Körivurst
Körivurst— pomidorlu sous və köri tozu və ya köri ketçupu ilə servis edilən qızardılmış kolbasa yeməyidir. Kolbasa tam və ya doğranmış şəkildə servis edilir. Bu yemək alman mətbəxinə aid edilir. Yeməkdə adətən azca qızardılmış, qabıqlı və ya qabıqsız kolbasalardan istifadə edilir. İkinci Dünya Müharibəsindən sonra məşhurlaşan yemək əsasən fasfut yemək hesab edilir. Körivurst alman müəssisələrinin yeməkxanalarının sevilən yeməklərindən biridir [1][2] və həmçinin evlərdə də hazır yeməklər kimi istifadə edilir.
| Körivurst | |
|---|---|
 | |
| Aid olduğu milli mətbəxlər | |
| Alman mətbəxi | |
| Mənşəyi | |
| Tarixi | 1949 |
| Müəllif | Herta Hoyver |
| Tərkibi | |
| Əsas | |
Almaniyada illik olaraq 800 milyondan çox körivurst istehlak edilir.[3] Bundan əlavə körivust dedikdə həmçinin tərkibində köri tozu olan kolbasalar da başa düşülür. Körivurst (qızardılmış kartofla birlikdı) 2020-ci ildə ardıcıl olaraq 28-ci dəfə Almaniyada ən sevilən yeməkxana yeməkləri arasında birinci yerdədir.[4]
Yaranması redaktə
Geniş yayılmış bir fikrə görə, körivurst ilk dəfə İkinci Dünya Müharibəsindən sonrakı dövrdə Berlin şəhərində hazırlanıb. 1949-cu ildən Berlinin Şarlottenburq rayonundakı Kant və Kayzer Fridrix küçələrinin kəsişməsində fasfut restoranı işlədən Herta Hoyver iddia edirdi ki, o, ənənəvi köri sousunu 1949-cu ilin sentyabrında kəşf edərək qızardılmış kolbasa ilə servis edib. Beləliklə də, körivurst yaranıb. Buna baxmayaraq Hoyver körivurstun inkişafında başqalarının zəhmətinin dana bilməz.[5]
Növləri redaktə
Körivurstun hazırlanması bölgədən-bölgəyə dəyişir. Bəzi yerlərdə sous qızdırılır, bəzi bölgələrdə isə sous köri tozu ilə ədviyyatlanır. Sosun qatılığı bəzi yerlərdə çox bəzi yerlərdə az olur, eləcə də müxtəlif bölgələrdə və ya fasfut köşklərdində sous kimi sadəcə ketçup istifadə edilir.
İstinadlar redaktə
- ↑ Christina Steinheuer. "King of Pott und Berliner Chillup". 30 yanvar 2015. 12 mart 2016 tarixində arxivləşdirilib.
- ↑ "apetito Menü-Charts 2014:Bekannte Klassiker sind am beliebtesten" (PDF). 12 mart 2016 tarixində arxivləşdirilib (PDF).
- ↑ Presseinformation:. "Daten und Fakten: Deutsches Currywurst Museum Berlin" (PDF) (alman). Oktyabr 2014. 6 mart 2016 tarixində arxivləşdirilib (PDF).
- ↑ "Kantinen-Ranking: Klassiker bleibt weiter Nummer eins" (alman). 22 iyul 2020. 19 avqust 2020 tarixində arxivləşdirilib.
- ↑ Gerd Rüdiger. Currywurst. Ein anderer Führer durch Berlin. Berlin: be.bra. 1995. ISBN 3-930863-03-0.