Kəraçi qatar qəzası
Kəraçi qatar qəzası (həmçinin Landhi dəmiryol qəzası kimi adlandırırlar) — 3 noyabr 2016-cı ildə 07:18 radələrində Landi Dəmiryolu Stansiyasından yola başlayan sərnişin qatarının Pakistanın Kəraçi şəhərində qəzaya uğradığı qatar qəzasıdır. Multandan gələn Zakariya Ekspress sərnişin qatarı düzgün siqnal vermədiyi üçün Lahordan Kəraçiyə gələn Fareed Ekspress sərnişin qatarı ilə arxadan toqquşmuşdur.[4][5] İki qatarın toqquşması nəticəsində ən azı 21 nəfər həlak olmuş, 65 nəfər isə yaralanmışdır. Sonrakı günün səhərindən, yəni çərşənbə axşamından Kəraçi şəhərinin Landhi ərazisində xilasetmə işlərinə başlanmışdır.[1]
| Kəraçi qatar qəzası | |
|---|---|
| Detallar | |
| Tarix | |
| Yer | Kəraçi, Pakistan |
| Ölkə |
 Pakistan |
| Statistik məlumatlar | |
| Qatarlar | 2 |
| Həlak olanlar | 21[1][2][3] |
Qəza
redaktəŞahidlər məlumat bildirdilər ki, Multandan gələn Zakariya Ekspress sərnişin qatarı Kəraçidə dayanacaqda dayanmışdır. Sürətlə Lahordan gələn Fareed Ekspress sərnişin qatarı zərblə digər qatara çırpılmışdır. Qatar qəzasından sonra insan qışqırıqları ətrafa yayılmışdır. Qatarlar ən azı iki vaqonun toqquşması nəticəsində aşıblar. Televiziya kadrları göstərir ki, qatarlar qəza nəticəsində sıradan çıxıblar. Qəzadan sonra qatarlar yerləşdikləri dayanacaqlara aparılıblar. Fareed Ekspress və Zakariya Ekspress qatarlarının arabacıqları toqquşma nəticəsində tamamilə dağılmışdır. Sindin Baş Nazirinin müşaviri və senator Səid Qənidə bildirib ki, dəmiryolu rəsmiləri səhvən arxadan gələn qatara yaşıl siqnalı verib. Bununla da qatar istiqamətini dəyişərək sağa istiqamətlənmişdir.[6] Zavodun işçisi Əcəb Gül kütləvi informasiya vasitələrinə açıqlamasında bildirib ki, o, iş yerinə gedərkən yol qəzası baş verib. O, hadisəni belə şərh edib:"Birdən daha bir qatar yüksək sürətlə gəldi və dayanmış qatara çırpıldı".[7]
Sürücünün səhv siqnalı
redaktəDəmiryolları üzrə Federal Nazir Xavaci Saad Rafiki bildirib ki, hadisə üçün əsas səbəb arxadan gələn qatarın sürücüsünün və köməkçi sürücünün səhlənkarlığı olmuşdur. O bildirib ki, sürücülərə ilk olaraq sarı siqnal, daha sonra isə zəif şəkildə qırmızı siqnal verilmişdir. "Qatar SOS siqnalı verdikdən bir dəqiqə sonra qəzaya uğramış və sürücülər həlak olmuşdur". O bildirib ki, sürücülər toqquşmaya səbəb olan hər iki siqnala məhəl qoymayıblar.[8]
Reaksiyalar
redaktəPakistan Xalq Partiyasının (PXP) sədri Bilaval Butto Zərdari CPXM-də qatar qəzasında xəsarət alanlara baş çəkib. PXP sədri bildirib ki, terrorizm və qəzalar siyasətlə bağlı olmamalıdır. Bilaval öz yaxınlarını itirən ailələrə başsağlığı verib. O, həmçinin xəsarət alanlara göstəriləcək ən yaxşı tibbi yardım üçün xalqa müraciət edib. O, əlavə edib ki, Pakistanda və Sind əyalətində binaların tikintisinə daha diqqətli nəzarət olunacaqdır. Sindin Baş Naziri Murad Əli Şah da yaralılara baş çəkib.
Nəticələri
redaktəCinnah Xəstəxanasında Təcili Yardım Şöbəsinin Rəhbəri olan Doktor Seemi Camalinin sözlərinə görə 16 cəsəd və 40 yaralı Cinnah Xəstəxanasına gətirilib.[2] Yaralılar Cinnah Xəstəxanasına, Abbasi Şaheed Xəstəxanasına və Mülki Xəstəxanasına köçürülmüşdür. Orada fövqəladə vəziyyət elan edilib. Qatar qəzasından sonra Kəraçi və ölkənin digər ərazilərində bütün qatarların hərəkəti dayandırılıb.[9]
İstinadlar
redaktə- ↑ 1 2 "At least 21 killed, 65 injured in Karachi train collision". Geo News. Geo Tv. 2022-08-12 tarixində arxivləşdirilib. İstifadə tarixi: 2016-11-06.
- ↑ 1 2 "Massive injuries sustained by survivors". Geo News. Geo Tv. 2022-08-12 tarixində arxivləşdirilib. İstifadə tarixi: 2016-11-06.
- ↑ "20 killed as trains collide near Karachi's Landhi Railway Station". Dawn News. Dawn. 2022-02-26 tarixində arxivləşdirilib. İstifadə tarixi: 2016-11-06.
- ↑ "Landhi Train Crash". Express Tribune. Express. 2021-10-21 tarixində arxivləşdirilib. İstifadə tarixi: 2016-11-06.
- ↑ "Landhi Train Disaster". Geo News. Geo Tv. 2022-08-12 tarixində arxivləşdirilib. İstifadə tarixi: 2016-11-06.
- ↑ "Mighty Mistake". Dawn News. Dawn. 2022-02-26 tarixində arxivləşdirilib. İstifadə tarixi: 2016-11-06.
- ↑ "Factory worker tells about the incident". Dawn News. Dawn. 2022-02-26 tarixində arxivləşdirilib. İstifadə tarixi: 2016-11-06.
- ↑ "Sources suggest the cause of accident as failure of the driver to respond to signals". Dawn News. Dawn. 2022-02-26 tarixində arxivləşdirilib. İstifadə tarixi: 2016-11-06.
- ↑ "Train Traffic suspended after the crash". Daily Times. Agencies. 2016-11-06 tarixində arxivləşdirilib. İstifadə tarixi: 2016-11-07.