Kədər maskası
Kədər maskası —— SSRİ-da siyasi repressiya qurbanı olanlara həsr olunmuş Maqadanda yerləşən memorial abidə. Nəzərdə tutulan "Kədər üçbucağı" abidələrindən birincisi. "Kədər üçbucağı"na aid olan ikinci abidə isə 2017-ci ildə Yekaterinburq ətrafında qoyulub.
| Kədər maskası | |
|---|---|
| rus. Маска скорби | |
 | |
 Abidənin arxa tərəfdən görüntüsü | |
 | |
| 59°35′30″ şm. e. 150°48′41″ ş. u.HGYO | |
| Ölkə |
 Rusiya |
| Şəhər | Maqadan |
| Yerləşir | Maqadan |
| Heykəltaraş | Ernst Neizvestnıy |
| Memar | Kamil Kazayev |
| Tikilmə tarixi | 12 iyun 1996 |
| Hündürlüyü | 15 m |
| Rəsmi sayt | culture.goldkolyma.ru/ob… |
 Vikianbarda əlaqəli mediafayllar | |
Abidənin tarixi
redaktə1990-cı ilin yayında ABŞ-də yaşayan heykəltaraş Ernst Neizvestnıy Maqadana gəlir. O özü ilə 1930–1950-ci illərdə stalin repressiyalarının qurbanlarının xatirəsinə həsr olunmuş abidənin eskizlərini gətirərək burada nümayiş etdirir. Nəzərdə tutulurdu ki heykəltaraş tərəfindən düşünülən "Kədər üçbucağı" (Maqadan, Vorkuta, Yekaterinburq) abidələrindən ilki Maqadanda ucaldılacaq. 23 iyul 1990-cı ildə Maqadan şəhər icraiyyə komitəsi Maqadanda Stalin repressiyaları qurbanlarına memorial abidənin ucaldılması ilə bağlı qərar verir.
Memorialın mərkəzi abidəsi sol gözündən kiçik maskalar şəklində göz yaşı axan insan üzünə bənzədilib. Sağ göz isə dəmir barmaqlıqlı pəncərə formasında düzəldilib. Abidənin arxa tərəfində isə standart olmayan xaçın altında bürüncdən düzəldilmiş ağlayan qadın heykəli var[1]. Abidənin daxilində tipik həbsxana kamerası yerləşir. Mərkəzi abidənin hündürlüyü 15 metrdir. Müəllifləri heykəltaraş Ernst Neizvestnıy, memar Kamil Kazayevdir.
Abidə Maqadanda "Krutaya" təpəsində yerləşir və 12 iyun 1996-cı ildə açılıb. "Krutaya" təpəsində stalin repressiyaları dövründə tranzit nöqtəsi yerləşib, məhbuslar mərhələli şəkildə buraya gətirilib daha sonra isə bölgədə olan digər düşərgələrə bölünürdülər.
24 sentyabr 2008-ci ildə Maqadana gedən Rusiya prezidenti Dmitri Medvedyev abidəni ziyarət etmişdir[2]. .
Həmçinin bax
redaktəİstinadlar
redaktə- ↑ Отдел культуры администрации Магадана, К. Казаев, Т. Исаева. "Мемориальный комплекс "Маска Скорби"". Памятники жертвам политических репрессий на территории бывшего СССР. Сахаровский центр. 2012-06-03 tarixində arxivləşdirilib. İstifadə tarixi: 2012-04-05.
- ↑ "[[Dmitri Medvedyev]]in Maqadana səfəri". 2011-07-03 tarixində arxivləşdirilib. İstifadə tarixi: 2018-10-12.