Vikipediya

H.O.S.T

(H.O.S.T. Alliance səhifəsindən yönləndirilmişdir)

H. O. S. T (digər adla H.O.S.T. Alliance) — 2007-2012-ci illərdə fəaliyyət göstərmiş, 8 musiqiçidən - AiD, Dərviş, Feck, Felon De Jure, ErranT, Jamal Ali, Qaraqan və Prometedən ibarət rep qrupu. H.O.S.T adı Hava, Od, Su, Torpaq sözlərinin qısaltmasıdır. Qrup 2007-ci ilin fevral ayında Bakı şəhərində yaranmışdır. Azərbaycanda alternativ musiqi mədəniyyətinin formalaşması və kütləviləşməsində bayraqdarlardan biri sayılır.

H.O.S.T
Əsas məlumatlar
Üslub
Fəaliyyət illəri 2007–2012
Ölkə
Şəhər
Leybl HOST Production, Dayirman Production
Keçmiş üzvlər
www.havaodsutorpaq.com

Tarixi

redaktə

Yaranma

redaktə

Qrupun yaranma tarixinə qədər də, üzvlər ayrılıqda rep fəaliyyəti ilə məşğul olub, konsertlərdə çıxış edib. Promete, Qaraqan, Jamal Ali, Felon De Jure daha öncə ayrı-ayrılıqda və ya birgə rep və beatmakerlik fəaliyyəti məşğul olublar. 2005–2006-cı illər ərzində əsası qoyulan Baku Clan uşaqlıq dostlarını özündə birləşdirib. Baku Clan'ın "Sənsiz (Love Story)" adlanan ilk hiti məhz o dövrdə yazılıb. Elə həmin dövrdə Baku Clan üzvləriylə yaxın dostluq əlaqələrinə malik olan PRoMete də SRB-nin (Sumqayıt Rep Birliyi) nəzdində çıxış edirdi. Birliyin yaradıcısı bir neçə konsert verməklə bərabər Baku Clan'la da bir sıra tracklər yazdırır. 2006-cı ilin dekabrında artıq sıx-sıx görüşməyə başlayan bu dost əhatəsi, yalnız repi yox, bir sıra digər məsələləri də müzakirə edə-edə ortaq nöqtələr və onları birləşdirən hədəflər tapır. Elə həmin müzakirələr və danışıqlar gələcəkdəki hərəkatın təməlini qoyur. 2007-ci il fevralın 13-də isə artıq bu dostluq əhatəsi yekdilliklə qərar verərək özünü – H. O. S. T Alliance adlandırır. Bu birliyə elə həmin dost əhatəsində olan Dərviş və AiD də daxil olur.

2007-2008-ci illər: Tanınma

redaktə

İdeologiya

redaktə

Bəzi qrup üzvlərinin ayrılması

redaktə

2008-2012-ci illər: Populyarlıq

redaktə

Qrup üzvləri AiD və PRoMete 2009-cu ildə İsveçrədə baş tutan "Azərbaycan Günləri" adlı tədbirdə Azərbaycanı "Addım-addım", "Enigma", "Qurtul" və "Dinlə" trekləri ilə təmsil etmişlər. Bu illərdə qrupun 50-dən çox konserti baş tutub ki, onların ən böyüyü də 2012-ci il, 4 mart tarixində Dəniz vağzalında keçirilmiş "Beşikdən Məzara" adlı konsertdir. İlk konsertləri isə 2007-ci ilin 9 dekabrında "Yuğ Dövlət Teatr"ında baş tutub. Əlavə olaraq da "Reinkarnasiya"(21.02.2009), "Rekviem"(2010), "Qısa Qapanma"(2011), "Biz İnsan Deyilik"(2011) kimi konsertlər ən yadda qalan və geniş auditoriyalı konsertlərdəndir.

Dağılma

redaktə

Qrup fəaliyyəti 2012-ci ildə üzvlərinin bəzilərinin solo fəaliyyətinin davam etməsinə baxmayaraq dayandırılmışdır.


Albomlar

redaktə

Proloq

redaktə

Prodüsinq şirkətləriylə anlaşmayan və anlaşmaq da istəməyən qrup albomu pulsuz paylamağa qərar verir. Artıq ilin sonuna lazımi uğuru qazanan albomdakı bir çox treklər virus kimi yayılmağa başlayır. İlin sonunda isə yeni albom haqqında müzakirələr başlayır. Dekabrda keçirilən kiçik konsertdən sonra bu yöndə planlar konkretləşir. Artıq bir neçə treklər sinql kimi hazır olduğundan qrupun yeni albom ideasıyla bağlı fikirləri də yubanmır. Jamal Ali, Felon De Jure, Feck və ErranT təhsillə bağlı Türkiyədə olduğundan albom üzərində digər dördlük daha çox çalışır – PRoMete, Qaraqan, AiD və Dərviş.

Onsuz da planlaşdırılan tracklərin hazırlanma prosesi başlanır. "Həyatım Əllərimdə" və "How We Rappin`" sinqllarından sonra Alliance albom yazılışılarına başlayır.

Əvvəlcə "Propoqanda" treki ilə eyni adlandırılmaq istənən albom bir sıra müzakirədən sonra öz üz səhifəsində bu yazını tapır – "Proloq".

Alboma daxil olan mahnılar:

  1. Qaraqan, Felon De Jure, Errant — Xronika
  2. Qaraqan, Errant — Yenə tək
  3. Felon De Jure, Qaraqan — Bakı
  4. Aid, Feck — Gəl gedək
  5. Qaraqan, Felon De Jure, Errant — Propoqanda
  6. Qaraqan, Aid, Dərviş — Ümidlər qəbiristanlığı
  7. Qaraqan, Promete, Aid — Yorğun
  8. Qaraqan — Mənim qaranlığım
  9. Qaraqan, Aid, Jamal Ali — Neçə
  10. Qaraqan, Felon De Jure, Errant, Jamal Ali, Promete — Hava od su torpaq
  11. Qaraqan, Promete, Jamal Ali — İstəmirəm
  12. Felon De Jure, Qaraqan — Məni qaytar
  13. Qaraqan — Proza
  14. Qaraqan, Jamal Ali, Errant — Həyatım əllərimdə
  15. Felon De Jure, Errant, Qaraqan — How we Rappin'

Ep v0.1

redaktə

Alboma daxil olan mahnılar:

  1. AiD — Sus və Dinlə
  2. AiD ft. ProMete — Bəstəkar
  3. AiD, ProMete ft. QaraQan — Enigma
  4. AiD — M (vokal Ayka)
  5. AiD ft. ProMete — Pıçıltı
  6. AiD ft. ProMete — Dinlə və Yoz
  7. ProMete — Adını Günəş Qoyacaq
  8. AiD ft. ProMete — Addım-Addım
  9. AiD ft. ProMete — Qurtul
  10. AiD ft. ProMete — Dövri-İntihar
  11. AiD ft. ProMete — Made in Baku (soundtrack)

Filmoqrafiya

redaktə
  1. Sirat körpüsü (film, 2007)
  2. Qanadlarıma sığal çək (film, 2008)
  3. Yalançılar (film, 2008)

İstinadlar

redaktə
  1. ↑ "H.O.S.T ALLIANCE // Proloq 2007 Full Album". YouTube. 2021-05-17 tarixində arxivləşdirilib. İstifadə tarixi: 2021-02-18.

Xarici keçidlər

redaktə
Mənbə — "https://az.wikipedia.org/w/index.php?title=H.O.S.T&oldid=7853311"