Hollihok evi

Los-Ancelesin (Kaliforniya) Şərqi Hollivud məhəlləsindəki Aline Barnsdall Hollihok evi Frank Lloyd Rayt tərəfindən əvvəlcə Aline Barnsdallın iqamətgahı olaraq inşa edilmişdir.(1919-1921). Bina indi şəhərin Barnsdall İncəsənət Parkının mərkəzidir. 2019-cu ilin iyul ayında Rayt tərəfindən tərtib edilmiş digər yeddi bina ilə birlikdə YUNESKO-nun Dünya İrsinə əlavə edildi[3]. Hollihok evi ilk dəfə müasir Amerika memarlığı Dünya İrsində tanınıb[4].

Hollihok evi
Aline Barnsdall Complex (9736565582).jpg
Ölkə
Keçid 1496rev-004
Region Los-Anceles [* 1]
Daxil edilməsi 2019  (qeyri-məlum sessiya)
Hollihok evi xəritədə
Hollihok evi
Hollihok evi

TarixiRedaktə

 
Yenidən açılan hovuz. 2015

Aline Barnsdall əvvəlcə evin "Olive Hill" kimi tanınan bir əmlak üzərində sənət və canlı teatr kompleksinin bir hissəsi olmasını planlaşdırsa da, layihə heç vaxt tamamlanmamışdır[5]. Bu, Raytın Kaliforniyadakı ikinci layihəsi idi. Rayt o vaxt Yaponiyadakı İmperator Otelinin dizaynı ilə məşğul olduğu üçün tikinti işlərinin çoxuna şəxsən nəzarət edə bilməmişdir. Tikinti və təmir xərclərindən məyus olan Barnsdall klubun 1942-ci ilə qədər davam etməsi üçün Kaliforniya sənət klubuna on beş illik icarəyə verilməsi şərtilə 1927-ci ildə evi Los Angeles şəhərinə bağışlamışdır. Uzun illərdir ki, ev bir sənət qalereyası və Birləşmiş Xidmət Təşkilatlarının obyekti kimi istifadə olunur. 1974-cü ildən bəri şəhər bir sıra bərpa işlərinə sponsorluq etdi, lakin bina 1994-cü ildə "Northridge"də baş verən zəlzələ nəticəsində zərər gördü. Ev yenidən bərpa edildi və 2005-ci ilin iyun ayından etibarən ictimaiyyət üçün açıq elan olundu.

ABŞ Daxili İşlər İdarəsi Hollihok evini 2007-ci ildə Milli tarixi bir yer təyin etdi[6]. Hollihok evi Los Anceles şəhərində bu təyinatı alan yeddinci yer idi. Ev, 2008-ci ilin dekabr ayında "Los Angeles Times" ekspert araşdırması zamanı bütün dövrlərin ən yaxşı on Los Angeles evinin siyahısında yer aldı.

2015-ci ilin yanvar ayında geniş təmirdən sonra evin 13 fevral tarixində bir daha turlar üçün açılacağı elan edildi. 24 saat davam edən tədbir gecə saatlarında izdiham topladı və bir çoxları üç saatdan çox gözləməli olmuşdu.

2015-ci ildə Milli Park Xidməti Hollihok evini Frank Lloyd Rayt ilə birlikdə Dünya İrsi olaraq təyin etmək üçün ilkin siyahıya təqdim etdilər. Təklif 2018-ci ildə təkrar işlənərək yenidən təqdim edildi. Nəticədə 2019-cu ilin iyul ayında "Frank Lloyd Raytın 20-ci əsr memarlığı" adı ilə Dünya İrsinə daxil edildi. Hollihok evinin ABŞ-dakı digər yeddi bina ilə birlikdə YUNESKO-nun Ümumdünya İrsinə daxil olmasıyla ilk dəfə olaraq müasir Amerika memarlığı bu təşkilat tərəfindən tanınıb[7].

XüsusiyyətləriRedaktə

 
Abstraktlı Hollihok çiçək relyefi ilə cənub-qərb terras detalları.

Ev, Raytın bir çox yaşayış yerində olduğu kimi, xaricdən gizli görünən pəncərələri olan "qapalı" bir görünüşü var və kənardan açmaq asan deyil. Ev bir növ teatr səhnəsi yaratmaq üçün bir tərəfi açıq olan mərkəzi həyətin ətrafındakı pilləkənlərin və dam terraslarının kompleks sistemi qurulmuşdur. Giriş qapılarında girişə bənzər addımlar var. Parçalanan qapılar kütlələrinə baxmayaraq asqılar üzərində asılmışdır. Açar dəliyi bəzəkli bir örtüklə gizlənmişdir. Evin dərhal girişinin sağında bir əyləncə otağı vardır. Bu otaqda, mərtəbə boyunca LP ölçülü şkaflarla tamamlanan ilk quraşdırılmış əyləncə mərkəzi var. Digər otaqlar arasında uşaqlar üçün nəzərdə tutulan oyun yerləri və modernist mətbəx də var. Hollihok evi Rayt tərəfindən tərtib edilmiş bir çox ev kimi yaşayış evindən daha estetik olduğunu sübut etmişdi.

Evdən 1989-cu ildə "Cannibal Women in the Avocado Jungle of Death" filminin çəkilişlərində istifadə edilmişdir.

QaleriyaRedaktə

İstinadlarRedaktə

  1. https://www.iconichouses.org/houses
  2. archINFORM (alm.) — 1994.
  3. "The 20th-Century Architecture of Frank Lloyd Wright" (ingilis). whc.unesco.org. 2019-07-07 tarixində arxivləşdirilib.
  4. "Column: Why the addition of Frank Lloyd Wright buildings to World Heritage List is a big deal" (ingilis). www.chicagotribune.com. 2019-07-12 tarixində arxivləşdirilib.
  5. "Women and the Making of the Modern House" (ingilis). books.google.az. 2020-02-24 tarixində arxivləşdirilib.
  6. "Interior Secretary Kempthorne Designates 12 National Historic Landmarks in 10 States" (ingilis). www.doi.gov. 2 may 2007 tarixində arxivləşdirilib. (#invisible_char)
  7. "Column: 8 Frank Lloyd Wright buildings, including Chicago's Robie House and Oak Park's Unity Temple, named to World Heritage List" (ingilis). www.chicagotribune.com. 2020-01-29 tarixində arxivləşdirilib.

Xarici keçidlərRedaktə