J. Cole

Jermaine Lamarr Cole səhnə adı ilə J. Cole (28 yanvar 1985, Frankfurt-Mayn, Hessen) — Amerikalı reper, müğənni-mahnı yazarı, prodüser və səsyazma rejissoru. Almaniyada hərbi baza ərazisində anadan olub, Şimali Karolinanın Fayetteville şəhərində böyümüşdür. 2007-ci ilin əvvəlində "The Come Up" çıxış miksteypinin yayımlanması Cole'un reper kimi tanınmasında böyük rol oynayır. Solo karyerasını reper olaraq davam etdirmək niyyəti ilə 2009-cu ildə Jay-Z-nin Roc Nation şirkətiylə müqavilə bağladıqdan sonra iki əlavə miksteyp — The Warm Up (2009) və Friday Night Lights (2010) albomlarını yayımladı.

J. Cole
ing. J. Cole
Ümumi məlumatlar
Doğum adı	Jermaine Lamarr Cole
Ləqəbləri	J. Cole, The Therapist, Hollywood Cole, Kill Edward, Cole World
Doğum tarixi	28 yanvar 1985(1985-01-28) (39 yaş)
Doğum yeri	Fayetteville, Şimali Karolina, ABŞ
Həyat yoldaşı	Melissa Heholt
Uşağı	1
Musiqiçi məlumatları
Fəaliyyəti	reper, mahnı sözü yazarı, prodüser
Fəaliyyət illəri	2007 - aktiv
Janr	Hip hop
Musiqi aləti	vokal piano
Albom şirkətləri	Dreamville, Roc Nation, Interscope, Columbia, ByStorm
Əlaqəsi	Bas Drake Elite Jay-Z Kaye Foxx Kendrick Lamar Omen Wale JID
Mükafatları	List of awards and nominations
dreamville.com
Vikianbarda əlaqəli mediafayllar

Cole, ilk studiya albomu olan "Cole World: Sideline Story"ni 2011-ci ildə yayımladı. ABŞ Billboard 200-də bir nömrədə çıxış etdi və tezliklə Amerikanın Musiqi Sənayesi Birliyi (RIAA — Recording Industry Association of America) tərəfindən platin sertifikatla mükafatlandırıldı. Sonrakı iki buraxılışı — 2013-cü ildə Born Sinner və 2014-cü ildə 2014 Forest Hills Drive, tənqidçilərdən əsasən müsbət rəylər aldı, və hər albomu da ABŞ-da platin sertifikat aldı. Son olaraq, ona ən yaxşı rep albomu kategoriyasında Qremmi mükafatına nominasiyasını qazandırdı. 2016-cı ildə Billboard 200-də bir nömrəli çıxış edən və daha sonra platin sertifikat almış dördüncü albomu olan "Eyez Only" albomunu yayımladı. Beşinci albomu KOD, 2018-ci ildə yayımlandı və eyni zamanda Billboard 200-də ilk sırada çıxış edərək bir nömrəli çıxış etmiş beşinci albomu oldu.

Pianonu öz-özünə öyrənən Cole, rep karyerası ilə yanaşı həm də prodüserdir, Kendrik Lamar və Janet Jackson kimi sənətkarlar üçün sinqllar hazırlayır, öz layihələrində musiqinin hazırlanmasının əksər hissəsini özü idarə edir. O, həmçinin "Dreamville Records" daxil olmaqla və "Dreamville Foundation" kimi mənfəət güdməyən digər təşkilatları da inkişaf etdirmişdir. 2015-ci ilin yanvarında Cole, Şimali Karolina ştatındakı Fayetteville-dəki uşaqlığını keçirdiyi evində tənha anaların kirayə haqqı ödəmədən qalmasını təmin etdi.

Həyatı

Jermaine Lamarr Cole 28 yanvar 1985-ci ildə, Qərbi Almaniyanın Frankfurt şəhərindəki Amerika hərbi bazasında anadan olmuşdur. Atası, ABŞ ordusunda xidmət edən bir Afrika-Amerika veteranı, və anası Kay, Amerika Birləşmiş Ştatları Poçt Xidmətində poçt işçisi olmuş ağ dərili bir Amerikandır. Atası Cole daha uşaq ikən ailəni atıb getdi. Səkkiz aylıq olanda anası özü və böyük qardaşı Zach ilə birlikdə Birləşmiş Ştatlara, Şimali Karolina ştatının Fayetteville şəhərinə köçdü. Cole çox milliyyətli bir mühitdə böyüdü və və etnik mənsubiyyətinin ona nə dərəcədə təsir etdiyini soruşduqda, Cole belə dedi: "Mən ağ insanları tanıya bilərəm, çünki anamı, ailənin tərəfini, çox sevdiyimi bilirəm Ancaq günün sonunda [mən] heç vaxt ağdərili kimi hiss etmədim, heç vaxt onlardan biri olduğumu hiss etməmişəm. Daha çox görünüşümlə müəyyənləşdirilirəm, çünki bu necə rəftar edildiyimdir [amma] mütləq mənfi bir şəkildə rəftar görməmişəm ". Uşaqlıq illərində Cole basketbola və musiqiyə marağının olduğunu bildirdi və 2003-cü ilə qədər Terry Sanford Orkestri üçün lider — birinci yer skripkaçı kimi fəaliyyət göstərmişdir.

Cole on iki yaşında replə məşğul olmağa başladı və 2000-ci ildə bunu ideal bir peşə olaraq gördü. Bu dövrdə Cole yaradıcılıq bacarıqlarını inkişaf etdirməyə, daha sonra Terapist təxəllüsü altında ilkin musiqi istehsalına başlamağa diqqəti artırdı. Daha sonra Cole yerli qrup Bomm Sheltuh ilə əməkdaşlıq etdi, qrupun üzvü kimi fəaliyyət göstərdi və musiqi istehsalına başladı. Orta məktəbi 4.2 ortalama ilə bitirdikdən sonra Cole, səsyazma müqaviləsi almaq şansının Nyu-Yorkda daha yaxşı olacağına qərar verdi. Oraya köçdü və St John's Universitetinə təqaüd qazanaraq burada oxumağa başladı. Əvvəlcə kompüter elmlərinə yiyələnən Cole, tənha bir kompüter elmləri professorunun həyatının şahidi olduqdan sonra rabitə və biznesə keçdi. Kollecdə Cole, Pan-Afrika tələbə koalisiyası olan Harayanın prezidenti idi. 2007-ci ildə magna cum laude-ni (bir elmi dərəcənin böyük fərqlə qazanıldığını bildirmək üçün təhsil müəssisələri tərəfindən istifadə edilən termin) 3.8 ortalama ilə bitirib. Məzun olmasına baxmayaraq, Cole rəsmi dərəcəsini 2015-ci ildə vətəninə qayıdış konserti zamanı aldı, bir kitabxana kitabı üçün pul borcu olduğuna görə universitetin ona dərəcəsini verməyə ləngidiyini açıqladı. Daha sonra Cole, Fayetteville-də müxtəlif yarı zamanlı işlərdə, o cümlədən bir qəzet üçün bir reklam satıcısı, bir borc toplayan, bir sənəd katibi və bir skeyt meydançasında kenquru maskotu olaraq da çalışmışdır.

Karyerası

1999–2008: İlk işlər və mixtape-lər Canibus, Nas, Tupac və Eminemdən musiqi cəhətdən ilhamlandıqdan sonra, Cole və əmisi oğlu qafiyə və söz oyunu haqqında əsas anlayışlarını inkişaf etdirməklə yanaşı, lirika daxilində hekayə anlatmaq üzərində də çalışmağa başladı. 14 ilə, Cole'nin mahnı fikirləri ilə dolu müxtəlif qeyd dəftərləri var idi, ancaq nümunələrdən başqa beat çıxara bilmədi. Sonrakı üç il ərzində o, moniker Blaza ləqəbi altında müxtəlif internet forumlarında mahnı paylaşmağa başladı, lakin sonradan ləqəbini Terapevt (Therapist) adına dəyişdi. Daha sonra Cole, musiqi alətləri dəyərində CD yaratmaq üçün istehsalını genişləndirdi və Amerikan Gangster üçün sessiyalarda olarkən Jay Z üçün ifa edəcəyinə ümid edərək Roc Mic Studiyaya getdi. Cole, Jay Z tərəfindən işdən çıxarılmadan əvvəl üç saatdan çox gözlədi. Daha sonra Cole, CD-ni debüt mixtape-i olan The Come Up üçün üçün arxa fon olaraq istifadə etdi.

2009–2010: Mixtape-lər və Roc Nation ilə müqavilə

J. Cole, ikinci mixtape-i olan The Warm Up 15 iyun 2009-cu ildə yayımladı və müsbət rəylərlə qarşılandı. Cole, Jay Z-nin The Blueprint 3 (2009) albomunda, "A Star Is Born." mahnısında iştirak etdi. Həm Wale'nin debüt albomu olan Attention Deficit (2009) həm də Back to the Feature (2009) mixtape-ində iştirak etdi. 2010-cu ilin yanvar ayında Cole, onunla eyni səsyazma şirkətdən olan Jay Elektronica və Mos Def ilə birlikdə Talib Kweli və Hi-Tek-in "Just begun" sinqlında, Reflection Eternal-ın Train of Thought (2000) ardından "Revolutions Per Minute" adlı albomunda (2010) iştirak etmişdir. Cole B.o. B-nin may 25 (2010) albomunda The Alchemist tərəfindən yazılan "Gladiators" mahnısında da iştirak edib. 2010-cu ilin əvvəlində, Cole Beyond Race jurnalının "50 Böyük Nailiyyət Qazanmış Sənətkarları" ("50 Great Breakthrough Artists) sıralamasında 49-cu sırada yer aldı, nəticədə jurnalın 11 nömrəli dərcinin ön səhifəsində, həm də XXL Magazine saytında sual və cavab rublikasına seçildi. Həmçinin, 2010-cu ildə XXL jurnalının Yeni Reperlərə yönəlmiş illik nəşrində top 10 yeni sənətkarlar (Top Ten Freshmen) versiyasında yer aldı. Cole Rutgers Universitetinin illik Rutgersfest festivalında, Nyu-Brunsvikdə, NJ-də başa çatan 19 mart 2010-cu il tarixdən 30 aprel 2010-cu ilədək bir kollec turuna başladı. Tur, eyni zamanda, həmkarı Wiz Khalifa ilə bir şou üçün Syracuse Universitetində də konsert verdi. Martın 31-də "Who Dat" adlı yeni bir mahnısını ifa etdi və mahnını 30 aprel 2010-cu ildə sinql kimi yayımladı. Cole, eyni zamanda Young Chris-in "Still the Hottest" mahnısında, Miguelin "All I Want Is You" sinqlında da yer aldı. Əlavə olaraq, DJ Khaled Victory LP albomu üçün son trek siyahısında olması nəzərdə tutulan, lakin alboma daxil edilməyən "We On" trekində də yer almışdır. "The Warm Up" mixape-nin yayımlanma ildönümünü qeyd etmək üçün J. Cole 15 iyun 2010-cu ildə "The Last Stretch" adlı freestyle mahnısını yayımladı. Həmin il iyunun 21-də J. Cole ilk sinqlı "Who Dat" üçün musiqi videosunu BET proqramı olan 106 & Park-da yayımladı. 2010-cu ilin avqust ayında Cole "The Warm Up" mixape və 2010-cu Yeraltı Musiqi Mükafatlarında Jay Z-nin Roc Nation səsyazma şirkəti ilə yüksək səviyyəli bir razılaşması sayəsində UMA ilin kişi sənətçisi mükafatına layiq görüldü. 2010-cu ilin iyul ayında verdiyi müsahibədə J. Cole debüt albomunda çıxacaq üç mahnının adını açıqladı: "Dreams", "Won't be long" və No I. D tərəfindən hazırlanan "Never told". 30 oktyabr 2010-cu ildə "I'm coming home" adlı demosu internetə sızdı. Daha sonra "Last train to Paris"(2010) albomunda olan "Coming home" adlanan mahnını Cole Diddy-yə istinad olaraq ifa etmişdi. 12 noyabr 2010-cu ildə, Cole "Friday Night Lights" adlı üçüncü rəsmi mixtape-ini yayımladı. Mixtape-də Drake, Wale və Omen-nin iştirakları vardı və musiqilərin hazırlanması işinin böyük qismi Cole tərəfindən idarə olunmuşdu.

Diskoqrafiya

Studiya albomları

• Cole World: The Sideline Story (2011)
• Born Sinner (2013)
• 2014 Forest Hills Drive (2014)
• 4 Your Eyez Only (2016)
• KOD (2018)
• The Fall Off (2020)

Konsert turları

• Cole World… World Tour (2011)
• What Dreams May Come Tour (2013–14)
• Dollar & A Dream Tour (2013)
• Dollar & A Dream Tour 2014: The Warm Up (2014)
• Forest Hills Drive Tour (2015)
• Dollar & A Dream Tour III: Friday Night Lights (2015)
• 4 Your Eyez Only World Tour (2017)
• KOD Tour (2018)
• The Campus Consciousness Tour (Big K. R. I. T. ilə birgə) (2012)
• Revenge of the Dreamers NYC Crawl (Dreamville ilə birgə) (2015)

Dəstəkləyici iştirak

• Jay-Z Fall Tour (Jay Z) (2009)
• Attention Deficit Tour (Wale) (2009)
• Loud Tour (Rihanna) (2011)
• Club Paradise Tour (Drake) (2012)
• Rapture Tour (Eminem) (2014)