Kanada zirinci

Kanada zirinci (lat. Berberis canadensis) — bitkilər aləminin qaymaqçiçəklilər dəstəsinin zirinckimilər fəsiləsinin zirinc cinsinə aid bitki növü.

Kanada zirinci
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Dəstə: Qaymaqçiçəklilər Fəsilə: Zirinckimilər Cins: Zirinc Növ: Kanada zirinci
Beynəlxalq elmi adı
Berberis canadensis Mill.
Şəkil axtarışı ITIS   18818 NCBI   258147 EOL   595146

Təbii yayılması

Şimali Amerikanın şərqində çayların sahillərində, hündür qayalarda və yamaclarda bitir.

Botaniki təsviri

Hündürlüyü 2–3 m-ə qədər olan az budaqlı koldur. Cavan budaqları sarımtıldır, yaşlandıqca bozumtul rəng alır. Qoca zoğları qırışlı qabıqla örtülmüşdür. Vegetasiyası aprelin axırlarından oktyabrın axırlarına qədər davam edir. Çiçəkləməsi mayın axırından iyulun əvvəlinə qədərdir. Hər il bol meyvə verir. Sentyabrın axırlarında yetişir.

Ekologiyası

Dağətəyi zonalarda bitir. Qışadavamlılığı yüksəkdir. İstiyə, quraqlığa davamlıdır.

Azərbaycanda yayılması

Mərdəkan Dendrarisində introduksiya edilmişdir. Abşeronda, Qəbələdə, Lənkəranda və s. park və bağlarda mədəni şəraitdə becərilir.

İstifadəsi

Meyvələrinin dekorativ görünüşünə park və bağlarda canlı çəpərlərin salınmasında istifadəsi məqsədyönlüdür.