Abşeron (otel)
Bu məqalə və ya bölmə reklam xarakteri daşıyır. |
"JW Marriott Absheron" — Azərbaycan Respublikasının paytaxtı olan Bakı şəhərində beşulduzlu otel. “JW Marriott”a məxsusdur.
| JW Marriott Absheron | |
|---|---|
 | |
 | |
| 40°22′27″ şm. e. 49°51′22″ ş. u.HGYO | |
| Ölkə |
 Azərbaycan |
| Şəhər | Bakı |
| Tikilmə tarixi | 2012 |
| Mərtəbə sayı | 21 |
| Memarlıq quruluşu | Modern |
| Vəziyyəti | Fəaliyyət göstərir |
|
|
|
 Vikianbarda əlaqəli mediafayllar | |
Köhnə “Abşeron” mehmanxanasının yerində tikilən yeni “JW Marriott Absheron” oteli dünya şöhrətli “Marriott International” şirkətinin Azərbaycan Respublikasındakı ilk otelidir. Bakıda beynəlxalq səviyyəli bu cür otellərin tikilməsi Azərbaycanda turizmin inkişafının istər yerli, istərsə də xarici şirkətlər üçün yaradılan əlverişli investisiya mühitinin bariz göstəricisidir.[1] Otel öz tarixi “Abşeron” adını da saxlamışdır. Çünki 1980-ci illərdə burada “Abşeron” otelinin tikilməsi o dövr üçün böyük hadisə idi.[1]
Oteldə otaqların layihələndirilməsi və tərtibatı zamanı Azərbaycanın təbiəti, memarlıq abidələri, eləcə də Xəzər dənizinin elementləri öz əksini tapmışdır. Oteldə yüksək kateqoriyalı “Executive studio”, “Executive Deluxe”, “Executive Premier” və “President luxe” də daxil olmaqla ümumilikdə 243 geniş otaq vardır.[1]
Oteldə Şərq mətbəxinin təamlarının təklif edildiyi “Fireworks Oriental Kitchen”, İtaliya mətbəxinin nümunələri olan “OroNero Bar&Ristorante” restoranları, “Razzmatazz Cocktail&Lounge” barı və “Zest Lifestyle” kafesi vardır. Burada, həmçinin Azadlıq meydanı tərəfdən xüsusi girişi olan restoranlar, bar və kafe fəaliyyət göstərir.[1]
Otelin binasının üst üç mərtəbəsini əhatə edən “Abşeron Spa” mərkəzində qonaqlar Bakının və Xəzər dənizinin füsunkar mənzərəsini seyr etmək imkanına malikdirlər. Mərkəzdə altı prosedur otağı, daxili hovuz, buxar otağı və sauna vardır.[1]
İşgüzar görüşlər və konfransların keçirilməsi üçün oteldə təbii Günəş işığı ilə işıqlandırılan 13 iclas zalı vardır. Otelin mirvarisi hesab olunan 1208 kvadratmetrlik sütunsuz “Şərq” zalında böyük tədbirlərin, sərgilərin və digər mərasimlərin keçirilməsi üçün hər cür şərait yaradılmışdır.[1]
Otelin həyətindən bulvara çıxan yeraltı keçid tikilmişdir.
Açılışı
redaktəAzərbaycan Respublikasının Prezidenti İlham Əliyev və xanımı Mehriban Əliyeva 1 aprel 2012-ci il tarixində “JW Marriott Absheron” otelinin açılışında iştirak ediblər.[1]
Poçt markası üzərində
redaktə 2012-ci ilin may ayının 14-də Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən "Eurovision - 2012"-yə həsr olunmuş yeni poçt markaları təqdim edilmişdir. Qiyməti 60 qəpik, tirajı isə 10000 ədəd olan həmin markalardan birinin üzərində “JW Marriott Absheron” otelinin təsviri verilmişdir[2].
Qalereya
redaktə
İstinadlar
redaktə- ↑ 1 2 3 4 5 6 7 İlham Əliyev Bakıda “JW Marriott Absheron” otelinin açılışında iştirak etmişdir Arxivləşdirilib 2018-04-07 at the Wayback Machine. president.az, 01.04.2012 (az.)
- ↑ 14.05.2012. "Eurovision - 2012" song contest. Arxivləşdirilib 2016-04-21 at the Wayback Machine azermarka.az (az.)
Xarici keçidlər
redaktə
- “Abşeron“niyə sökülür? Arxivləşdirilib 2020-06-07 at the Wayback Machine