Karl Tantsler
Georq Karl Tantsler (alm. Georg Carl Tänzler), eyni zamanda özünü qraf Karl fon Kozel (ing. Count Carl von Cosel) adlandırmışdır (8 fevral 1877[1], Drezden[1] – 3 iyul 1952 və ya 23 iyul 1952[2], Tampa, Florida) — almanəsilli ABŞ rentgen texniki. O, kubaəsilli ABŞ vətəndaşı qadın Yelena de Oyosa[3] məhəbbət bəsləməsi və onun vərəmdən vəfat etməsindən bir müddət sonra, 1933-cü ildən 1940-cı ilə qədər cəsədi ilə yaşaması[4] ilə tanınmışdır.
| Karl Tantsler | |
|---|---|
.jpg) | |
| Doğum tarixi | 8 fevral 1877[1] |
| Doğum yeri | |
| Vəfat tarixi | 3 iyul 1952 (75 yaşında) və ya 23 iyul 1952[2] (75 yaşında) |
| Vəfat yeri | |
| Fəaliyyəti | həkim, radioterapevt[d] |
 Vikianbarda əlaqəli mediafayllar | |
Oyos ilə münasibəti
redaktə
Tantsler 22 aprel 1930-cu ildə dəniz xəstəxanasında işləyərkən Mariya Yelena "Helen" Milaqro de Oyos ilə tanış olmuşdur. O, varlı bir ailədən idi. Atası Panço de Oyosun kiçik bir siqaret fabriki var idi. Yelenanın əri Luis Mesa onun vərəm xəstəliyinə tutulduğunu öyrəndikdən sonra Yelenadan ayrılmışdır. Tantsler ona aşiq olmuşdur. O, Yelenaya qayğı və məhəbbət göstərmiş, ona hədiyyələr vermişdir, lakin de Oyos ona qarşılıq verməmişdi.[3][5] Yelenanın valideynləri 50 yaşlı Tantslerin onla görüşməsinə qarşı deyildilər, çünki qızlarının həyatının tamamilə ondan asılı olduğunu düşünmüşdülər. Tantsler həyat yoldaşından boşanmışdı, lakin hələ də Yelena ilə evlənə bilməmişdi, çünki o və Luis Mesa boşanmamışdı. Tantslerin bütün səyləri nəticə verməmiş, Yelena 25 oktyabr 1931-ci ildə,[3] cəmi 21 yaşında vəfat etmişdir. Tantsler Yelenanın dəfninin bütün xərclərini ödəmiş, onun üçün hər gecə ziyarət etdiyi dəbdəbəli məqbərə tikdirmişdir.[3][5]
Tantsler 1933-cü ildə Yelenanın meyitini məqbərədən oğurlamışdır. Tantslerin iddiasına görə, Yelena bunu ondan özü xahiş etmişdi.[6] Bədən zamanla zədələndiyi üçün Tantsler onu bərpa etmişdir. Ona şüşə gözlər yerləşdirmiş, dərinin zədələnmiş yerlərini ipəklə əvəz etmiş, yaralarını tikmiş, həm də bədən formasını saxlaması üçün parçalarla doldurmuşdur. Bu işi işıqlandıran jurnalistlər Tantslerin meyitin vagina hissəsinə karton boru yerləşdirdiyini iddia edərək onu nekrofiliyada ittiham etmişdilər, lakin bunun üçün kifayət qədər inandırıcı dəlil yoxdur.[7] Bundan əlavə, meyitin qoxusunu gizlətmək üçün böyük miqdarda ətir və dezinfeksiyaedici vasitələrdən istifadə etməli olmuşdu.[8] Tantsler meyitlə 7 il yaşamışdır.
İstinadlar
redaktə- ↑ 1 2 3 4 https://www.ancestry.com/discoveryui-content/view/3300147:5405.
- ↑ 1 2 Find a Grave (ing.). 1996.
- ↑ 1 2 3 4 Swicegood, Tom. Von Cosel. iUniverse[ing.]. 2003. ISBN 0-595-74652-7. Arxiv surəti 12 noyabr 2012 tarixindən Wayback Machine saytında
- ↑ "A Macabre Love Story". Crime Library. 2006-08-27 tarixində arxivləşdirilib. İstifadə tarixi: 2006-08-24.
Radiologist Carl von Cosel, 56, became obsessed with one of the tuberculosis patients at the sanitarium where he worked. Her name was Maria Elena de Hoyos and she was a beautiful, 22-year-old woman.
- ↑ 1 2 Harrison, Ben. Undying Love: The True Story Of A Passion That Defied Death. St. Martin's Press[ing.]. 2001. ISBN 0-312-97802-2. Arxiv surəti 14 iyun 2020 tarixindən Wayback Machine saytında
- ↑ Von Cosel.
- ↑ Использованы материалы вскрытия, сделанного в 1972 году докторами Депу и Форэйкором
- ↑ "Autopsy 6: Secrets of the Dead – The Strange Obsession of Dr. Carl Von Cosel". HBO. 2005. 2010-01-07 tarixində arxivləşdirilib. İstifadə tarixi: 2006-08-24.
The Strange Obsession of Dr. Carl Von Cosel. In 1934, Dr. Carl Von Cosel worked at a Key West hospital, treating patients suffering from then-incurable tuberculosis. He fell in love with a 22-year-old patient named Elena Hoyos. When she died, Von Cosel got permission from her family to build her a mausoleum. There, Von Cosel used formaldehyde to preserve the body, visiting it nightly. ...