Hermiya və Lisandr
Hermiya və Lisandr (ing. Hermia and Lysander) — Britaniyalı illüstrator və miniatür portret rəssamı Con Simmons tərəfindən akvarel təsvir texnikası ilə 1870-ci ildə çəkilmiş rəsmdir. Uilyam Şekspirin komediya tamaşası olan "Yay gecəsində yuxu"nun ikinci səhnəsinin ikinci hissəsindəki səhnəyə əsaslanır. Uzunluğu 89 santimetr, eni 74 santimetrdir.[1]
| Hermiya və Lisandr | ||
|---|---|---|
| ||
| Rəssam | Con Simmons | |
| Tarixi | 1870 | |
| Texnikası | sulu boya | |
| Ölçüləri | 89 sm × 74 sm | |
| Materialı | quaş, kağız | |
| Saxlanıldığı yer | Sotbis hərracı | |
IX əsrdə "Yay gecəsində yuxu"nun səhnələrinə əsaslananlar daxil olmaqla pərilərin rəsmlərinin bir çoxunun artan populyarlığı var idi və Simmons bu janrda bir neçə əsərlər yaratmışdı.[2] I Viktoriya dövrü incəsənəti üzrə ekspert Xristofer Vuda görə [3] Simmonsun pəri rəsmlərinə daxil olan detallar "təəccübləndirici bir dəqiqliklə icra edilmişdir"[4] və şüşə səthində çəkilmiş təəssüratı verir.[4] Simmonsun pəri təsvirlərinin çoxu çılpaq dişilərdir və Vud onları "I Viktoriya dövrünün dovşan qızları" hesab edir.[5]
Quaş istifadə edilən akvarel texnikası ilə çəkilmiş [6] rəsm Hermiyanı sevgilisi Lisandr ilə itdikləri tilsimlənmiş meşədə göstərir.[1] Cütlük pərilər tərəfindən əhatə edilib; bəziləri öz zərif qanadlarını istifadə edərək uçarkən təsvir edilmişdir, başqaları isə siçanlara bağlanmış arabalarda gedir.[1] Cütlük yorğun və yollarını itirmişdir, onlar ətrafdakı heyvan və pəri kütləsindən xəbərsizdir. [1] Lisandr oturub və bir əli ilə Hermiyanın barmaqlarına toxunarkən digər əli ilə də yumşaq meşə torfunu yoxlayır. Bu, "Yay gecəsində yuxu"nun nağılında onun qıza bunları deyərək dəvət etdiyi yerdir:[1]
|
One turf shall serve as pillow for us both;
One heart, one bed, two bosoms and one troth. |
|
Rəsm 2012-ci ilin mayında Nyu-Yorkda Sotbis tərəfindən auksiona çıxarılanda 42470 funt-sterlinq satış qiyməti əldə etdi və bu, Con Simmons tərəfindən edilən rəsmlər üçün rekord qiymət idi.[7] Rəsm 19 iyun 1984-cü ildə Sotbis tərəfindən Londonda və 10 il sonra - 25 may 1994-cü ildə Nyu-Yorkda auksiona çıxarılmışdı və burda o, səhvən Culius Simmonsa aid rəsm kimi göstərilmişdi.[1]
İstinadlar
redaktə- ↑ 1 2 3 4 5 6 John Simmons, British, Hermia and Lysander, Sotheby's, 30 November 2014 tarixində orijinalından arxivləşdirilib, İstifadə tarixi: 30 November 2014 (#invalid_param_val)
- ↑ Lot 52 John Simmons, Bonhams, 10 July 2013, 30 November 2014 tarixində orijinalından arxivləşdirilib, İstifadə tarixi: 30 November 2014 (#invalid_param_val)
- ↑ "Obituary of Christopher Wood", The Daily Telegraph, səh. 29, 27 January 2009
- ↑ 1 2 Wood (2008), p. 124
- ↑ Wood (2008), p. 126
- ↑ Hermia and Lysander, Artnet Worldwide, 9 December 2014 tarixində orijinalından arxivləşdirilib, İstifadə tarixi: 8 December 2014 (#invalid_param_val)
- ↑ Houseman, John, "Painting bought for £25", Bristol Post, 26 June 2013, 30 November 2014 tarixində orijinalından arxivləşdirilib, İstifadə tarixi: 30 November 2014 (#invalid_param_val)
Ədəbiyyat
redaktə- Wood, Christopher, Fairies in Victorian art, Antique Collectors Club, 2008, ISBN 978-1-85149-545-0, 2018-11-04 tarixində arxivləşdirilib, İstifadə tarixi: 2014-12-29