Hafiz Ələmdar oğlu Hacıyev (16 aprel 1956, Zod, Basarkeçər rayonu) — Azərbaycanlı siyasətçi, biologiya elmləri namizədi, Müasir Müsavat Partiyasının sədri (2001), "Azərbalıq" Dövlət Balıqçılıq Təsərrüfatı Konserninin sədri (1992–1993).
| Hafiz Hacıyev | |
|---|---|
Vəzifədədir | |
| 5 may 2001-ci ildən | |
| Əvvəlki | Vəzifə təsis edildi. |
  | |
| 4 iyul 1992 – 10 avqust 1993 | |
| Prezident | Əbülfəz Elçibəy |
| Əvvəlki | vəzifə təsis edilib |
| Sonrakı | Ənvər Mustafayev |
| Şəxsi məlumatlar | |
| Doğum tarixi | 16 aprel 1956 (69 yaş) |
| Doğum yeri | |
| Partiya | |
| Təhsili | Azərbaycan Dövlət Aqrar Universiteti |
| Fəaliyyəti | siyasətçi |
| Atası | Ələmdar Hacıyev |
| Dini | İslam |
Həyatı
redaktəHafiz Hacıyev 1956-cı ilin aprel ayının 16-da Ermənistan SSR Basarkeçər rayonunun Zod kəndində anadan olmuşdur. 1962–63-cü dərs ilində Zod kənd orta məktəbinə daxil olub, 1973-cü ildə həmin məktəbi bitirmişdir. 1973–1979-cu illərdə Azərbaycan Kənd Təsərrüfatı Akademiyasının Zoomühəndislik fakültəsində təhsil almışdır. 1988-ci ildən biologiya elmləri namizədidir.
1979-cu ildən 1982-ci ilədək Azərbaycan LKGİ Kəlbəcər rayon komitəsində təşkilat şöbə müdiri və rayon komitəsinin II katibi işləmiş və I katibi əvəz etmişdir.[1]
1982–1989-cu illərdə Azərbaycan Kənd Təsərrüfatı Nazirliyində balıqçılıq şöbəsinin ixtioloqu və şöbə müdiri əvəzi, şöbə müdiri, Azərbaycan Dövlət Aqrar-Sənaye Komitəsində balıqçılıq idarəsinin rəisi, 1989–90-cı illərdə Respublika Embrionköçürmə Mərkəzinin direktoru, Respublika Süni Mayalanma Mərkəzinin direktoru vəzifələrində, 1991–1992-ci illərdə "Azərbalıq" İstehsalat Kommersiya Assosiasiyasının sədr müavini və sədri vəzifələrində çalışmışdır.
Ailəsi
redaktəAiləlidir, 3 övladı var.
- İmişli Rayon İcra Hakimiyyətinin keçmiş başçısı Vilyam Hacıyevin əmisi oğludur.[2]
- İctimai fəal Bəxtiyar Hacıyevin uzaq qohumudur.
- Sabiq deputat Arzu Səmədbəyli və siyasətçi Aqil Səmədbəylinin uzaq qohumudur.
Siyasi fəaliyyəti
redaktə1992–1993-cü illərdə Azərbaycan Respublikasının "Azərbalıq" Dövlət Balıqçılıq Təsərrüfatı Konserninin sədri vəzifəsində çalışmışdır.[3][4]
1999-cu ildə həbsdən azad olunduqdan sonra "Elçibəy Xalq Hərəkatı"nın yaradılmasının təşkilatçısı və hərəkatın rəhbəri olmuşdur.[5] Həmin dövrdə üzvü olduğu Müsavat Partiyasından uzaqlaşdırılmışdır.[6]
2001-ci ildən Müasir Müsavat Partiyasının sədri, "Müasir Müsavat" qəzetinin təsisçisi və baş redaktorudur.
Həbsi
redaktə1993-cü ildə Cinayət Məcəlləsinin 167-ci maddəsinin 1-ci və 2-ci hissələri ilə məhkum olunmuş, 1996-cı ildə isə Cinayət Məcəlləsinin 220-ci maddəsi ilə 3 il müddətinə həbs edilmişdir.
Seçkilərdə iştirakı
redaktə2003-cü ildə Azərbaycanda Prezident seçkilərində namizədliyi irəli sürmüşdü. Bu seçkilərdə Hafiz Hacıyev 8 namizəd arasında 0,3% (9.990 səs) toplamaqla sonuncu yeri tutdu.
2008-ci ildə Azərbaycanda Prezident seçkilərində yenidən iştirak edib və 7 namizəd arasında yenidən sonuncu yeri tutub. Bu seçkilərdə Hafiz Hacıyev səslərin 0,64% -ni (23.771 səs) toplayıb.
Şəxsi həyatı
redaktə2018-ci ildə Azərbaycanda prezident seçkiləri zamanı İlham Əliyevi dəstəklədiyini açıqlamış, Əliyevin onu baş nazir təyin edəcəyinə inandığını qeyd etmişdir.[7] 2024-cü ildə Azərbaycanda prezident seçkiləri zamanı İlham Əliyevi dəstəklədiyini açıqlamışdır.[8]
Mənbə
redaktə- Biografiya Arxivləşdirilib 2011-11-17 at the Wayback Machine
İstinadlar
redaktə- ↑ "Hafiz Hacıyev – prezidentliyə namizəd". Xalq qəzeti. 30 mart 2018. 2021-04-15 tarixində arxivləşdirilib. İstifadə tarixi: 15 aprel 2021.
- ↑ ""Vilyam Hacıyev hələ həbs edilməyib" – Əmisi oğlu Hafiz Hacıyev danışdı". aztoday.az (az.). AzToday. 6 may 2020. 20 February 2022 tarixində arxivləşdirilib. İstifadə tarixi: 20 fev 2022.
- ↑ "E-QANUN". e-qanun.az.
- ↑ "E-QANUN". e-qanun.az.
- ↑ "Türməyə düşən namizədlər - kim neçə il "içəridə" yatıb? - ARAŞDIRMA". Modern.az. 7 oktyabr 2013. (#cite_web_url); (#accessdate_missing_url)
- ↑ "Arxivlənmiş surət". 2021-10-22 tarixində arxivləşdirilib. İstifadə tarixi: 2021-10-22.
- ↑ "Hafiz Hacıyev inanır ki, İlham Əliyev onu baş nazir təyin edəcək". turan.az. 25 dek 2023. 2023-12-25 tarixində arxivləşdirilib. İstifadə tarixi: 2023-12-25.
- ↑ "Hafiz Hacıyevin partiyası da Prezident İlham Əliyevi dəstəkləyəcək » Newscenter.az". Newscenter.az. 2023-12-25 tarixində arxivləşdirilib. İstifadə tarixi: 2023-12-25.