Heydər Qiyai Şamlı

Heydər Qiyai Şamlı
Heydər Qiyai Şamlı
Şəxsi məlumatlar
Doğum tarixi	23 oktyabr 1922
Doğum yeri	Tehran
Vəfat tarixi	6 sentyabr 1985 (62 yaşında)
Vəfat yeri	Antib
Vətəndaşlığı	İran;
Təhsili	École nationale supérieure des Beaux-Art
Uşağı	İv Fərhad xan Qiyai Şamlı
İşləri və nailiyyətləri
Əsas tikililəri	Təbriz Dəmiryol stansiyası;
	Vikianbarda əlaqəli mediafayllar

Heydər Qiyai Şamlı (23 oktyabr 1922^[1], Tehran – 6 sentyabr 1985, Antib) — Azərbaycanlı memar. Müasir İran memarlığının ilk nümayəndələrindən biri olan o Senat evinin, Tehran Hilton Otelinin, bir neçə qatar stansiyalarının, kinoteatrların, müxtəlif mülkü və hökumət binalarının memarıdır.

Həyatı

Heydər Qiyai Şamlı Qızılbaş tayfa ittifaqına daxil olan Şamlı tayfasındandır. 23 oktyabr 1922-ci ildə Tehranda doğulub. 1948-1953-cü illər ərzində o Parisdə yerləşən "École nationale supérieure des Beaux-Art" ali məktəbində təhsil alıb. 1954-cü ildə vətənə qayıtdıqdan sonra Tehran universitetinin incəsənət fakultəsində dərs deməyə başlayır.

Dövlətdən aldığı ilk sifariş Tehran Senat evinin tikintisi olur. 1954-1959-cu illər ərzində Mohsen Furuği il birlikdə bu binanın tikintisində çalışır. Bundan sonra məşhurluq əldə edən o 1959-cu ildə Su və elektrik təchizatı nazirliyi binasının, 1960-cı ildə İncəsənət sarayının, 1963-cü ildə Məşhəd xəstəxanasının, 1970-ci ildə Kənd təsərrüfatı nazirliyi binasının və bir sıra dövlət sifarişi olan binaların memarı olur. 1968-ci ildə Qiyai rəsmi olaraq şah sarayının memarı təyin olunur və Fərəhabad saraylarının tikintisi ilə məşğul olur.

İran İslam İnqilabından sonra İranı tərk edərək Fransaya köçüb. Bir müddət Fransada və ABŞ-də fəaliyyət göstərib. 6 sentyabr 1985-ci ildə Fransanın Antib şəhərində dünyasını dəyişib^[2]^[3]