Kapustino gölü
Kapustino — Çeçenistan Republikasında şirinsulu göl. Göl Naurski rayonunda, Kapustino xutorundan 2,5 km qərbdə, Svobodnoe xutorundan isə 3 km şimal-şərqdə yerləşir.
| Kapustino gölü | |
|---|---|
| Ümumi məlumatlar | |
| Sahəsi |
|
| Yerləşməsi | |
| 43°46′50″ şm. e. 45°17′54″ ş. u.HGYO | |
| Ölkə | |
|
|
|
.jpg)
Ümumi məlumat
redaktəKapustino gölü girintili-çıxıntılı sahil xəttinə malikdir. Gölün uzunluğu 700 metr, eni 350 metr, dərinliyi isə 4 metrdir. Göl səthinin sahəsi — 0,27 km²-dir. Kapustino gölünün dibi düz və çöküntü qatı ilə örtülüdür. Su hövzəsində qamışlıq üstünlük təşkil edir. Gölün şimal-şərq sahillərində meşə zolağı mövcuddur. Meşə zolağında əsasən qovaq, daryarpaq iydə və xəzər söyüdü ağacları üstünlük təşkil edir[1]. Göl dəniz səviyyəsindən təxminən 6–14 metr yüksəklidə yerləşir. Kapustino gölü Mayor və Genralskoe gölləri ilə birlikdə eyni geoloji, hidroloji xarakterə malikdir.
Göl suyu əsasən Tersk-Kumuk suvarma kanalının qolları olan Burunnoy və Naursko-Şelkovski kanalları ilə nizamlanır. Suyun minerallaşması və digər hidroloji parametrləri haqqında dəqiq məlumat yoxdur. Az dərinliyə görə suyun temperaturunda kəskin dəyişmələr müşahidə olunur. Qış aylarında az müddətli buz qatı yaranır. Buz qatının qalınlığı 10–15 sm arasında dəyişir. Yay aylarında göl suyunun temperaturu 20–26 °C olur.[1]
Göldən daima axın yoxdur. Suyun balansı daha çox meteoroloji durumdan asılıdır. Yayda güclü buxarlanma nəticəsində suyun səviyyəsi düşür. Göl suyunun ən yüksək səviyyəsi yaz və payız aylarında müşahidə olunur. Qarın əriməsi, yağıntıların artması, eləcə də buxarlanmanın azalması buna səbəbdir[1].
Yarımsəhra landşafta malik göl ətrafı ərazilər il boyu otlaq yeri kimi istifadə olunur. Ətraf ərazilərdə Rusiyanın "Qırmızı kitab"ına düşmüş bir çox canlılar yayılıb. Məsələn, adi pərttəgöz, adi qəşəng durna, adi caydaqcüllüt, Sternula albifrons, qərb yatağanı, nəhəng köstəbək, safsar və s. Miqrasiya vaxtı göldə çöl sarı, ağquyruq dəniz qartalı, bəzgək, adi bizdimdik, böyük əyridimdik kimi quşlar üstünlük təşkil edir[1].
Statusu
redaktəKapustino gölü respublika əhəmiyyətli xüsusi mühafizə olunan təbiət ərazisidir.
İstinadlar
redaktə- ↑ 1 2 3 4 "Озёра Капустино, Майорское, Генеральское". fesk.ru. 2018-05-10 tarixində arxivləşdirilib. İstifadə tarixi: 2017-02-06.