Könül Əliyeva (teatrşünas)

Könül Əliyeva (Könül Cəfərova; 5 fevral 1986, Füzuli rayonu) — teatrşünas, Teatr Xadimləri İttifaqının üzvü

Könül Əliyeva
Doğum tarixi	5 fevral 1986
Doğum yeri	Füzuli rayonu, Azərbaycan SSR, SSRİ
Vətəndaşlığı	Azərbaycan
Həyat yoldaşı	Elçin Cəfərov
Uşaqları	Altay Cəfərsoy, Vaqif Cəfərsoy
Atası	Rafiq Əliyev
Milliyyəti	azərbaycanlı
İxtisası	teatrşünas
Təhsili	Azərbaycan Dövlət Mədəniyyət və İncəsnət Universiteti
Fəaliyyəti	AMEA Memarlıq və İncəsənət İnstitutu, Azərbaycan Dövlət YUĞ Teatrı

Yaradıcılığı

Könül Əliyeva Azərbaycan Dövlət Mədəniyyət və İncəsənət Universitetinin "Sənətşünaslıq" fakültəsində "Teatrşünaslıq" ixtisası üzrə bakalvar (2003-2007) və magistr (2007-2009) pilləsində təhsil alıb.

2006-cı ildən YUĞ Dövlət Teatrının Mətbuat katibi vəzifəsində çalışır. 2010-cu ildən bu günə qədər AMEA Memarlıq və İncəsənət İnstitutunun "Teatr, kino və televiziya" şöbəsində kiçik elmi işçisi vəzifəsində çalışır.

Universitetdə təhsil aldığı zamandan etibarən mütamadi olaraq müxtəlif mətbu orqanlarında ("Qobustan", "Tənqid.net", "Musiqi dünyası", "Mədəni həyat" jurnalları, "Xəzri" (rus dilində), "Mədəniyyət", "Kino+", "Kaspi" qəzetləri və s.) məqalə və resenziyalarla çıxış edir.

2005-ci il 14-21 dekabr tarixlərində Azərbaycan Respublikası Mədəniyyət və Turizm Nazirliyinin və Azərbaycan Teatr Xadimləri İttifaqının birgə layihəsi olan "Boş məkanın dolğunluğu" teatr festivalında gənc ekspert kimi iştirak etmiş, tamaşaların müzakirəsi zamanı sərt və tənqidi yanaşma tərzinə görə, fəxri diplomla təltif olunmuşdur.

2007-ci ilin mart ayında Azərbaycan Respublikası Mədəniyyət və Turizm Nazirliyinin və Azərbaycan Teatr Xadimləri İttifaqının birgə layihəsi olan "Yeni Teatr" Gənc rejissorların Respublika festivalında ekspert qrupunun üzvü olmuş, fəal iştirakına görə fəxri diplomla təltif edilmişdir.

2009-cu ildə Teatr Xadimləri İttifaqının üzvlüyünə qəbul edilib. Həmçinin Alternativ Teatr Araşdırmaları Mərkəzinin üzvüdür.

2012-ci ildən Beynəlxalq Teatr Tənqidçiləri Assosiasiyasının Azərbaycan nümayəndəliyinin katibidir.

2-8 oktyabr 2014-cü ildə Tbilisi Beynəlxalq Teatr Festivalında (Tbilisi, Gürcüstan), 19-26 noyabr 2015-ci il tarixlərində Gənclərin II Beynəlxalq Teatr Forumunda (Minsk, Belarus Respublikası) teatrşünas kimi çıxış etmişdir.

Məqalələri

1. Milli teatrşünaslıq elmində qeyri-klassik üsullar Arxivləşdirilib 2015-06-26 at the Wayback Machine
2. Bir... iki... bizimki... yaxud, sonu olmayan başlanğıca doğru gedən Kamal Abdulla Arxivləşdirilib 2015-06-27 at the Wayback Machine
3. Köhnə nağıl tək...
4. http://www.kaspi.az/enews.php?id=471 Arxivləşdirilib 2015-06-27 at the Wayback Machine Kədərli kloun haqqında şən elegiya
5. Çağdaş Azərbaycan teatrının dünya teatr prosesinə inteqrasiyası və avanqard teatr prinsipləri Arxivləşdirilib 2016-08-01 at the Wayback Machine
6. Sevirsən sev, sevmirsənsə, broşkoyu qaytar
7. Öylə bir tərcümə ki... Arxivləşdirilib 2015-06-27 at the Wayback Machine
8. Uzun incə bir yoldayam, canımda can...
9. Teatr tənqidinin tənqidi Arxivləşdirilib 2020-04-11 at the Wayback Machine