Karles Puyol

Karles Puyol Saforkada 1978-ci il aprelin 13-də dünyaya göz açmışdır. Karles Puyol öz dövrünün ən yaxşı müdafiəçilərindən biri kimi hesab edilir.

Karles Puyol
kat. Carles Puyol
Ümumi məlumatlar
Tam adı	Karles Saforkada Puyol
Ləqəbi	Şir ürəyi
Doğum tarixi	13 aprel 1978(1978-04-13)[…] (46 yaş)
Doğum yeri	Pobla-de-Sequr, İspaniya
Vətəndaşlığı	İspaniya
Boyu	178 sm
Çəkisi	81 kq
Mövqeyi	müdafiəçi
Əsas ayağı	Sağ
Klub haqqında məlumat
Klub	Barselona
Nömrəsi	5
Karyerası
Gənclik karyerası 1993—1995 Pobla-de-Sequr 1995—1996 Barselona Klub karyerası 1996—1997 Barselona C 1997—1999 Barselona B 89 (6) 1999—2014 Barselona 387 (11) Milli yığma 1995 İspaniya (18 yaşlılar) 3 (0) 2000 İspaniya (21 yaşlılar) 4 (0) 2000 İspaniya (23 yaşlılar) 5 (0) 2000—h.h. İspaniya 100 (3) 2001—h.h. Kataloniya 5 (0) Olimpiya oyunları Gümüş Sidney 2000 futbol Dünya çempionatları Qızıl CAR 2010 Konfederasiyalar kubokları Bürünc CAR 2009 Avropa çempionatları Qızıl Avstriya/İsveçrə 2008
Vikianbarda əlaqəli mediafayllar

Klub karyerası

Karles Puyol futbol karyerasına doğulduğu bölgənin La Pobla de Sequr adlı klubunda qapıçı olaraq başlamışdır. Lakin, çiynindəki zədə ilə bağlı olaraq sonradan hücumçu kimi çıxış etməyə başladı. 1995-ci ildə o Barselona'nın gənclərdən ibarət komandasına qoşuldu və orada müdafiəyə meylli yarımmüdafiəçi mövqeyində çıxış edirdi. 1997-ci ildə Barselona B-də çıxış etməyə başladı və burada o sağ cinah müdafiəçisi mövqeyində oynayırdı.

1999-cu ildə Barselona'nın baş məşqçisi onu əsas komandaya gətirdi. Puyol əsas komandada debütünü 1999-cu il oktyabrın 2 Real Valyadolid'ə qarşı oyunda edib. Daha sonralar o müdafiənin mərkəzində də çıxış edirdi. 2002-ci ildə o UEFA tərəfindən "Avropanın ən yaxşı sağ cinah müdafiəçisi" mükafatına layiq görüldü. Aqressivliyi və peşəkarlığı ilə seçilən Puyol müdafiənin istənilən mövqeyində oynaya bilir. 2003-2004 mövsümünün sonundan etibarən komandanın kapitanıdır.

2008-ci il sentyabrın 16-sı Çempionlar Liqasının qrup mərhələsi çərçivəsində Sportinqlə keçirilən qarşılaşmada o əsas komandada 400-cü oyununu keçirdi.

Milli karyerası

2000-ci il noyabrın 15-də o İspaniya milli komandasında ilk oyununa çıxıb. İspaniya millisinin tərkibində o 2000-ci il Sidney Olimpiya, 2002 FIFA Dünya Kuboku, Avro 2004, 2006 FIFA Dünya Kuboku Avro 2008 kimi beynəlxalq turnirlərdə oynayıb. Bu müddət ərzində 72 oyunda 2 qol vurub. O həmçinin Kataloniya milli komandasının yoldaşlıq oyunlarında da çıxış etmişdir.

2008-ci ildə keçirilən Avropa Çempionatında yığmanın çempion olmasında o böyük pay sahibi olmuşdur və Avro 2008 Rəmzi komandasına mərkəz müdafiəçi mövqeyində seçilmişdir.