Hacı Məhəmməd Çələbi Əlici Qülhani

Hacı Məhəmməd Çələbi Əlici Qülhani – Azərbaycan şairi, alimi.

Məhəmməd Çələbi Əlici
Hacı Məhəmməd Çələbi Əlici Qülhani
Vəfat tarixi	1808
Fəaliyyəti	şair

Həyatı

Bir çox elmlərdə və xüsusən fiqh elmində zamanının ən məşhur adamlarından olmuşdur. Tədvinül-Əlici adlı kitab onun əsərlərindəndir. Fiqh qanunlarını gözəl bir tərtiblə izah edən bu əsəri ölkə alimləri çox bəyənmişlər. Yeddi dəfə Məkkə ziyarətinə getmişdir. Hicri 1223 (=1808) ildə vəfat etmişdir. Rus qoşunu ilə şirvanlı Mustafa xanın əsgərləri birlikdə Qudyal (Quba) şəhərindən, Quba əhalisi də xaricdən bir-birilə müharibə etməkdə idilər. Bu zaman Əlicinin cənazəsini qəbiristana gətirdilər. Namaz üçün səlat çəkildikdə cənazəyə hörmət üçün hər iki tərəfin əsgərləri müharibəni dayandırıb, bir sırada durdular.

Həmçinin Bax

• Azərbaycan ədəbiyyatı

Mənbə

• Bakıxanov, Abbasqulu ağa. Gülüstani-İrəm (az.). Bakı: "Xatun Plyus". 2010. səh. 249