Juriaen Ambdis
Juriaen Ambdis — XVII əsrdə yaşamış holland gəmi topu düzəldən və rəssam. 1648-ci ildə Səfəvi şahı II Abbasın (1642-1666) ordusunda topçu kimi xidmət etməyə başlamışdır.[1][2] O, Səfəvi−Moğol müharibəsi (1649-1653) zamanı Qəndəharın uğurlu mühasirəsində iştirak etmişdir.[2] Mühasirədən sonra Ambdis və digər hollandlar xidmətdən azad edilmişdirlər. Digər hollandlardan fərqli olaraq Ambdis Səfəvi imperiyası ərazisindən ayrılmaq istəməmiş və burada rəssam kimi çalışmaq qərarına gəlmişdir.[2] Onun belə bir istəkdə olmasının əsas səbəbi Səfəvi sarayənda rəssam kimi çalışan bir digər holland rəssam olan Hendrick Boudewijn van Lockhorstın Səfəvi şahlarından böyük məbləğdə maaş alması idi.[2] Lakin Ambdis Hendrick kimi uğur qazana bilmir və bir müddətdən sonra demək olar ki, dilənçi vəziyyətinə düşür.[2] 29 mart 1649-cu ildə Osmanlı hakimiyyətində olan İraq ərazisində bir Səfəvi imperiyasından olan tacir Ambdisi karvanın arxasıyca tənha şəkildə gələn görür və ona çörək verir.[2] Verilən məlumata görə, Ambdis 22 may 1650-ci ildə Bağdad şəhərində islamı qəbul etmişdir.[2] Bundan sonra onun barədə məlumatlar yoxdur. O, 1650-ci ildən sonra vəfat etmişdir.[3]
| Juriaen Ambdis | |
|---|---|
| Hollandca:Juriaen Ambdis | |
| Doğum tarixi | Bilinmir |
| Doğum yeri | Hollandiya |
| Vəfat tarixi | 1650-ci ildən sonra |
| Vəfat yeri | Bilinmir |
| Milliyyəti | Holland |
| Dini |
Xristian 1650-ci ildən sonra islam |
| İxtisası |
Top düzəldən Rəssam |
| Fəaliyyəti | rəssam |
Həmçinin bax
redaktəİstinadlar
redaktə- ↑ Floor, 1996. səh. 603-613
- ↑ 1 2 3 4 5 6 7 Schwartz, 2014. səh. 33-34
- ↑ Schwartz, 2014. səh. 192
Mənbə
redaktə- Floor, Willem. DUTCH-PERSIAN RELATIONS // Encyclopaedia Iranica, Vol. VII, Fasc. 6. 1996. 603–613.
- Schwartz, Gary. Terms of Reception: Europeans and Persians in Each Other's Art // North, Michael; Da Costa Kaufmann, Thomas (redaktorlar ). Mediating Netherlandish art and material culture in Asia. Amsterdam University Press. 2014. ISBN 978-9089645692.