Karuizava Yeni İncəsənət Muzeyi

Karuizava Yeni İncəsənət Muzeyi (軽井沢ニューアートミュージアム, Karuizava Nyu Ato Myuciamu) – Yaponiyanın Naqano prefekturasının Karuizava qəsəbəsində yerləşən müasir incəsənət muzeyi.

Karuizava Yeni İncəsənət Muzeyi
Açılış tarixi	aprel 2012
Ölkə	Yaponiya
Yerləşir	Karuizava[d]
knam.jp knam.jp/en/
Vikianbarda əlaqəli mediafayllar

Tarixi

Karuizava Yeni İncəsənət Muzeyi 2012-ci ildə açılmışdır. Rikuo Nişimori tərəfindən dizayn olunmuş muzey binası 2007-ci ilin aprelində tamamlanmış və əvvəlcə biznes binası kimi istifadə olunmuşdur.

Xüsusiyyətlər

Muzey şüşə panellərdən və sütunlardan tikilmişdir. Bu, muzey binasına şam meşəsi görkəmi vermək məqsədi daşıyır. Muzeydə Yayoi Kusama kimi müasir Yaponiya incəsənətinin nümayəndələrinin, eləcə də, Yaponiyaya ilk dəfə gəlmiş xarici sənətçilərin əsərlərindən ibarət sərgilər keçirilir. "Müasir yapon incəsənətini yeni prespektivdən yenidən kəşf etmək" muzeyin mövzusunu təşkil edir.

Muzey iki mərtəbədən ibarətdir. Birinci mərtəbədə banket zalı, üç qalereya, kafe və restoran, suvenir dükanı, kapella və salon, ikinci mərtəbədə 6 sərgi zalı yerləşir. Xüsusi və daimi sərgilər qalereya və sərgi zallarında keçirilir. Ən böyük sərgi zalının sahəsi 211 m² təşkil edir. Birinci mərtəbənin çölündə memar Kenqo Kuma tərəfindən 2015-ci ilin iyulunda hazırlanmış "Küləkli ağcaqayın və mamır meşəsi" kapellası və fransız sənətçi Jan Mişel Otoniel tərəfindən 2014-cü ildə hazırlanmış "Ürək darvazası" adlı instalyasiya yerləşir. Bu intalyasiya bir-birinə keçirilmiş iki ürəkdən ibarətdir. Burada evlilik mərasimləri keçirilir.

Qalereya

• 
• 
  "Ürək darvazası"
• 
• 
  Sərgi zalı

Xarici keçidlər

• knam.jp — Rəsmi saytı