Haqverdi Cəfərov
Bu məqaləni vikiləşdirmək lazımdır. |
Haqverdi Cəfərov — Azərbaycan biofiziki, Azərbaycan SSR Dövlət mükafatı laureatı (1972). O, 162 elmi məqalənin, 4 kitabın və 6 ixtiranın müəllifidir. 32 elmlər namizədi və 5 elmlər doktoru hazırlamışdır.
| Haqverdi Cəfərov | |
|---|---|
 Haqverdi Cəfərov İsmayıl oğlu | |
| Doğum tarixi | 1938 |
| Doğum yeri | |
| Vəfat tarixi | 3 avqust 2018 |
| Vəfat yeri | |
| Vətəndaşlığı | Azərbaycan Respublikası |
| Həyat yoldaşı | Dilarə Hüseynova |
| Uşaqları | Sevinc Cəfərova, Altay Cəfərov, Nərminə Cəfərova, Toğrul Cəfərov |
| Atası | İsmayıl Cəfərov |
| Milliyyəti | Azərbaycanlı |
| İxtisası | "Biofizika" |
| Təhsili | |
| Mükafatları | "Əməkdə fərqlənmə", "Şərəfli əmək nişanı", ÜXTN-nin medalı. |
| gedebey.info/sayt/?page_… | |
Həyatı
redaktəHaqverdi Cəfərov 1938-ci ildə Gədəbəy rayonunun Rüstəm Əliyev kəndində anadan olmuşdur. О, 1957-ci ildə Miskinli kənd orta məktəbini bitirərək Bakıya gəlmiş və sənədlərini Azərbaycan Dövlət Universitetinə vermişdir. Elə həmin il universitetin biologiya fakültəsinə daxil olmuş və 1962-ci ildə fərqlənmə diplomu ilə oranı bitirmişdir.
Haqverdi Cəfərov universiteti bitirən kimi sənədlərini M. V. Lomonosov adına Moskva dövlət Universitetinin aspiranturasına vermiş və qəbul olunaraq biofizika ixtisası üzrə namizədlik dissertasiyası işləmişdir. 1966-cı ildə müdafiə edərək biologiya elmləri namizədi alimlik dərəcəsi almışdır. Həmin ili Bakıya qayıdaraq Azərbaycan Dövlət Universitetinin Biologiya kafedrasında assisent, Azərbaycan Elmlər Akademiyasının Fizologiya sektorunda elmi işçi vəzifəsində çalışmışdır. 1968-ci ildə baş elmi işçi olmuş, 1972-ci ildə isə çalışdığı Fizologiya Elmi Tədqiqat İnstitutunda şöbə müdiri vəzifəsinə seçilmişdir. Həmin il Selenin fotoreseptorlarının funksional aktivliyində rolunun tədqiqi ilə əlaqədar olaraq Azərbaycan SSR Dövlət mükafatını almışdır. 1974-cü ildə "Əməkdə fərqlənməyə görə" medalı ilə təltif olunmuş, 1976-cı ildə isə "Şərəfli əmək nişanı"na layiq görülmüşdür. 1976-cı ildə RSFSR ilə aparılan tədqiqat işlərindəki nəticələrinə görə ÜXTN-nin medalını almışdır. Medalı ona SSRİ Ali Sovetinin sədri A. N. Kosigin təqdim etmişdir.
Haqverdi Cəfərov 1983-cü ildə biologiya elmləri doktoru dərəcəsi almışdır. 1986-cı ildə "Biofizika" ixtisası üzrə professor elmi rütübəsinə layiq görülmüşdür. 1991-ci ildə Bakı Dövlət Universitetinin Biologiya fakültəsinin "Biostimulyatorlar" elmi laboratoriyasına müdir və insan və heyvan fizologiyası kafedrasına professor vəzifəsinə seçilmişdir. 1992-ci ildə müsabiqə vasitəsilə professoru olduğu kafedranın müdiri vəzifəsini tutmuşdur.
Haqverdi Cəfərov 1996-cı ildə Türkiyə Respublikasının Çanaqqala 18 mart Universitetində professor işləmiş, eyni zamanda Müdafiə Nazirliyində xüsusi proyektə rəhbərlik etmişdir. 2002-ci ildə Türkiyə Respublikasından Vətənə qayıtdıqdan sonra bir müddət Odlar Yurdu Universitetində "Biofizika və biokimya" kafedrasının müdiri olmuşdur. Səhhəti ilə əlaqədar olaraq bu vəzifədən imtina etmişdir.
Haqverdi Cəfərov Akademik Zərifə Əliyeva adına Elmi Tədqiqat Göz Xəstəlikləri İnstitutunda Eksperimental Oftalmologiya şöbəsinin müdiri vəzifəsində çalışmışdır. O, 162 elmi məqalənin, 4 kitabın və 6 ixtiranın müəllifidir. 32 elmlər namizədi və 5 elmlər doktoru hazırlamışdır. 3 avqust 2018-ci il tarixində dünyasını dəyişmişdi.