Karaqanda zooparkı
Karaqanda zooparkı (qaz. Қарағанды хайуанаттар бағы) — Qazaxıstanın ən yaşlı zooparklarından biri. Zooloji park 1938-ci ildə təşkil edilmişdir. Parkın ərazisi 43,5 ha olsa da ondan yalnız 8 ha ərazi istifadə edilir[1].
| Açılma tarixi | 1938 |
|---|---|
| Yer | Karaqanda,  Qazaxıstan |
| Sahəsi | 43,5 ha |
| Heyvanların sayı | 1600 (2015) |
| İllik ziyarətçilər | 85 900 (2015) |
| Üzv olduğu qurumlar | Avrasiya Regional Zooparklar və Akvariumlar Assosiasiyası |
Zooparkın ən məşhur sakini Batır ləqəbli hindistan fili olmuşdur[2][3].
Tarixi redaktə
Sovertlər dönəmi redaktə
1989-cu il məlumatına görə zooparkda 700 baş canlı olmuşdur. Onlar 159 növdə birləşirdi (69 məməli, 25 növ quş, 14 növ sürünən, 3 növ suda-quruda yaşayan, 25 növ balıq). Burada xaslanan 15 növ Beynəlxalq, 14 növ SSRİ, 8 növ isə Qazaxıstan SSR Qırmızı kitabına salınmışdır. XX əsrin 80-ci illərində zooparkda 26 növ çoxaldıla bilmişdir.
80-ci illərin sonlarında zoopark Karaqanda Dövlət Universiteti, Karaqanda Dövlət Tibb Universiteti, Karaqanda Vilayət Tarix Diyarşunaslıq Muzeyi ilə əməkdaşlığa başlamışdır. Bundan sonra zooparkı hər il 800 000 insan ziyarət edirdi.
Hazırkı vəziyyət redaktə
2012-ci ildə Karaqanda zooparkına yerli əhəmiyyətli qorunan təbiət zonası statusu verilmişdir. 2013-cü ildə burada 2700 baş canlı saxlanılırdı. 2015-ci ildə bu rəqəm 1600 başa qədər azalmışdır. 2013-cü ildə 328 baş məməli saxlanıldığı təqdirdə 2015-ci ildə bu rəqəm 287 baş olmuşdur. Dörd növ zooparkdan yox olmuşdur. 2014-cü ildə quş sayı 1249 baş olduğu halda 2015-ci ildə 246 baş olmuş və 2 növ azalmışdır. Balıq sayında da azlma müşahidə edilmişdir.
Zooparka gələnlərin sayında da azalma vardır: 2013 - 175 min, 2014 - 113 min, 2015 - 85 900 nəfər. Son zamanlarda isə artış müşahidə edilir.
2015-ci ildə zooparın saxlanılması üçün şəhər büdcəsindən 102,5 mln təngə ayrılmışdır. 1968-ci ildə inşa edilən köhnə tikili artıq qəzalı vəziyyətdədir[4]. Binanın yenidən inşası planlaşdırılır[5].
İstinadlar redaktə
- ↑ Yelena Ulyakina. "Karaqanda zooparkında heyvaların sayı azalıb". «Novı vestnik» qəzeti. 2016-06-29. 2017-06-19 tarixində arxivləşdirilib. İstifadə tarixi: 2017-05-25.
- ↑ "Batyr at Karaganda Zoo". elephant.se. Elephant Encyclopedia. 8 December 2015 tarixində arxivləşdirilib. İstifadə tarixi: 2 December 2012.
- ↑ "Kazakhstan zoo monkeys given wine 'to ward off flu'". bbc.co.uk. BBC. 3 February 2012 tarixində arxivləşdirilib. İstifadə tarixi: 2 December 2012.
- ↑ Валентина Елизарова. "В зоопарке Караганды основное здание идет под снос из-за аварийности". inform.kz. 2015-10-30. 2023-07-24 tarixində arxivləşdirilib. İstifadə tarixi: 2017-05-25.
- ↑ Валентина Елизарова. "Закрыть зоопарк предложили в Караганде". inform.kz. 2016-12-16. 2016-12-16 tarixində arxivləşdirilib. İstifadə tarixi: 2017-05-25.