Hioqi
Hioqi (檜扇?, hərf. sərv yelpiyi) – sərv ağacından hazırlanan və saray əyanlarının istifadəsi üçün nəzərdə tutulmuş yapon yelpiyi.
Tarixi
redaktəHioqi Yaponiyanın saray həyatında istifadə olunan yelpik növü olmuşdur. Özünü sərinlətmək üçün yox, mərasimlərdə istifadə olunmaq üçün nəzərdə tutulmuşdur. Bu səbəbdən XIX əsrə qədər saray əşyası kimi tanınmışdır. Əvvəlcə təkcə imperatorun hioqidən istifadə edilməsinə icazə verilsə də, tədricən bütün saray əyanları hioqidən istifadə etməyə başlamışdırlar.[1] Hioqi əvvəlcə kişilərin əşyası hesab olunsa da, daha sonra qadın əşyasına çevrilmişdir.[2]
Xüsusiyyətlər
redaktəHioqi adətən 34–38 sayda mokkandan (taxta parça) ibarət olan yelpikdir. Mokkanlar öndən kəpənək formasında, arxadan isə quş formasında olan metal pərçimlə əlaqənib. İmperatriça üçün nəzərdə tutulmuş hioqinin pərçimi kağızdan idi. Yelpiyin digər ucunda mokkanlar ipək kordonla bir-birinə bağlanırdı.[1]
Hioqi şam, xrizantema, bambuk, gavalı və sakura təsvirlərinə malik dizaynlarla, bəzən isə ağ zəmində qızılı və gümüşü buludla əhatə olunan quş təsvirləri ilə bəzədilirdi. Qırmızı, göy, yaşıl və bənövşəyi rənglərə üstünlük verilirdi. Hər bir qoruyucu çubuğun ucuna süni çiçək salxımları və müxtəlif rənglərdə olan uzun ipək kordonlar qoşulurdu. 16 yaşından kiçik olanlar üçün nəzərdə tutulmuş hioqi sərv yox, sidr ağacından hazırlanırdı.[1]
İstinadlar
redaktə- ↑ 1 2 3 "Japanese Fans". The Fan Circle International (ingiliscə). 2024-07-20 tarixində arxivləşdirilib. İstifadə tarixi: 2 noyabr 2024.
- ↑ "Folding Fan Patterns". Yaponiya Hökumətinin İctimai Əlaqələr İdarəsi (ingiliscə). 2024-02-26 tarixində arxivləşdirilib. İstifadə tarixi: 2 noyabr 2024.
Xarici keçidlər
redaktə
Vikianbarda Hioqi ilə əlaqəli mediafayllar var.
