Kərpicvari qarğa soğanı
Kərpicvari qarğa soğanı - (lat. Gladiolus imbricatus L.) Süsənkimilər – (İridaceae Juss.) fəsiləsinə aid bitki növü. [1]
IUCN Qırmızı Siyahısına görə növün kateqoriyası və statusu “Nəsli kəsilməyə həssas olanlar” kateqoriyasına aiddir –VU A2c. Azərbaycanın nadir növüdür.[2]
Qısa morfoloji təsviri redaktə
Çoxillik, düz gövdəli (hündürlüyü 50 sm), yaşıl bitkidir. Yarpaqlar xətvari, 5-5,5 mm enindədir. Çiçəkyanlığı 2-2,5 sm uzunluğunda, tünd-bənövşəyi rənglidir.Tərəfləri küt, tərs – oval, yuxarı və aşağı tərəfi eyni uzunluqdadır. Erkəkcik sapı tozcuqdan bir qədər uzun, ağızcıq tərs – neştərşəkillidir [3]
Bioloji, ekoloji və fitosenoloji xüsusiyyətləri redaktə
Çiçəkləmə may, meyvə əmələ gətirmə iyul aylarına təsadüf edir. Soğanaqla və toxumla çoxalır. Dekorativ bitkidir [3][4]
Yayılması redaktə
Böyük Qafqazın Quba hissəsi və şərqi [3][4][5].
Sayı və tendensiyası redaktə
Populyasiyalarında azalma (30%) tendensiyası müşahidə olunur .
Məhdudlaşdırıcı amillər redaktə
Antropogen və zoogen amillər [4]. Əhali tərəfindən intensiv yığılması, otarılma və tapdalanma nəticəsində yayılma sahəsi məhdudlaşır.
Mühafizə tədbirləri redaktə
Xüsusi mühafizə tədbirləri görülməyib. Yeni yayılma ərazilərinin axtarılması, yasaqlıqların salınması vacibdir.
Sinonimləri redaktə
Gladiolus apterus Klokov.
İstinadlar redaktə
- ↑ Azərbaycan Respublikasının Qırmızı Kitabı. Nadir və nəsli kəsilməkdə olan bitki və göbələk növləri, II nəşr, Bakı-2013
- ↑ http://redbook.az/?options=project&id=K%C9%99rpicvari%20qar%C4%9Fa%20so%C4%9Fan%C4%B1[ölü keçid]
- ↑ 1 2 3 1. Флора Азербайджана, 1952
- ↑ 1 2 3 2. İbadlı O.V. 2004
- ↑ 3. Конспект флоры Кавказа, 2006