007–2012
Ölkə Bakı, Azərbaycan Azərbaycan
Leybl HOST Production, Dayirman Production
Heyət Qaraqan, PRoMete, AiD
Keçmiş üzvlər Feck, ErranT, Felon De Jure, Darvish, Jamal Ali
www.havaodsutorpaq.com

HaqqındaRedaktə

Qrupun yaranma tarixinə qədər də, üzvlər ayrılıqda rep fəaliyyəti ilə məşğul olub. PRoMete, eyni zamanda Qaraqan və Jamal Ali Alliance-a qədərki vaxt mərhələsində bir neçə treklər yazdırıb, konsertlərdə çıxış edib.

2005–2006-cı illər ərzində əsası qoyulan və fəaliyyətdə olan Baku Clan isə uşaqlıq dostlarını özündə birləşdirib – artıq çoxdandı rep yazan Qaraqan və Jamal Ali'yə Felon De Jure, Feck, ErranT da qoşulub. Clan'ın "Sənsiz (Love Story)" hiti də məhz o dövrdə yazılır.

Elə həmin dövrdə Baku Clan üzvləriylə yaxın dostluq əlaqələrinə malik olan PRoMete də SRB-nin (Sumqayıt Rep Birliyi) nəzdində çıxış edirdi. Birliyin yaradıcısı bir neçə konsert verməklə bərabər Baku Clan'la da bir sıra tracklər yazdırır.

2006-cı ilin dekabrında artıq sıx-sıx görüşməyə başlayan bu dost əhatəsi, yalnız repi yox, bir sıra digər məsələləri də müzakirə edə-edə ortaq nöqtələr və onları birləşdirən hədəflər tapır. Elə həmin müzakirələr və danışıqlar gələcəkdəki hərəkatın təməlini qoyur.

2007-ci il fevralın 13-də isə artıq bu dostluq əhatəsi yekdilliklə qərar verərək özünü – H. O. S. T Alliance adlandırır. Bu birliyə elə həmin dost əhatəsində olan Dərviş və AiD də daxil olur.

2009-cu ildə İsveçrədə baş tutan "Azərbaycan Günləri" adlı tədbirdə iştirak edən AiD və PRoMete "Addım-addım", "Enigma", "Qurtul" və "Dinlə" treklərini ifa edirlər

2007–2012-ci illərdə fəaliyət göstərmiş qrupun 50-dən çox konserti baş tutub ki, onların ən böyüyü də 2012-ci il, 4 mart tarixində Dəniz vağzalında keçirilmiş "Beşikdən Məzara" adlı konsertdir. İlk konsertləri isə 2007-ci ilin 9 dekabrında "Yuğ Dövlət Teatr"ında baş tutub. Əlavə olaraq da "Reinkarnasiya"(21.02.2009), "Rekviem"(2010), "Qısa Qapanma"(2011), "Biz İnsan Deyilik"(2011) kimi konsertlər ən yadda qalan və geniş auditoriyalı konsertlərdəndir.

AlbomlarRedaktə

ProloqRedaktə

Prodüsinq şirkətləriylə anlaşmayan və anlaşmaq da istəməyən qrup albomu pulsuz paylamağa qərar verir. Artıq ilin sonuna lazımi uğuru qazanan albomdakı bir çox treklər virus kimi yayılmağa başlayır. İlin sonunda isə yeni albom haqqında müzakirələr başlayır. Dekabrda keçirilən kiçik konsertdən sonra bu yöndə planlar konkretləşir. Artıq bir neçə treklər sinql kimi hazır olduğundan qrupun yeni albom ideasıyla bağlı fikirləri də yubanmır. Jamal Ali, Felon De Jure, Feck və ErranT təhsillə bağlı Türkiyədə olduğundan albom üzərində digər dördlük daha çox çalışır – PRoMete, Qaraqan, AiD və Dərviş.

Onsuz da planlaşdırılan tracklərin hazırlanma prosesi başlanır. "Həyatım Əllərimdə" və "How We Rappin`" sinqllarından sonra Alliance albom yazılışılarına başlayır.

Əvvəlcə "Propoqanda" treki ilə eyni adlandırılmaq istənən albom bir sıra müzakirədən sonra öz üz səhifəsində bu yazını tapır – "Proloq".

Alboma daxil olan mahnılar:

  1. Xronika
  2. Yenə tək
  3. Bakı
  4. Gəl gedək
  5. Propoqanda
  6. Ümidlər qəbiristanlığı
  7. Yorğun
  8. Mənim qaranlığım
  9. Neçə
  10. Hava od su torpaq
  11. İstəmirəm
  12. Məni qaytar
  13. Proza
  14. Həyatım əllərimdə
  15. How we Rappin'

Qarada QırmızıRedaktə

Artıq bir neçə treklər sinql kimi hazır olduğundan qrupun yeni albom ideasıyla bağlı fikirləri də yubanmır. Jamal Ali, Felon De Jure, Feck və ErranT təhsillə bağlı Türkiyədə olduğundan albom üzərində digər dördlük daha çox çalışır – PRoMete, Qaraqan, AiD və Dərviş. Təsadüfi deyil ki, albom da məhz bu dördlüyün çıxışlarından hazırlanır. Hərçənd treklərin musiqilərində Felon De Jure və ErranT`ın da əməyi olur. Qrup yaratmaq istədiyi cərəyanın təməl prinsiplərini də məhz bu albomda açıqlayır. Bir çox treklər "A" kitabıyla assosasiyada olur. Eyni zamanda tənqidi mövzulara geniş yer ayırılır.

Bu arada albom yazılışları zamanı Dərviş rep fəaliyyətinə son qoyur. Albomun adı isə özlüyündə heç bir müzakirə doğurmur – "Qarada Qırmızı". İlk buraxılış Limited Edition olur. Və ekskluziv yolla əldə edilir. Daha sonra böyük kütlə üçün CD`lər satışa təqdim edilir. Yayda Bakıya qayıdan digər dördlük albomda ortaya qoyulan bir sıra məqamlarla və ən əsası cərəyanın təməl prinsipləri haqqında müzakirələrdə müxalif rolundan çıxış edərək, qrupdan çıxmaq istədiyini açıqlayır.

Felon De Jure, Jamal Ali və ErranT H. O. S. T Alliance`dakı fəaliyyətini başa vurur. Sentyabr-Oktyabr aylarında qrupun fəaliyyətində də yeni mərhələ başlayır. Belə ki, qrup artıq Alliance`lıqdan çıxaraq dörd nəfərlə yoluna davam edir. Elə həmin ərəfədə Dayirman Production`dan təklif gəlir və üzvlər çox düşünməyərək razılıq verir. Dayirman Production`ın ilk işi "Qarada Qırmızı" albomunun yenidən buraxılışını təşkil etmək olur. Albom artıq Azərbaycanın hər bir bölgəsində satılır.

Alboma daxil olan mahnılar

  1. Prelüd
  2. Esmeralda
  3. Mənim mübarizəm
  4. Mən dəyişəcəm
  5. Buza dönəcəm
  6. Ağlama
  7. Düşüncə
  8. Azərbaycan
  9. Əlvida
  10. Etiraf otağı
  11. Nağıl
  12. Maraqsız mahnı
  13. Qarada qırmızı
  14. Sidrətul-Münteha
  15. Sevgi yoxdu
  16. Smslər dünyanı xilas edəcək
  17. Azad Hostçular
  18. Bezmişəm

Qısa qapanmaRedaktə

İyunda isə "Qısa Qapanma" geniş kütləyə təqdim olunur. Özünəməxsus melanxoliya və aqressiyanı cəmləşdirən albomda bir sıra treklər olduqca yüksək əhval — ruhiyyədə olur. Psixolirikanın ən bariz nümunəsi kimi dəyərləndirilən albom yazıçı kimi də fəaliyyətdə olan Qaraqanın şahəsərlərini ortaya çıxarır.

Alboma daxil olan mahnılar

  1. Öz dünyam
  2. Mən və sən
  3. Bir
  4. Hostçu
  5. Praqa
  6. Metamarfoza
  7. Mənim dərdim
  8. Sən yoxsan
  9. Dost
  10. Hərb və sülh
  11. Qan və qum
  12. Dön
  13. Qısa qapanma
  14. Qar
  15. Hardadır
  16. İnsanlar
  17. Ağ altı şahzadə
  18. Cinayət və cəza
  19. Sadəcə bir rəqs
  20. Yol
  21. Həqiqət axtarışları

EP v.01Redaktə

Oktyabr-Noyabr aylarında PRoMete və AiD H. O. S. T`u ikilikdə təmsil etməli olur. Qaraqanın əsgərlikdə, Feck`in Türkiyədə olması onları ləngitmir. Yeni albom üzərində işlər başlanır. Cütlük Mini-Konsert`i təşkil edir. Konsert günü isə ilk EP "EP v.01" təqdim olunur. Bir sıra əvvəlki sinqlları da özündə cəmləşdirən bu EP klassik rep nümunələri ilə zəngin olur və sırf rep albom sayılır. 2010-a bir neçə sinqlla daxil olan H. O. S. T növbəti solo konsertə hazırlaşır.

Alboma daxil olan mahnılar

  1. Sus və dinlə
  2. Dövrü-intihar
  3. Addım-addım
  4. Adını günəş qoyacaq
  5. Dinlə və yoz
  6. Qurtul
  7. Pıçıltı
  8. Bəstəkar
  9. Enigma
  10. Made in Baku

Biz insan deyilikRedaktə

Qaraqanın solo konsertindən sonra HOST production növbəti uğurlu layihəyə imza atır. Qaraqanın solo konsertinin keçirildiyi həmin məkanda AiDin möhtəşəm solo konserti 13 fevral tarixində baş tutur. Konsertdə Biz İnsan Deyilik albomundan tracklar və yeni tracklar oxunur, həmçinin Bəlkədə nə vaxtsa trekinə çəkilən klip konsertdəkilərə təqdim olunur. Konsertdə Qaraqan, PRoMete, Ayka, Timon, Dəyirman qonaqlar arasında olur.

29 may tarixində AiD`in Biz İnsan Deyilik adında solo albomu HOST`un sayca 5`ci, amma satış üçün nəzərdə tutulan 3`cü albom işıq üzü görür. Albom daha çox fərqli xarakterlərini özündə mükəmməl əks etdirir və uğurlu alınır. Albom Bakıda satışa buraxıldıqdan sonra Gəncə şəhərində təqdimat xarakterli böyük konsert keçirilir.

Alboma daxil olan mahnılar

  1. HOST silləsi
  2. Zamanın ruhu
  3. Prizma
  4. Antimental
  5. Yarımçıq həyat
  6. Siz
  7. Kim inandı?
  8. Dinlə
  9. Çağırdım
  10. Evdən uzaqda
  11. Dəb xətrinə
  12. Hisslər danışanda
  13. Manya Kərimova
  14. Vecsiz
  15. M

14Redaktə

PRoMete ən sevdiyi rəqəmin 14 olduğu üçün alboma bu adı verdiyini, həmçinin simvolik olsun deyə 14 parça yazdığını qeyd edir. Həmçinin albom 14 fevral tarixində işıq üzü görür.

Alboma daxil olan mahnılar

  1. Utopiya
  2. Sən qanadsan
  3. 2012
  4. Aciz insan
  5. Oyan
  6. Sus
  7. Uçan oğlan
  8. Bu nə zibildir?!
  9. Maraqlı
  10. Adsız mahnı
  11. Stop kadr
  12. Sual
  13. 14
  14. İntro

İşıqRedaktə

Alboma daxil olan mahnılar

  1. Qaraqan qayıtdı
  2. Öz başıma
  3. Blackberry
  4. Bowling
  5. Mən inanmıram
  6. Söndür dünyanı
  7. Aysel
  8. Salam, can
  9. Shaggy
  10. Mr. Loba-Loba
  11. Kağız gəmilər
  12. İşıq
  13. Valideynlər
  14. Qadın ətri
  15. Dekabr və payızım
  16. Baş rolda özüm
  17. Sakit okean
  18. 1, 2, 3!
  19. Sevgilimə (Hardadır 2)
  20. Həyatın qanunları
  21. Qaraqanalogiya
  22. Oyuncaq
  23. Sevgi qonaq gəlir
  24. Güc var (Etiraf otağı 2)

FilmoqrafiyaRedaktə

  1. Sirat körpüsü (film, 2007)
  2. Qanadlarıma sığal çək (film, 2008)
  3. Yalançılar (film, 2008)

KliplərRedaktə

İstinadlarRedaktə

  1. ↑ "H.O.S.T ALLIANCE // Proloq 2007 Full Album". YouTube. 2021-05-17 tarixində arxivləşdirilib. İstifadə tarixi: 2021-02-18.

Xarici keçidlərRedaktə

Mənbə — "https://az.wikipedia.org/w/index.php?title=H.O.S.T.&oldid=6736646"