Kələntər Xəlil — “Journal of SID” elmi jurnalının xüsusi buraxılışının redaktoru,[1] Naqoya və Tohoku universitetlərində doktorluq dərəcəsi almış azərbaycanlı.[2]

Kələntər Xəlil
Milliyyəti Azərbaycanlı
Elmi dərəcəsi professor
Təhsili Naqoya və Tohoku Universitetləri (Yaponiya)

Həyatı və təhsiliRedaktə

Tehranda elektronika mühəndisliyini oxuyub başa vurduqdan sonra 1981-ci ildə bu Gündoğar ölkəyə gəlib. Burada on il Naqoya Universitetində çalışıb, sonra Tokioya köçüb. Həm Naqoya, həm də Tohoku universitetlərində doktorluq dərəcəsi alıb.

Elmi fəaliyyətiRedaktə

Elektronika mühəndisliyi, yeni nəsil ekranların yaradılması sahəsində 100-ə yaxın patentin, yapon dilində üç kitabın, 130-dan artıq elmi məqalənin müəllifidir. Məişətimizə geniş daxil olan LCD televizor, kompüter və mobil telefonların əsas hissələrindən birinin - maye kristal displeyin arxa fon işıqlarının yaradıcısı, dünyanın məşhur universitetlərində bu mövzuda mühazirələrlə çıxış etmiş, 30 ildən çox Yaponiyada yaşayıb fəaliyyət göstərən soydaşımız Xəlil bəyi dünya bu adla tanıyır - Kalil Kalantar. Xəlil Kələntər fəza ikiölçülü optik koherent təsvirlərin pilləli optik-liflərdə və addımlı optik-liflərdə ötürülməsi, opto-eletronik sensorlar və ölçü cihazları, optik-makrostrukturlu funksional cihazlar və displey optikası məsələləri üzərində işləmişdir. 1995-ci ildən bəri LCD blokları üçün optik cihazlar və modullar üzərində çalışır. Dünyada ilk dəfə işıqla yönləndirilən mikro-reflektorlu və mikro-deflektorlu optik lövhələr yaratmışdır. Bununla yanaşı, o, işıqla yönləndirilən mikrostrukturlu funksional optik lövhələrin ilk dizayneri, müəllifi və istehsalçısıdır. 2007-ci ilin mayında LCD işıqlandırılmasında istifadə edilən işıq şüaları üçün kəşf etdiyi yeni optik-dizayn metoduna görə xüsusi mükafata layiq görülmüşdür. 2008-ci ildə displey elektronikası və optikası üzrə ABŞ-ın bütün dünyada tanınan nüfuzlu “Society for Information Display” (SID) Cəmiyyətinin fəxri üzvü seçilmişdir. SID üzrə 2011-ci ildə keçirilmiş konfransda “Ən yaxşı məqalə” mükafatını almışdır. “Global Optical Solutions” şirkətinin baş tədqiqatçısıdır, SID Cəmiyyəti proqram komitəsinin üzvüdür. Bundan əlavə, Xəlil bəy “Journal of SID” elmi jurnalının xüsusi buraxılışının redaktoru kimi fəaliyyət göstərir. Displey texnologiyaları üzrə Yaponiyada keçirilən beynəlxalq seminarların proqram komitəsinin də üzvüdür. Söhbət zamanı dedi ki, apardığı tədqiqatlarla əlaqədar bir sıra tanınmış şirkətlərdə çalışmışdır. Əsərləri ingilis, yapon, Çin və Koreya dillərində dərc olunmuşdur. LCD texnologiyaları üzrə yapon dilində üç kitabın müəllifidir. Həmin kitablardan yalnız birinin satış qiyməti 65 min yendir (təqribən 650 dollar). Displey elektronikası üzrə yapon dilində nəşr edilmiş altı kitabın həmmüəllifidir. Yalnız Yaponiyada deyil, Amerika, Asiya və Avropada elektronika, yeni nəsil displey ekranlar sahəsində böyük mütəxəssis kimi tanınır. Həmin sahədə uzun müddət çalışdığına görə Xəlil Kələntərə müvafiq beynəlxalq konfranslarda Yaponiyanı təmsil etmək hüququ verilmişdir [3].

Həmçinin baxRedaktə

Lütfi Zadə

Xarici keçidlərRedaktə

İstinadlarRedaktə

  1. Milli Kitabxanın saytı
  2. Azərbaycanın diasporadakı alimləri
  3. Yaponiyadakı azərbaycanlı